ປະຫວັດຄວາມເປັນມາ ແລະ ການເຄື່ອນໄຫວ

ຄະນະກຳມະການ ຂອງສະພາກາຊາດແຫ່ງຣາຊອານາຈັກລາວ ໄດ້ເຄື່ອນໄຫວຕາມພາລະບົດບາດຂອງຕົນເພື່ອຊ່ວຍເຫຼືອປະຊາຊົນຜູ້ທຸກຍາກ .

ແຕ່ປິ  1976 – 1978:    ພາຍຫຼັງປະເທດຊາດໄດ້ຮັບການປົດປ່ອຍ  ແລະ  ສະຖາປານາເປັນ ປະເທດ  ສາທາລະລັດ  ປະຊາທິປະໄຕ  ປະຊາຊົນລາວ , ໃນວັນທີ  2  ທັນວາ  1975 .

ໃນໄລຍະນີ້, ​ປະ​ເທດ​ເຮົາ​ໄດ້ສຳ​ເລັດ  ​ການ​ປະຕິວັດ​ຊາດ  ປະຊາທິປະ​ໄຕ ​ໃນໄລຍະຜ່ານມແມ່ນໄດ້ມີການ​ຜ່ານ​ການ​ຕໍ່ສູ້​ອັນ​ລະ​ອິດ​ລະ​ອ້ຽວ ຂ້ຽວຂາດ  ,  ຢືດ​ເຍື້​ອຍາວ​ນານ​ມາ​ເປັນ​ເວລາ  30  ກວ່າ​ປີ , ຕີສັດຕູຈົນໄດ້ຮັບໄຊຊະນະ ແລະ ໄດ້ສ້າງ​ຕັ້ງເປັນປະເທດ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ  ຂຶ້ນ​ໃນ​ວັນ​ທີ  2  ທັນວາ  1975.  ພາລະກິດ​ການ​ປະຕິວັດ​ພາຍ​ໃຕ້​ການ​ນຳພາຂອງ​ພັກ​ປະຊາຊົນ​ປະຕິວັດ​ລາວ ຢູ່​ປະ​ເທດ​ເຮົາ​ໄດ້​ກ້າວ​ສູ່​ໄລຍະແຫ່ງການ​ທຳບາດ​ແຜ​ສົງຄາມ, ປົກ​ປັກ​ຮັກສາ ແລະ ສ້າງສາ​ປະ​ເທດ​ຊາດ.

ການກໍ່ສ້າງ​ລັດ​ແຫ່ງສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ , ບັນຫາທີ່ສຳຄັນອັນເລັ້ງດ່ວນຂອງພັກແມ່ນການ​ທໍາບາດ​ແຜ​ສົງຄາມ  ,  ການ​ປົກປັກ​ຮັກສາ  ,  ກໍ່ສ້າງລະບອບ​ໃໝ່  ​ແລະ ການ​ຍົກ​ລະດັບ​ຊີວິດການ​ເປັນ​ຢູ່​ຂອງ​ປະຊາຊົນໃຫ້ດີຂື້ນເປັນກ້າວໆ ​ ອັ່ນໄດ້​ກາຍ​ເປັນ​ໜ້າ​ທີ່​ການ​ເມືອງ  ​ແລະ  ​ເປັນ​ພາລະ​ກຳ​ປະຫວັດສາດຂອງ​ພັກ  ​ແລະ  ລັດ​ເຮົາ.

