ອົງການກາແດງລາວ

CROIX ROUGE LAO

ກາແດງແຂວງບໍລິຄຳໄຊຈັດກອງປະຊຸມສະຫຼຸບວຽກງານປະຈຳປີ 2018 ແລະ ວາງທິດທາງປີ 2019.

ກາແດງແຂວງບໍລິຄຳໄຊຈັດກອງປະຊຸມສະຫຼຸບວຽກງານປະຈຳປີ 2018 ແລະ ວາງທິດທາງປີ 2019. ໃນວັນທີ 11 ມັງກອນ 2019 ອົງການກາແດງແຂວງບໍລິຄຳໄຊ ໄດ້ຈັດກອງປະຊຸມສະຫຼຸບວຽກງານປະຈຳປີ 2018 ແລະ ວາງທິດທາງປີ 2019ຂຶ້ນ ຢູ່ທີ່ຫ້ອງປະຊຸມໃຫຍ່ ຫ້ອງວ່າການແຂວງບໍລິຄຳໄຊ. ໂດຍການເປັນປະທານຂອງທ່ານ ບຸນເສັງ ປະຖຳມະວົງ ຮອງເລຂາພັກແຂວງ, ຮອງເຈົ້າແຂວງ ທັງເປັນປະທານກາແດງແຂວງບໍລິຄຳໄຊ, ທ່ານຄຳຮຸ່ງ ເຮືອງວົງສີ ປະທານອົງການກາແດງລາວ, ທ່ານ ນາງ ໂສພາ ຈັນທະວົງ ຫົວໜ້າຫ້ອງການກາແດງ ແຂວງ ແລະ ພະແນກການຕ່າງໆໃນພິທີ ທ່ານບຸນຍົງ ປັນຍານຸວົງ ຮອງຫົວໜ້າອົງການກາແດງແຂວງ ໄດ້ຂຶ້ນທົບທວນຕີລາຄາການເຄື່ອນໄຫວ 1ປີຜ່ານມາເຊິ່ງສາມາດຍົກໃຫ້ເຫັນຫຼາຍບັນຫາພົ້ນເດັ່ນ ເປັນຕົ້ນແມ່ນວຽກງານຊ່ວຍເຫຼືອບັນເທົາທຸກຊ່ວຍເຫຼືອປະຊາຊົນທີ່ທຸກຍາກ,ນັກຮຽນອານາຖາຢູ່ໂຮງຮຽນຊົນເຜົ່າ,ຊ່ວຍເຫຼືອປະຊາຊົນເມືອງວຽງທອງ ແລະ ເມືອງປາກກະດິງ ທີ່ໄດ້ຮັບຜົນກະທົບຈາກໄພນ້ຳຖ້ວມ ລວມມູນຄ່າການຊ່ວຍເຫຼືອທັງໝົດ 438,442,000 ກີບ, ໄດ້ ອອກຂ່າວໄດ້ 29 ຄັ້ງ ແລະ ໄດ້ສົ່ງໃຫ້ໜັງສືພິມ ແລະ ເວັບໄຊແຂວງ 23ຄັ້ງ, ຮັບຈົດໝາຍສືບທາວຫາຍາດພີ່ນ້ອງ 4ສະບັບ ແລະ ສົ່ງໃຫ້ພີ່ນ້ອງຂອງເຂົາເຈົ້າ, ພິມເສື້ອການກຸສົນເຂົ້າກອງທຶນເລືອດປອດໄພ 2.132 ຜືນ, ຈັດສົ່ງໃຫ້ພາກສ່ວນຕ່າງໆໄດ້ 2.125 ຜືນ ຂາຍໄດ້ທັງໝົດ 106.250.000 ກີບ, ປຸກລະດົມບໍລິຈາກເລືອດໄດ້ທັງໝົດ 140 ຄັ້ງ ມີຜູ້ເຂົ້າຮ່ວມ16.842ຄົນ ໄດ້ເລືອດຢູ່ 2.889 ຖົງ ເຊິ່ງສາມາດບັນລຸຄາດໝາຍ 200.50 ຖົງ. ພ້ອມນັ້ນຍັງໄດ້ມອບໃບກຽດຕິຄຸນ,ໃບຍ້ອງຍໍໃບຊົມເຊີຍ ແລະ ໃບຂອບໃຈໃຫ້ຜູ້ທີ່ບໍລິຈາກເລືອດແລະ ຄາດໝາຍແລະແຜນການສູ້ຊົນແລະປີ 2019 ນີ້ ສູນເລືອດກາແດງແຂວງບໍລິຄຳໄຊຈະສູ້ຊົນແມ່ນ 2.250 ຖົງ, ພ້ອມນັ້ນບັນດາຜູ້ແທນກອງປະຊຸມຍັງໄດ້ປະກອບຄຳຄິດເຫັນຫຼາຍບັນຫາກ່ຽວກັບເລືອດ, ເຄື່ອງມືໃນການໂຄສະນາຍັງບໍ່ທັນພຽງພໍ ແລະ ທົ່ວເຖິງ ແລະ ໄດ້ພ້ອມກັນຕົບມືຮັບຮອງເອົາແຜນການປີ 2019. ຈາກນັ້ນ ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວໄດ້ເນັ້ນໃຫ້ກາແດງແຂວງເອົາໃຈໃສ່ບາງບັນຫາເປັນຕົ້ນແມ່ນ ການແຈກຢາຍເຄື່ອງ ໃຫ້ມີການກວດກາ,ໂຄສະນາຊອກຫາແຫຼ່ງທຶນປະຕິບັດຕາມລະບຽບກົດໝາຍເພື່ອເຮັດແນວໃດໃຫ້ໄດ້ມີກອງທຶນໝູນວຽນເລືອດ ແລະ ທຸກພາກສ່ວນເອົາໃຈໃສ່ປະກອບສ່ວນຊຸກຍູ້ສົ່ງເສີມໃນວຽກງານຂອງກາແດງ.
ທ່ານ ບຸນເສັງ ປະຖຳມະວົງ ຮອງເລຂາພັກແຂວງ ຮອງເຈົ້າແຂວງບໍ່ລິຄຳໄຊ ໄດ້ເນັ້ນໃຫ້ພ້ອມກັນເປັນເຈົ້າການ ໃນການເຊື່ອມຊຶມເຜີຍແຜ່ໃຫ້ທົ່ວເຖິງ,ເປັນເຈົ້າການໃນການສ້າງແຜນ,ປະສານສົມທົບກັບທຸກພາກສ່ວນໃຫ້ຢ່າງແຂງແຮງ ແລະ ເປັນເຈົ້າການໃນການຈັດຕັ້ງປະຕິບັດໃຫ້ເກີດຜົນຢ່າງສູງສົ່ງ ເພື່ອເຮັດແນວໃດໃຫ້ບັນລຸເປົ້າໝາຍທີ່ວາງໄວ້ໃນປີ2019ນີ້