ອົງການກາແດງລາວ

CROIX ROUGE LAO

ກາແດງ ແຂວງ ຫຼວງພະບາງ ສະເຫລີມສະຫລອງ ວັນບໍລິຈາກເລືອດ.

ໃນວັນທີ່ 14 ມີຖຸນາ 2021 ທີ່ຜ່ານມາສູນເລືອດອົງການກາແດງລາວແຂວງຫຼວງພະບາງຮ່ວມກັບຫ້ອງການຊາວໜຸ່ມແຂວງຫຼວງພະບາງ ໄດ້ຈັດພິທີບໍລິຈາກເລືອດເພື່ອສະເຫຼີມສະຫຼອງວັນບໍລິຈາກເລືອດໂລກຄົບຮອບ 16 ປີ ເຂົ້າຮ່ວມງານ
ໂດຍເປັນການເຂົ້າຮ່ວມຂອງທ່ານ ວຽງສະຫັວນ ກະເສີມສຸກ ຫົວໜ້າອົງການກາແດງລາວ ແຂວງຫຼວງພະບາງ ແລະ ທ່ານ ໄຊນະຄອນ ສຸດທິດາ ຄະນະບໍລິຫານງານຊາວໜຸ່ມແຂວງ ການສະເຫຼີມສະຫຼອງວັນບໍລິຈາກເລືອດປີນີ້ຈັດແບບລຽບງ່າຍໂດຍໃຊ້ມາດຕະການເວັ້ນໄລຍະຫ່າງເພື່ອປ້ອງກັນການລະບາດຂອງພະຍາດໂຄວິດ19 ໃນງານຄັ້ງນີ້ມີຜູ້ເຂົ້າຮ່ວມທັງໜົດ 150 ກວ່າຄົນ ມາຈາກພາກສ່ວນຕ່າງອ້ອມຂ້າງນະຄອນ ຫຼວງພະບາງ ເຊີ່ງມີຜູ້ສະໜັກໃຈບໍລິຈາກເລືອດທັງໜົດ 121 ຄົນ ໄດ້ເລືອດທັງໜົດ 119 ຖົງ ເຊີ່ງເລືອດທີ່ໄດ້ມາແມ່ນຈະຖືກນໍາໃຊ້ເພື່ອຊ່ວຍຊີວິດຜູ້ທີ່ໄດ້ຮັບການບາດເຈັບ ແລະ ຄົນເຈັບທີ່ຕ້ອງການໃສ່ເລືອດໃນໂຮງໜໍຕ່າງໆພາຍໃນແຂວງຫຼວງພະບາງ.