• ລັດຖະມົນຕີກະຊວງສາທາລະນະສຸກ, ໄດ້ມີໜັງສືສະເໜີເຖິງສະພາລັດຖະມົນຕີເພື່ອແຕ່ງຕັ້ງຄະນະຮັບຜິດຊອບ ສະພາກາແດງລາວ ຄືນໃໝ່ .
• ມາຮອດວັນທີ 28 ກໍລະກົດ 1978, ໄດ້ມີດຳລັດຂອງຄະນະປະຈຳສະພາລັດຖະມົນຕີ, ເລກທີ 113/ສນຍ  (  ທ່ານ ໜູຮັກ ພູມສະຫວັນ ເຊັນ  )  ວ່າດ້ວຍການແຕ່ງຕັ້ງຄະນະຮັບຜິດຊອບ   ສະພາກາແດງລາວ  ຊຶ່ງໃນຄະນະດັ່ງກ່າວປະກອບມີ 7  ທ່ານ,   ຕາມກໍານົດໄວ້ໃນມາດຕາ 1, ໃນນັ້ນປະກອບມີ:  ດຣ .  ຄໍາລຽງ ພົນເສນາ ,  ລັດຖະມົນຕີຊ່ວຍວ່າການກະຊວງສາທາລະນະສຸກ  .  ໃນມາດຕາ  2  ໄດ້ກໍານົດໜ້າທີ່ຮັບຜິດຊອບວຽກງານຕົ້ນຕໍຄື:
• ດ້ານວຽກງານແນວຄິດການເມືອງ ແລະ ການລາຍງາຍແມ່ນສັງກັດຢູ່ກະຊວງສາທາລະນະສຸກສ່ວນການເຄື່ອນໄຫວວຽກງານແມ່ນເອກະລາດແຕ່ພາຍໃຕ້ການຊີ້ນຳຂອງພັກແລະລັດຖະບານ
• ວຽງງານຂົນຂວາຍຍາດແຍ່ງເອົາການຊ່ວຍເຫຼືອຈາກສາກົນ
• ຊ່ວຍວຽກງານດ້ານສາທາລະນະສຸກເປັນຕົ້ນ:
• + ຂົນຂວາຍປະຊາຊົນ , ຊົນຊາດ,ທຸກຊົນເຜົ່າ ເຮັດອານະໄມກັນພະຍາດຕ້ານພະຍຸ
• + ຊ່ວຍຮັກສາສຸຂະພາບໃຫ້ປະຊາຊົນບັນດາຊົນຊາດ, ແກ້ໄຂເຫດການກະທັນຫັນ ແລະ ພະຍາດສັງຄົມ, ຄຸ້ມຄອງການເກີດ ແລະ ການຕາຍ.
• + ໝູນໃຊ້ຢາພື້ນເມືອງສົມທົບກັບຢາສາກົນ.
• ຊ່ວຍໂຄສະນາ , ສຶກສາອົບຮົມປະຊາຊົນບັນດາຊົນຊາດປະຕິບັດນະໂຍບາຍຂອງພັກ ແລະ  ລັດຕໍ່ຜູ້ທີ່ເສຍອົງຄະໃນປາງສົງຄາມ  ແລະ  ເດັກກໍາພ້າ, ກຳພອຍ.

ຊ່ວຍເຫຼືອສັງຄົມດ້ານໄພສົງຄາມ ແລະ ໄພທຳມະຊາດ.

ໃນໄລຍະນີ້,  ພັກ – ລັດ  ໄດ້ມີແນວທາງປ່ຽນແປງໃໝ່ຮອບດ້ານ  ຢ່າງຖຶກຕ້ອງ  ສອດຄ່ອງ  ເຫັນໄດ້ຄວາມສຳຄັນເສດຖະກິດຂອງຊາດ ທີ່ມີການຂະຫຍາຍຕົວຊາ,  ດັ່ງນັ້ນ , ຍ້ອນຄວາມສະດຸງໄວຂອງພັກເຮົາຈຶ່ງໄດ້ຕັດສີນໃຈສູງ  ຕໍ່ກັບແນວທາງປ່ຽນແປງເສດຖະກິດຢ່າງຮອບດ້ານ   ແຕ່ມີຫຼັກການ.   ເປັນຕົ້ໄດ້ຫັນເອົາເສດຖະກິດຫລາຍພາກສ່ວນເສດຖະກິດ , ການຜະລິດມີການໄລລຽງ , ຍົກເລິກການມອບເໝົາເກື້ອກຸນ  ແລະ  ອະນຸຍາດໃຫ້ຕ່າງຊາດມາລົງທຶນເພື່ອເຮັດໃຫ້ເສດຖະກິດຂອງຊາດມີການຂະຫຍາຍຕົວ  ແລະ ເຂັ້ມແຂງໄປຕາມທິດແນວທາງປຽ່ນແປງໃໝ່ຂອງພັກເທື່ອລະກ້າວ, ສະເພາະຢ່າງຍິ່ງແມ່ນການນຳໃຊ້ກົນໄກເສດຖະກິດຕະຫຼາດພາຍໃຕ້ການນຳພາຂອງພັກ ແລະ ການຄຸ້ມຄອງຂອງລັດ, ສອດຄ່ອງກັບສະພາບແວດລ້ອມຢູ່ພາຍໃນປະເທດ ແລະ ທ່າອ່ຽງການພົວພັນຮ່ວມມືກັນທາງດ້ານ ເສດຖະກິດ – ການຄ້າ , ການລົງທຶນຂອງພາກພຶ້ນ ແລະ ພາກສ່ວນອື່ນໆ ແລະທ່າອ່ຽງຂອງໂລກ.  ນອກນັ້ນ, ຍັງມີການກະກຽມກໍາລັງທາງດ້ານວັດຖຸປັດໃຈເພື່ອກ້າວເຂົ້າສັດຕະວັດທີ  21 ,  ສະພາກາແດງກໍ່ໄດ້ມີການປັບປຸງປ່ຽນແປງໄປຕາມແນວທາງຂອງພັກ.

