ອົງການກາແດງລາວ

CROIX ROUGE LAO

#ກອງປະຊຸມຜູ້ນຳກາແດງແລະຊີກວົງເດືອນແດງອາຊີຕາເວັນອອກສ່ຽງໃຕ້ຄັ້ງທີ18.

ໃນຕອນບ່າຍຂອງວັນທີ 16 ກັນຍາ 2021 ນີ້, ທີ່ຫ້ອງປະຊຸມອົງການກາແດງລາວ ມີຄະນະນຳກາແດງລາວເຂົ້າຮ່ວມກອງປະຊຸມທາງໄກຄັ້ງທີ 18 ຂອງຜູ້ນຳກາແດງ ແລະ ຊີກວົງເດືອນແດງບັນດາປະເທດອາຊີຕາເວັນອອກສຽງໃຕ້ ຈັດຂຶ້ນທີ່ນະຄອນຫລວງບາງກອກປະເທດໄທ ໂດຍການເປັນປະທານຂອງ ທ່ານ ເຕດ ບຸນນາກ ເລຂາທິການສະພາກາຊາດໄທ, ມີບັນດາທ່ານການນຳຈາກກາແດງ ແລະ ຊີກວົງເດືອນແດງ 11 ປະເທດອາຊຽນ, ຄະນະກຳມະການກາແດງສາກົນ ແລະ ສະຫະພັນກາແດງ ແລະ ຊີກວົງເດືອນແດງສາກົນ, ກອງເລຂາອາຊຽນ ແລະ ສູນປະສານງານອາຊຽນສຳລັບການຊ່ວຍເຫຼືອດ້ານມະນຸດສະທຳຕໍ່ໄພພິບັດ (AHA) ເຂົ້າຮ່ວມ.
ກອງປະຊຸມຈະໄດ້ດຳເນີນໄປເປັນເວລາສອງວັນຈຶ່ງໄດ້ສຳເລັດ.
ສຳລັບອົງການກາແດງລາວແມ່ນທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວ ພ້ອມດ້ວຍຄະນະເຂົ້າຮ່ວມ,
ກອງປະຊຸມຈະໄດ້ຜັດປ່ຽນກັນການເປັນເຈົ້າພາບຕາມລຳດັບຕົວພະຍັນຊະນະໃນແຕ່ລະປີ.ເນື່ອງຈາກວ່າສະພາບການລະບາດຂອງພະຍາດໂຄວິດ-19 ຍັງສືບຕໍ່ແຜ່ລະບາດເປັນວົງກ້ວາງຢູ່ບັນດາປະເທດຕ່າງໆ, ສະນັ້ນ,ຈຶ່ງໄດ້ຈັດກອງປະຊຸມແບບທາງໄກຜ່ານວີດີໂອຄອນເຟີເຣັນ, ສຳລັບປີນີ້ ມີຈຸດປະສົງສົນທະນານະໂຍບາຍ ແລະ ບັນຫາທີ່ກ່ຽວຂ້ອງກັບການປະຕິບັດໜ້າທີ່ຂອງກາແດງ ແລະ ຊີກວົງເດືອນແດງປະເທດອາຊຽນຮ່ວມກັບຄະນະກຳມະການກາແດງສາກົນ ແລະ ສະຫະພັນກາແດງ ແລະ ຊີກວົງເດືອນແດງສາກົນ ແລະ ຕົກລົງບາງບັນຫາທີ່ສຳຄັນ ເພື່ອສ້າງຄວາມເຂັ້ມແຂງໃຫ້ແກ່ກາແດງແຫ່ງຊາດໃຫ້ມີຄວາມຍືນຍົງໃນການຕອບໂຕ້ໄພພິບັດ, ການສົ່ງເສີມສຸຂະພາບຊຸມຊົນ, ການຊອກຫາແຫຼ່ງທຶນ ແລະ ການສ້າງຊາວໜຸ່ມອາສາສະໝັກ, ພ້ອມກັນນັ້ນ, ກອງປະຊຸມຍັງໄດ້ປຶກສາຫາລືກ່ຽວກັບການປະກອບສ່ວນຮັບມືຕໍ່ການລະບາດຂອງພະຍາດໂຄວິດ-19.
ກອງປະຊຸມໃນຄັ້ງນີ້ປະທານອົງການກາແດງລາວຍັງໄດ້ຖືກເຊື້ອເຊີນໃຫ້ເປັນປະທານກອງປະຊຸມໃນຫົວຂໍ້ການຍົກລະດັບການເຮັດວຽກຂອງເຄືອຂ່າຍຊຸມຊົນປອດໄພ ແລະ ມີຄວາມສະຫງົບເປັນຕົ້ນ: ບົດບາດຍິງ-ຊາຍ, ປະຊາກອນເຄື່ອນຍ້າຍ ແລະ ພະຍາດເອດສ໌ຂອງບັນດາປະເທດ.
ໃນຕອນທ້າຍຂອງກອງປະຊຸມມື້ທີສອງຍັງໄດ້ພ້ອມກັນຮັບຮອງເອົາຖະແຫຼງການຮ່ວມ.
อาจเป็นรูปภาพของ 5 คน และผู้คนกำลังยืนอาจเป็นรูปภาพของ 4 คน และผู้คนกำลังยืนอาจเป็นรูปภาพของ 4 คน, ผู้คนกำลังยืน และสถานที่ในร่มอาจเป็นรูปภาพของ 5 คน และผู้คนกำลังยืนอาจเป็นรูปภาพของ 3 คน, ผู้คนกำลังยืน และสถานที่ในร่มอาจเป็นรูปภาพของ 13 คน และผู้คนกำลังยืนอาจเป็นรูปภาพของ 6 คน และผู้คนกำลังยืนอาจเป็นรูปภาพของ 5 คน และผู้คนกำลังยืนอาจเป็นรูปภาพของ 4 คน, ผู้คนกำลังยืน และสถานที่ในร่ม