ອົງການກາແດງລາວ

CROIX ROUGE LAO

ກາແດງ ແຂວງຄໍາມ່ວນ ຍັງຕ້ອງການເຂົ້າສານ 400 ໂຕນ ເພື່ອຊ່ວຍເຫລືອຜູ້ປະສົບໄພນ້ຳຖ້ວມ

ໃນວັນທີ 16 ກັນຍາ 2019 ທ່ານ ສາຍສະໝອນ ສົມສະນຸກຄໍາຈັນ ວ່າການຫົວໜ້າກາແດງ ແຂວງຄຳມ່ວນ ໄດ້ໃຫ້ສຳພາດ ກ່ຽວກັບການຊ່ວຍເຫລືອປະຊາຊົນ ທີ່ປະສົບໄພນ້ຳຖ້ວມວ່າ: ຫລາຍເມືອງ ຂອງແຂວງຄຳມ່ວນ ໄດ້ປະເຊີນໄພນໍ້າຖ້ວມຢ່າງໜັກໜ່ວງ ໃນຮອບຫລາຍປີ, ເຊິ່ງມີຫລາຍເມືອງໄດ້ຮັບຜົນກະທົບ ເປັນຕົ້ນແມ່ນ ເມືອງໜອງບົກ, ເມືອງເຊບັ້ງໄຟ, ເມືອງມະຫາໄຊ, ເມືອງຍົມມະລາດ ແລະ ເມືອງບົວລະພາ, ເຊິ່ງມີປະຊາຊົນ 48.900 ກວ່າຄົນ ໃນ 200 ກວ່າບ້ານ, 13.500 ຄອບຄົວ 34.290 ກວ່າຄົນ ໄດ້ຮັບຜົນກະທົບ ໃນຄັ້ງນີ້.