1. 22 ສິງຫາ 1988 ໄດ້ມີດໍາລັດເລກທີ 91/ປສລ, ເພື່ອ    ຍົກຍ້າຍ  ດຣ.  ຄໍາລຽງ  ພົນເສນາ  ວ່າການກະຊວງສາທາລະນະສຸກ  ແລະ  ສະຫວັດດີການສັງຄົມ, ໄປເປັນ ປະທານ  ສະພາກາແດງ  ແລະ  ອະນາໄມແຫ່ງຊາດ  ( 22  ສິງຫາ  1988  ຮອດວັນທີ  4  ເມສາ  1992 ).
2. ວັນທີ 28 ທັນວາ 1989   ໄດ້ມີມະຕິຕົກລົງ  ຂອງປະທານສະພາລັດຖະມົນຕີ, ເລກທີ 98 / ປສລ, ໃຫ້  ທ່ານ ດຣ. ຄໍາລຽງ ພົນເສນາ   ເປັນລັດຖະມົນຕີກະຊວງສະຫວັດດີການສັງຄົມ   ແລະ  ນັກຮົບເກົ່າ, ຊຶ່ງມີສະພາກາແດງຂຶ້ນຢູ່ນຳ.
3. ແຕ່ດ້ານວຽກງານແນວຄິດການເມືອງ ແລະ ການລາຍງາຍສ່ອງແສງແມ່ນສັງກັດຢູ່ກະຊວງຢູ່ກະຊວງແຮງງານສະຫວັດດີການສັງສ່ວນການເຄື່ອນໄຫວວຽກງານແມ່ນເອກະລາດແຕ່ພາຍໃຕ້ການຊີ້ນຳຂອງພັກ ແລະລັດຖະບານ
4. ວັນທີ 2 / 4 / 1992 ໄດ້ມີກອງປະຊຸມກົມການເມືອງສູນກາງພັກ ວ່າດ້ວຍການປັບປຸງບູລະນະໂຄງປະກອບກົງຈັກຂອງລັດຖະບານ ແລະ ການບັນຈຸສັບຊ້ອນວຽກງານຈຳນວນໜຶ່ງໃນບັນດາກະຊວງ ແລະ ອົງການທຽບເທົ່າອ້ອມຂ້າງສູນກາງ. ເລກທີ 06/ກມສພ ລົງວັນທີ  04 / 04 / 1992 ໃນຂໍ້ທີ  6 , ໄດ້ຂຽນວ່າ : ອົງການ ສະພາກາແດງລາວ ໃຫ້ແຍກອອກຈາກກະຊວງສະຫວັດດີການສັງຄົມ , ຈັດຕັ້ງເປັນອົງການສັງຄົມທີ່ເປັນເອກະລາດ  ແຕ່ຢູ່ໃຕ້ການນໍາພາຂອງພັກມີໜ້າທີ່ພົວພັນກັບ ອົງການກາແດງສາກົນ.

