ອົງການກາແດງລາວ

CROIX ROUGE LAO

ການນຳອົງການກາແດງລາວປະຊຸມທາງໄກຮ່ວມກັບສະຫະພັນກາແດງແລະຊີກວົງເດືອນແດງສາກົນ.

ໃນຕອນເຊົ້າຂອງວັນທີ 11ມີຖຸນາ 2021, ທີ່ອົງການກາແດງລາວສູນກາງ ທ່ານ ຮສຈ.ດຣ. ພູທອນ ເມືອງປາກ ປະທານອົງການກາແດງລາວ ພ້ອມດ້ວຍຄະນະໄດ້ເຂົ້າຮ່ວມກອງປະຊຸມແບບທາງໄກ ກັບ ທ່ານ ນາງ ເຄຣທີນ ຄຼາກຊັນ ຫົວໜ້າສະຫະພັນກາແດງ ແລະ ຊີກວົງເດືອນແດງສາກົນແລະບັນດາກາແດງປະເທດຕ່າງໆ ເພື່ອສະແດງຄວາມຍ້ອງຍໍຊົມເຊີຍຕໍ່ການມາຮັບໜ້າທີ່ໃຫມ່ຂອງປະທານອົງການກາແດງລາວເຊິ່ງຈະເປັນການສືບຕໍ່ໃນການພັດທະນາວຽກງານກາແດງ.
ໃນໂອກາດດັງກ່າວປະທານອົງການກາແດງລາວແລກປ່ຽນຄຳຄິດຄຳເຫັນແລະສົນທະນາປຶກວາຫາລືແຜນການຮ່ວມມືໃນໃນຕໍ່ຫນ້າແລະໄລຍະຜ່ານມາແລະງານອື່ນໆໃນຕໍ່ໜ້າ,ເພື່ອກຳນົດເປັນວຽກບູລິມະສິດເປົ້າຫມາຍແລະໂຄງການເພື່ອຈັດຕັ້ງປະຕິບັດໂຄງການໃນຕໍ່ຫນ້າ,ປັບປຸງແຜນຍຸດທະສາດ2021-2030, ແຜນການຈັດຕັ້ງປະຕິບັດ 05 ປີ ແລະ 01​ ປີ ຂອງອົງການກາແດງລາວ , ເພື່ອຮອງຮັບເອົາການຊ່ວຍເຫລືອແລະການພັດທະນາກັບເງື່ອນໄຂໃນປະຈຸບັນແລະແທດເຫມາະກັບແຜນພັດທະນາຂອງລັດຖະບານທີ່ກຳນົດໄວ້ໃຫ້ປະກົດຜົນເປັນຈິງ. ນອກຈາກນັ້ນ ສະຫະພັນກາແດງ ແລະ ຊີກວົງເດືອນແດງ ຍັງໄດ້ຢືນຢັນຈະສືບຕໍ່ໃຫ້ການຊ່ວຍເຫຼືອແກ່ອົງການກາແດງລາວໃນຫລາຍດ້ານເຊັ່ນ: ດ້ານເຕັກນິກວິຊາການ ແລະ ທຶນຮອນເພື່ອປະກອບສ່ວນເຂົ້າໃນບັນດາຂົງເຂດວຽກງານຫ້າງຫາກະກຽມຕອບໂຕ້ໄພພິບັດ, ວຽກງານສະໜອງນ້ຳສະອາດໃນເວລາເກີດເຫດສຸກເສີນ, ວຽກງານສົ່ງເສີມສຸຂະອານາໄມ, ວຽກງານສ້າງຂີດຄວາມສາມາດໃຫ້ແກ່ອົງການ, ວຽກງານປ້ອງກັນ ແລະ ສະກັດກັນການແຜ່ລະບາດຂອງພະຍາດໂຄວິດ-19 ນັບທັງການຂົນຂວາຍສະໜອງວັກຊິນໂຄວິດ-19 ໃຫ້ແກ່ອົງການກາແດງລາວເພື່ອມອບຕໍ່ໃຫ້ກະຊວງສາທາລະນະສຸກ ສ ປ ປ ລາວ.ໄປຈັດຕັ້ງປະຕິບັດ.