ອົງການກາແດງລາວ

CROIX ROUGE LAO

ກາແດງແຂວງ ບໍລິຄຳໄຊ ລົງຊ່ວຍເຫຼືອປະຊາຊົນທີ່ປະສົບອັກຄີໄພ

ໃນຕອນເຊົ້າຂອງວັນທີ່ 16 ພະຈິກ 2021 ທ່ານ ນາງ ພິນທອງ ທຳມະວົງສາ ຮອງຫົວໜ້າອົງການກາແດງແຂວງບໍລິຄຳໄຊ ພ້ອມດ້ວຍຄະນະ ໄດ້ນຳເອົາເຄື່ອງຊ່ວຍເຫຼືອບັນເທົາທຸກເບື້ອງຕົ້ນ ມາມອບໃຫ້ແກ່ຄອບຄົວທີ່ປະສົບເຄາະຮ້າຍຈາກໄພພິບັດໄຟໄໝ້ເຮືອນທີ່ ບ້ານ ວຽງຄຳ ເມືອງປາກກະດິງ ແຂວງ ບໍລິຄຳໄຊ.
ອີງຕາມການລາຍງານໄດ້ໃຫ້ຮູ້ວ່າ: ໃນເວລາ 13:00 ນາທີ ຂອງວັນທີ 10/10/2021 ຢູ່ບ້ານດັ່ງກ່າວ ໄດ້ເກີດມີເຫດການໄຟໄໝ້ເຮືອນຂອງປະຊາຊົນ, ເຊິ່ງໄດ້ຮັບຜົນເສຍຫາຍທັງໝົດ 1ຫຼັງ, ຈຳນວນ 01 ຄອບຄົວ, ຈຳນວນພົນ 04 ຄົນ, ຍິງ 02 ຄົນ ຢູ່ພາຍໃນ ບ້ານ ວຽງຄຳ ເມືອງປາກກະດິງ ແຂວງ ບໍລິຄຳໄຊ ເຊິ່ງເປັນເຮືອນຂອງຄອບຄົວຂອງທ່ານ ນາງ ໂນະ ເມກສີທາ ປະຊາຊົນ ບ້ານ ວຽງຄຳ ເມືອງປາກກະດິງ ເຊິ່ງເປັນເຮືອນຊັ້ນດຽວເຮັດດ້ວຍໄມ້ມຸງດ້ວຍສັງກະສີ ຈຶ່ງໄດ້ເຮັດໃຫ້ໄຟໄຫມ້ລາມຢ່າງໄວວາ ແລະ ເສຍຫາຍໝົດຫຼັງ; ເຄື່ອງທີ່ນຳມາຊ່ວຍເຫຼືອໃນຄັ້ງນີ້ປະກອບມີ: ເຄື່ອງໃຊ້ພາຍໃນຄົວເຮືອນ, ສາດ, ມຸ້ງ, ຜ້າຫົ່ມ ແລະ ເຄື່ອງນຸ່ງປະສົມ ລວມມູນຄ່າ 1.316.600 ກີບ, ເຊິ່ງມອບໂດຍນາງ ພິນທອງ ທຳມະວົງສາ ຮອງຫົວໜ້າອົງການກາແດງແຂວງບໍລິຄຳໄຊ ແລະ ກ່າວຮັບໂດຍຄອບຄົວຜູ້ປະສົບໄພ ໂດຍມີອຳນາດການປົກຄອງບ້ານເຂົ້າຮ່ວມເປັນສັກຂີພິຍານ ເຄື່ອງຈຳນວນດັ່ງກ່າວແມ່ນໄດ້ຮັບການສະໜັບສະໜູນຈາກ ສ.ເກົາຫຼີ.