ເດືອນ  9 / 1997  ໄດ້ມີການເປີດ ກອງປະຊຸມໜ່ວຍພັກ ຂອງອົງການກາແດງລາວຄັ້ງທຳອິດຂຶ້ນ   ແລະ  ໄດ້ຕີລາຄາທົບທວນຄືນໝົດ ບັນດາຈຸດດີ ຈຸດອ່ອນ  ແລະ  ຂໍ້ຄົງຄ້າງໃນການຈັດຕັ້ງປະຕິບັດໜ້າທີ່ການເມືອງຂອງໜ່ວຍພັກອົງການນີ້.  ຕໍ່ຈາກການສະຫຼຸບລາຍງານ,  ການຕີລາຄາສໍາເລັດແລ້ວ  ກໍມີການປ່ອນບັດຄຂັດເລືອກເອົາເລຂາໜ່ວຍພັກ ແລະ ຄະນະພັກຊຸດໃໝ່ຂຶ້ນເພື່ອນຳພາວຽກງານຂອງອົງການ.

• ບັນຫາທີ 1 :  ໄດ້ນຳສະເໜີຕໍ່ການຈັດຕັ້ງຂັ້ນເທິງໃຫ້ອະນຸມັດດຳລັດກຽ່ວກັບພາລະບົດບາດ ແລະ ໜ້າ    ທີ່ຄືນໃໝ່ຂອງອົງການກາແດງລາວ ເພື່ອປຽ່ນແທນດຳລັດ  188 / ນຍ  ລົງວັນທີ  30 / 11 / 1993 ໂດຍເຫັນວ່າ: ມັນບໍ່ສອດຄ່ອງກັບທ່າອຽ່ງລວມໃນຍຸກການປຽ່ນແປງໃໝ່ນີ້.
• ບັນຫາທີ 2 :   ໃນໄລຍະລໍຖ້ານີ້, ທາງອົງການພວກເຮົາກໍໄດ້ສືບຕໍ່ປັບປຸງ ແລະ ເຄື່ອນໄຫວວຽກງານຢ່າງຕັ້ງໜ້າ ແລະ ຮອບດ້ານຕາມດຳລັດເກົ່າ ແລະ ຕາມຄວາມຮຽກຮ້ອງຕ້ອງການຂອງສະພາບການລວມພາຍໃນປະເທດຄື:

ກ. ການຂະຫຍາຍສາຂາຕ່າງແຂວງ

– ທ້າຍປີ  1997  ໄດ້ເປີດສາຂາຂຶ້ນ  4  ແຂວງຄື:

• 2 ແຂວງ ພາກກາງ : ແຂວງບໍລິຄໍາໄຊ ແລະ ແຂວງວຽງຈັນ.
• 2 ແຂວງ ພາກເໜືອ : ແຂວງອຸດົມໄຊ ແລະ ແຂວງບໍ່ແກ້ວ.
• ຕົ້ນປີ 1998 ໄດ້ເປີດຂຶ້ນອີກ 2 ແຂວງຄື: ແຂວງຫົວພັນ ແລະ  ແຂວງຊຽງຂວາງ
• ທ້າຍປີ 1998: ເປີດສາຂາຂຶ້ນທີ່ແຂວງຫຼວງນໍ້າທາ

1  ການເຄື່ອນໄຫວດ້ານວິຊາການ :

• – ສູນບໍລິຈາກເລືອດ ແລະ  ສົ່ງເລືອດແຫ່ງຊາດ  :

