ອົງການກາແດງລາວ

CROIX ROUGE LAO

ກອງປະຊຸມເຜີຍແຜ່ກົດໝາຍ

ຫຼາຍແຂວງໄດ້ຮັບຮູ້ກົດໝາຍວ່າດ້ວຍວຽກງານກາແດງລາວ. ໃນວັນທີ 4 ທັນວາ 2018 ທີ່ຫ້ອງປະຊຸມໂຮງແຮມຊຽງຂວາງ ເມືອງແປກ ແຂວງຊຽງຂວາງ ອົງການກາແດງລາວໄດ້ຈັດຕັ້ງ ກອງປະຊຸມເຜີຍແຜ່ກົດໝາຍ ວ່າດ້ວຍວຽກງານກາແດງລາວຫລັງຈາກທີ່ໄດ້ຈັດຕັ້ງປະຕິບັດມາແຕ່ຕົ້ນເດືອນ ກໍລະກົດ ປີ2018 ທີ່ນະຄອນຫຼວງວຽງຈັນ, ນະຄອນປາກເຊ, ນະຄອນຫລວງພະບາງ ແລະ ແຂວງຊຽງຂວາງ ແລະ ໃນປະຈຸບັນໄດ້ ສຳເລັດໃນທົ່ວປະເທດ.
ໃນກອງປະຊຸມ ໂດຍເປັນປະທານຂອງທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ, ທ່ານ ບົວສອນ ສີນວນທອງ ຮອງເລຂາພັກແຂວງ ຮອງເຈົ້າແຂວງຊຽງຂວາງ, ປະທານອົງການກາແດງແຂວງຊຽງຂວາງ; ມີຕາງໜ້າຈາກ ຄະນະກຳມະການກາແດງສາກົນ , ແຂກຖືກເຊີນຈາກການນຳແຂວງ,ພະແນກແຮງ ແລະ ສະຫວັດດີການແຂວງ, ກາແດງແຂວງ ຈາກ ນະຄອນຫຼວງວຽງຈັນ, ແຂວງຄຳມ່ວນ, ບໍລິຄຳໄຊ, ໄຊສົມບູນ, ວຽງຈັນ, ຊຽງຂວາງ ແລະ ຫົວພັນ.
ໃນພິທີ ທ່ານ ຮສຈ.ດຣ. ສິງ ເມໂນລາດ ຮອງປະທານອົງການກາແດງລາວໄດ້ຂຶ້ນລາຍງານກ່ຽວກັບ ກົດໝາຍວ່າດ້ວຍວຽກງານກາແດງລາວ ໃນການຄົ້ນຄ້ວາ ການກະກຽມການທາບທາມປະກອບຄຳຄິດຄຳເຫັນ ແລະ ສະພາແຫ່ງຊາດຮັບຮອງໃນ ວັນທີ 31 ເດືອນ 10 ປີ 2017 ທີ່ປະກອບດ້ວຍ 10 ພາກ 65 ມາດຕາແລ້ວ
ທ່ານ ຄຳຮຸ່ງເຮືອງວົງສີ ປະທ່ານອົງການກາແດງລາວ ໄດ້ຮຽກຮ້ອງມາຍັງ ການນຳແຂວງ, ພະແນກແຮງງານ, ກາແດງແຂວງທີ່ເຂົ້າຮ່ວມກອງປະຊຸມໃນຄັ້ງນີ້ ຈົ່ງນຳເອົາກົດໝາຍສະບັບນີ້ນຳໄປເຜີຍແຜ່ຢູ່ໃນແຂວງຂອງຕົນ ໄປຈັດຕັ້ງປະຕິບັດ ໄປຕາມແນວທາງຂອງພັກລັດເພື່ອໃຫ້ ສັງຄົມ ໄດ້ຮັບຮູ້, ເຂົ້າໃຈແຈ້ງ ແລະ ກົດໝາຍສະບັບນີ້ມີບາງມາດຕາ ກໍ່ສາມາດໄດ້ຈັດຕັ້ງປະຕິບັດໄດ້ໃນວຽກງານຕ່າງໆ ແລະ ໃນບາງມາດຕາກໍຕ້ອງມີນິຕິກຳເພີ່ມຕື່ມກ່ນຈະຈັດຕັ້ງປະຕິບັດ, ສະນັ້ນ ຄະນະພັກ,ອຳນາດການປົກຄອງກໍຄືຂະແໜງການຕ່າງໆທີ່ກ່ຽວຂ້ອງ ຈົ່ງເປັນເຈົ້າການແລະເອົາໃຈໃສ່ ແລະ ສ້າງຄວາມເຂົ້າໃຈ,ຮັບຮູ້ ເປັນເອກະພາບຕໍ່ກົດໝາຍສະບັບນີ້ເພື່ອໃຫ້ໄປທິດທາງອັນດຽວ ແລະ ປະສານງານກັບຄະນະຮັບຜິດຊອບເຜີຍແຜ່ກົດໝາຍຂອງອົງການກາແດງລາວໃນການຈັດຕັ້ງປະຕິບັດໃຫ້ປະສົບຜົນສຳເລັດ.
ກອງປະຊຸມດັ່ງກ່າວໄດ້ດຳເນີນໄປເປັນເວລາເຄິ່ງວັນ ແລະ ອັດລົງດ້ວຍຜົນສຳເລັດຢ່າງສູງ ໂດຍການ,ສະໜັບສະໜູນຈາກຄະນະກຳມະການກາແດງສາກົນ ແລະ ສະຫະພັນກາແດງ ແລະ ຊີກວົງເດືອນແດງສາກົນ.