ອົງການກາແດງລາວ

CROIX ROUGE LAO

ກາແດງສະວິດສ໌ປະຈຳລາວມອບເງິນຊ່ວຍປະຊາຊົນປະສົບໄພນ້ຳຖວມ

ເພື່ອເປັນການປະກອບສ່ວນໃນວຽກງານມະນຸດສະທຳໃນນາມກາແດງເພື່ອນມິດທີ່ເຮັດວຽກຮ່ວມກັບອົງການກາແດງລາວ,ຕອນເຊົ້າຂອງວັນທີ່ 20ກັນຍາ2019 ນີ້ທີ່ ອົງການກາແດງລາວ ສະພາກາແດງສະວິດສ໌ ປະຈຳລາວນຳໂດນທ່ານ ນາງ ຣຸດ ຮັບຜິດຊອບວຽກຕອບໂຕ້ໄພພິບັດ ແລະ ທ່ານບຸນລ້ຳ ຫົວໜ້າແຜນງານ ພ້ອມດ້ວຍພະນັກງານກາແດງສວິດສ໌ປະຈຳລາວໄດ້ນຳເອົາເງິນຈຳນວນ:128.190.000 ກີບ ແລະ 7.000$ມາມອບໃຫ້ອົງການກາແດງລາວ ຮັບໂດຍທ່ານ ທອງພະຈັນສອນນະສິນ ຮອງປະທານອົງການກາແດງລາວ, ເງິນຈຳນວນດັ່ງກ່າວທາງອົງການກາແດງລາວ ແລະ ກາແດງສະວິດສ໌ໄດ້ຕົກລົງຮ່ວມກັນຄື:ສຳລັບ 7.000 $ ແມ່ນຊື້ປ້ຳນ້ຳໄປມອບໃຫ້ປະຊາຊົນຜູ້ປະສົບໄພ ແລະ 128.190.000 ແມ່ນໄປໃຊ້ໃນ 04ກິດຈະກຳຄື:1.ກູ້ໄພຄືໄປຊ່ວຍປະຊາຊົນທີ່ຕົກຄ້າງຕາມເຮືອນຊານບ້ານຊ່ອງຕອນນ້ຳຖ້ວມຢູ່ ເມືອງຊະນະສົມບູນ ແລະ ເມືອງປາເຊ ແຂວງຈຳປາສັກ ແລະ ເມືອງສອງຄອນແຂວງສະຫວັນນະເຂດ.2.ນຳທິມງານປະຖົມພະຍາບານໄປຢຽວຢາປິ່ນປົວພໍ່ແມ່ປະຊາຊົນຢູ່ເມືອງຊະນະສົມບູນ ແລະເມືອງປາກເຊ;ແຂວງຈຳປາສັກ ,3. ຈັດທິມລົງສຳຫຼວດ,ເກັບກຳຂໍ້ມູນຄວາມເສຍຫາຍຢູ່ ສາມເມືອງຄືເມືອງຊະນະສົມບູນ;ເມືອງປາກເຊ ແລະເມືອງສຸຂຸມມາ;ແຂວງຈຳປາສັກ. 4.ໄປຊື້ເຄື່ອງຂອງທີ່ຈຳເປັນໄດ້ແກ່ ເຂົ້າສານ; ນ້ຳດືມ ປາກະປ໋ອງ; ໝີ່ແຫ້ງ ແລະ ຢາປົວພະຍາດທີ່ຈຳເປັນຈຳນວນໜຶ່ງໄປມອບໃຫ້ພໍ່ແມ່ປະຊາຊົນເມືອງຊະນະສົມບູນ ແລະ ເມືອງປາກເຊ; ແຂວງ ຈຳປາສັກເພື່ອເປັນການບັນເທົາທຸກເບື້ອງຕົ້ນທີ່ເຂົາເຈົ້າໄດ້ຮັບຜົນກະທົບຈາກໄພພິບັດໃນຄັ້ງນີ້.