• ໄດ້ມີການປັບປຸງ ແລະ  ກໍ່ສ້າງຫ້ອງຫຼັງໃຫມ່  ແລະ  ຂະຫຍາຍຕາໜ່າງ ສາຂາກາແດງ ລົງສູ່ 5 ແຂວງທີ່ສຳຄັນເຊັ່ນ:  ແຂວງຈຳປາສັກ  ,  ແຂວງສາລະວັນ  ,  ແຂວງສະຫວັນນະເຂດ  ,  ແຂວງຄຳມ່ວນ  ແລະ  ແຂວງຫຼວງພະບາງ.
• ລັດຖະບານ ໄດ້ຮັບຮອງກຽ່ວກັບນະໂຍບາຍວ່າດ້ວຍ ການບໍລິຈາກເລືອດ  ແລະ  ການສົ່ງເລືອດແຫ່ງຊາດ,  ຕາມດຳລັດ  ເລກທີ  84  /  ນຍ  ,  ລົງວັນທີ  31 / 10 / 1995
• ລັດຖະບານໄດ້ອອກ ດຳລັດ ເລກທີ 001 / ນຍ , ລົງວັນທີ   06  ມັງກອນ  1998  ເພື່ອແຕ່ງຕັ້ງຄະນະກຳມະການ ສົ່ງເສີມການບໍລິຈາກເລືອດ – ສົ່ງເລືອດແຫ່ງຊາດ  ຊຶ່ງມີຜູ້ຕາງໜ້າຈາກບັນດາກະຊວງຕ່າງໆທີ່ກຽ່ວຂ້ອງເຂົ້າຮ່ວມເປັນ ປະທານ ໄດ້ແກ່  ທ່ານລັດຖະມົນຕີຊ່ວຍວ່າການກະຊວງແຮງງານ  ແລະ  ສະຫວັດດີການສັງຄົມ  ແລະ  ປະທານອົງການກາແດງລາວ  .  ກໍາມະການມີ  7  ທ່ານ  ຈາກຫົວໜ້າຫ້ອງການກະຊວງຖະແຫຼງຂ່າວ ແລະ ວັດທະນາທຳ  ,  ຫົວໜ້າຫ້ອງການສູນກາງແນວລາວສ້າງຊາດ , ຫົວໜ້າຫ້ອງການຊາວໜຸ່ມປະຊາຊົນປະຕິວັດລາວ  ,  ຫົວໜ້າຫ້ອງການສູນກາງກໍາມະບານລາວ  ແລະ  ຫົວໜ້າຫ້ອງການສູນກາງສະຫະພັນແມ່ຍິງລາວ  ຕາມການສະເໜີຂອງ  ອົງການກາແດງລາວ
• ບັນດາ ຄະນະກຳມະການ  ດັ່ງກ່າວ ໄດ້ປະຊຸມກັນເປັນຄັ້ງທຳອິດເພື່ອຜ່ານພາລະບົດບາດ  ແລະ  ທິດທາງແຜນການໃນການເຄື່ອນໄຫວ  ແລະ  ຮັບຮອງເອົາລະບຽບການຂອງການປຸກລະດົມການບໍລິຈາກເລືອດແບບສະໝັກໃຈ  ແລະ  ບໍ່ມີສິ່ງຕອບແທນ
• ພິມເອກະສານ ກຽ່ວກັບການຈັດຫາເລືອດ  ,   ຄວາມປອດໄພຂອງເລືອດ   ,   ການວິໄຈເລືອດດ້ວຍຂັ້ນຕອນຕ່າງໆ  .
• ຂະຫຍາຍ ສູນບໍລິຈາກເລືອດລົງສູ່ຂັ້ນແຂວງ  ນອກຈາກຢູ່ນະຄອນວຽງຈັນທີ່ມີຢູ່ແລ້ວ  ,  ໂດຍອິງໃສ່ພົນລະເມືອງຫຼາຍ , ເປັນແຂວງໃຫຍ່ ແລະ ໃນນັ້ນໄດ້ຖືເອົາ  ຫ້ອງວິເຄາະ ຂອງໂຮງໝໍແຂວງເປັນຈຸໃຈກາງສຳຄັນໃນການບໍລິທາງດ້ານເຕັກນິກເປັນຕົ້ນຕໍຄື:
  • ໂຮງໝໍແຂວງຈຳປາສັກ
  • ໂຮງໝໍແຂວງສະຫວັນນະເຂດ
  • ໂຮງໝໍແຂວງຫຼວງພະບາງ
  • ໂຮງໝໍແຂວງສາລະວັນ
  • ໂຮງໝໍແຂວງຄຳມ່ວນ

