ອົງການກາແດງລາວ

CROIX ROUGE LAO

ກຳລັງປ້ອງກັນຊາດສ້າງຂະບວນການບໍລິຈາກເລືອດເພື່ອຊ່ວຍເຫຼືອຄົນເຈັບໄຂ້ຍຸງລາຍ

 

 

ໃນວັນທີ 15ສິງຫາ 2019 ນີ້ ສູນເລືອດແຫ່ງຊາດ ອົງການກາແດງລາວ ໄດ້ຮ່ວມກັບກະຊວງປ້ອງກັນປະເທດ ຈັດກິດຈະກຳສ້າງຂະບວນການຮັບບໍລິຈາກເລືອດທົ່ວກະຊວງປ້ອງກັນປະເທດ ເພື່ອຊ່ວຍເຫຼືອຄົນເຈັບໄຂ້ຍຸງລາຍ ຂຶ້ນ ທີ່ສະໂມສອນໃຫຍ່ກະຊວງປ້ອງກັນປະເທດ.

ພິທີດັ່ງກ່າວໃຫ້ກຽດເຂົ້າຮ່ວມຂອງທ່ານ ພົນຈັດຕະວາ ວົງສັກ ພັນທະວົງ ຄະນະພັກກະຊວງ, ຮອງຫົວໜ້າກົມໃຫຍ່ພາລາທິການກອງທັບ,ກະຊວງປ້ອງກັນປະເທດ, ທ່ານ ດຣ. ຈັນທາລາ ສຸກສາຄອນ ຫົວໜ້າສູນລືອດແຫ່ງຊາດ ອົງການກາແດງລາວ, ມີນາຍ ແລະພົນທະຫານເຂົ້າຮ່ວມຢ່າງຫຼວງຫຼາຍ.

ກິດຈະກຳດັ່ງກ່າວມີ162ສະຫາຍສະໝັກໃຈບໍລິຈາກເລືອດໂດຍບໍຫວັງສິ່ງຕອບແທນ ເພື່ອກອບກູ້ເອົາຄົນເຈັບທີ່ມີຄວາມຕ້ອງການໃສ່ເລືອດ ໂດຍສະເພາະໄວ້ຮອງຮັບຄົນເຈັບທີ່ເປັນພະຍາດໄຂ້ຍຸງລາຍ ທີ່ມີຄວາມຕ້ອງການໃສ່ເລືອດ ແລະ ສາມາດໄດ້ເລືອດຕົວຈິງ 162ຖົງ ກິດຈະກຳຄັ້ງນີ້ໄດ້ດຳເນີນໄປໜຶ່ງວັນ.