ອົງການກາແດງລາວ

CROIX ROUGE LAO

ການນຳແລະພະນັກງານແຂວງຫົວພັນຮັບຮູ້ບົດບາດແລະການພັດທະນາກາແດງໄລຍະໃຫມ່

ໃນວັນທີ 04 ເມສາ 2019 ອົງການກາແດງລາວ ໄດ້ຈັດພິທີປະຖະກະຖາເຜີຍແຜກ່ຽວກັບວຽກງານກາແດງ ຂຶ້ນທີ່ ສະໂມສອນແຂວງຫົວພັນ ເຊີ່ງເຜີຍແຜ່ບົດບາດກາແດງແດງລາວໄລຍະໃຫມ່ຂຶ້ນ, ໂດຍ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ໂດຍເປັນກຽດເຂົ້າຮ່ວມຂອງທ່ານ ວັນໄຊ ແພງຊູມມາ ເຈົ້າແຂວງແຂວງຫົວພັນ, ທ່ານ ພູໂຊນ ທຳມະວິໄຊ ຮອງເຈົ້າແຂວງ ແຂວງຫົວພັນ ແລະ ທ່ານ ນາງ ແພງ ກັນຍາພິນ ຮອງເຈົ້າແຂວງ ແຂວງຫົວພັນ ພ້ອມດ້ວຍພະນັກງານຫຼັກແຫຼ່ງ,ພະແນກການຕ່າງໆ, ທະຫານ ແລະ ຕໍາຫຼວດ,ນັກຮຽນັກສຶກສາ ມີຜູ້ເຂົ້າຮ່ວມທັງໝົດ 191 ທ່ານ,ຍີງ 87 ທ່ານ. ຈຸດປະສົງແມ່ນເພື່ອເຜີຍແຜ່ໃຫ້ຄວາມຮູ້ກ່ຽວກັບວຽກງານກາແດງ ໃນຫນ້າທີພາລະບົດບາດກາແດງໄລຍະໃຫມ່, ຂະບວນການກາແດງ, ກາແດງສາກົນ,ປະຫວັດຄວາມເປັນມາ, 7ຫຼັກການກາແດງ,ການນຳໃຊ້ເຄື່ອງກາແດງ,ກົດຫມາຍກາແດງ ແລະ ສິດໜ້າທີ່ຂອງອົງການກາແດງລາວ ໃນແຕ່ລະໄລຍະ, ຜົນງານການເຄື່ອນໄຫວ 9 ໜ້າວຽກຫຼັກຂອງອົງການກາແດງ ແລະ ແຜນຈຸດສຸມໃນຕໍ່ໜ້າ, ແລະ ທ່ານກໍ່ຍັງໄດ້ລະດົມໃຫ້ທຸກຊັ້ນຄົນໃນສັງຄົມຈົ່ງເຂົ້າໃຈ, ເຫັນຄວາມສຳຄັນ ແລະ ສະໜັບສະໜູນຕໍ່ວຽກງານ ຊ່ວຍເຫຼືອດ້ານມະນຸດສະທຳເພື່ອສັງຄົມ ຂອງອົງການການກາແດງລາວຢ່າງເລິກເຊີ່ງ ແລະ ກວ້າງຂວາງ.