• ສະຖິຕິການບໍລິຈາກເລືອດແບບສະໝັກໃຈ, ມາຮອດປັດຈຸບັນມີເຖິງ 20 %  ( 1998 )  ແລະ ຄາດວ່າແຕ່ນີ້ຮອດປີ 2000, ການລະດົມແບບນີ້ຈະມີເຖິງ 30 – 40 %

2 ວຽກງານອາສາສະໝັກຊາວໜຸ່ມ ແລະ  ການບໍລິການສຸກເສີນ:

       ມີໜ້າທີ່ສ້າງອາສາສະໝັກຊາວໜຸ່ມປະຈຳຢູ່ໂຮງຮຽນ, ບ້ານຊຸມຊົນ ,ປະກອບຖົງຢາສຸກເສີມ ແລະ ສົ່ງເສີມບັນຫາກິລາຊາວໜຸ່ມ

• ມີຈັກໜ່ວຍ
• ຈໍານວນພົນລວມ
• ມີຈັກໂຮງຮຽນ
• ມີຈັກບ້ານ

3 ວຽຫງານຄຸ້ມຄອງໄພພິບັດ ແລະ ສົງເຄາະສຸກເສີນ

• ໃຫ້ການຝຶກອົບຮົມວຽກງານກະກຽມຕອບໂຕ້ອຸປະຕິໄພ.
• ໃຫ້ການຊ່ວຍເຫຼືອສຸກເສີນເວລາມີອຸປະຕິໄພເກີດຂຶ້ນ.
• ສ້າງສາງຢູ່ແຕ່ລະພາກເພື່ອຮອງຮັບການແກ້ໄຂສຸກເສີນ.
• ຊອກຈັດຫາແຫຼ່ງທຶນ.
• ວຽກງານສົ່ງເສີມສຸຂະພາບຊຸມຊົນ:

• • ອົບຮົມການຮັກສາສຸຂະພາບຂັ້ນຕົ້ນໃຫ້ພະນັກງານລົງເຮັດວຽກຢູ່ 3 ແຂວງ ( PHC )  ( ແຂວງຫົວພັນ,ຊຽງຂວາງ ແລະ ຜົ້ງສາລີ ).
  • ສ້າງນັກອາສາສະໝັກຊ່ວຍຊຸມຊົນຂັ້ນຕົ້ນ ( CBFA / FA ) ຢູ່ 13 ແຂວງ.
  • ໂຄງການຈັດຫານ້ຳສະອາດ ແລະ ສຸຂະອານາໄມຄອບຄົວ.
  • ໂຄງການອົບຮົມຊາວໜຸ່ມ ເພື່ອຕໍ່ເພື່ອນ ເພື່ອປ້ອງກັນໂລກເອສ໌ ແລະ ພະຍາດທາງເພດສຳພັນ ( HIV / AIDS).

5  ວຽກງານໂຄສະນາຂ່າວສານ  ແລະ  ຊອກຫາຜູ້ຫາຍສາບສູນ :

• ເຮັດວາລະສານກາແດງລາວປະຈຳ 2 ເດືອນ.
• ສ້າງໂປດສະເຕີ 7 ຫຼັກການ ແລະ ແຜ່ນພັບກຽ່ວກັບປະຫວັດຂອງສະຫະພັນກາແດງ ແລະ  ຊີກວົງເດືອນແດງສາກົນ, ຄະນະກຳມະການກາແດງສາກົນ ແລະ ອົງການກາແດງລາວ.
• ຊອກຄົ້ນຫາຜູ້ຫາຍສາບສູນ.
• ຊອກຈັດຫາແຫຼ່ງທຶນ.
• ສ້າງຕັ້ງອາສາສະໝັກໜ່ວຍຊ່ວຍເຫຼືອຜູ້ປະສົບອຸປະຕິເຫດຕາມຖະໜົນ

6 ບັນດາອົງການກາແດງປະເທດເພື່ອນມິດທີ່ໃຫ້ການຊ່ວຍໜູນ

ກ. ປະຈຳຢູ່ ສປປ ລາວ :

• ຄະນະກໍາມະການກາແດງສາກົນ (  ICRC  )   ຊ່ວຍດ້ານທຶນຮອນ   ແລະ   ບົດຮຽນໃນການເຜີຍແຜ່ພາລະບົດບາດອົງການກາແດງລາວ  ,  ກົດໝາຍມະນຸດສະທຳສາກົນ  ,  ສືບທາວຫາຍາດຕິພີ່ນ້ອງທີ່ພັດພາກຈາກກັນ ແລະ ອື່ນໆ.
• ອົງການກາແດງປະເທດສວີເດັນ , ໃຫ້ທຶນຊ່ວຍພັດທະນາຊີວິດການເປັນຢູ່ຂອງແມ່ຍິງໃນຊົນນະບົດ .
• ອົງການກາແດງປະເທດແອສປາຍໂຍນ , ໃຫ້ທຶນຊ່ວຍໜູນການພັດທະນາການພັດທະນາສາຂາກາແດງລາວ
• ອົງການກາແດງປະເທດອັງກິດ , ໃຫ້ທຶນຊ່ວຍພັດທະນາຂະໜາດນ້ອຍຕໍ່ຊຸມຊົນທຸກຍາກຢູ 4 ແຂວງພາກໃຕ້ .
• ອົງການກາແດງປະເທດສາທາລະນະລັດເກົາຫຼີຊ່ວຍເຄື່ອງນຸ່ງຫົ່ມ.
• ສະພາກາແດງໄທ , ໃຫ້ການຝຶກອົບຮົມພະນັກງານໂຄສະນາຈັດຫາເລືອດທີ່ປອດໄພ.
• ອົງການມູນນິທິໂອສະກາແຫ່ງຍີ່ປຸ່ນ , ໃຫ້ການຊ່ວຍເຫຼືອເຄື່ອງນຸ່ງຫົ່ມ.
• ອົງການກາແດງປະເທດ ສັງຄົມນິຍົມຫວຽດນາມ , ໄດ້ມີການຮ່ວມມືກັນທາງດ້ານການແລກປຽ່ນຜູ້ແທນ ແລະ ນັກວິຊາການຂອງອົງການນຳກັນໂດຍການສະໜັບສະໜູນດ້ານທຶນຮອນຈາກສະພາກາແດງປະເທດແດນມາກ.

ໃນຕໍ່ໜ້າ, ອົງການກາແດງລາວ ຈະມີແຜນການ ແລະ ການພົວພັນຮ່ວມມືກັບບັນດາສະພາກາແດງປະເທດເພື່ອນມິດໃນບັນດາປະເທດທີ່ເປັນສະມາຊິກຂອງກຸ່ມອາຊຽນ   ແລະ  ນອກກຸ່ມອີກ  .  ຕາມເງື່ອນໄຂຕົວຈິງ  ແລະ  ຈຸດພິເສດຂອງອົງການກາແດງລາວ.

ໃນໄລຍະນີ້ ,  ອົງການກາແດງລາວ ໄດ້ສູນເສຍຜູ້ນຳຜູ້  ມີຄວາມຮູ້  ຄວາມສາມາດ  ນັ້ນຄື: ທ່ານປະທານອົງການກາແດງລາວ  ສະຫາຍ  ເລົາລີ  ໄຟເພັງຢົວ 15 / 3 / 2016  ໄດ້ຊີວິດຍ້ອນພະຍາດຂອງທ່ານ,  ສະນັ້ນ , ພັກ – ລັດຖະບານກໍ່ໄດ້ຄົ້ນຄວ້າ ຕົກລົງເຫັນດີ  ອອກດຳລັດ  ເລກທີ  131  / ນຍ  ,  ລົງວັນທີ 1  /  6  /  2016  ,  ວ່າດ້ວຍການແຕ່ງຕັ້ງ  ທ່ານ ຄຳຮຸ່ງ  ເຮືອງວົງສີ  ເປັນປະທານ  ອົງການກາແດງລາວ   ຄົນໃຫມ່ , ໃນໂອກາດທີ່ມາຮັບໜ້າທີ່ວຽກງານ ໃໝ່ນີ້ທ່ານໄດ້ຢືນຢັງຈະສືບຕໍ່ປັບປຸງວຽກງານກາແດງໄປຕາມແນວທາງຂອງພັກທີວາງອອກໃຫ້ປະປະກົດຜົນເປັນຈິງ