ອົງການກາແດງລາວ

CROIX ROUGE LAO

ຄວາມຄືບຫນ້າໃນການຊ່ວຍເຫລືອປະຊາຊົນເມືອງຫມື່ນແຂວງວຽງຈັນ

ໃນວັນທີ່ 27ມີນາ 2019 ນີ້ ທ່ານ ທອງພະຈັນ ສອນນະສິນ ຮອງປະທານ ອົງການກາແດງລາວ ໄດ້ນຳພາ ທ່ານ ຫາຍຈິ່ງ ຫວັງ ຮອງປະທານ ສະພາກາແດງຈີນ ລົງຕິດຕາມໂຄງການການຊ່ວຍເຫຼືອປະຊາຊົນເມືອງໝື່ນ ແຂວງວຽງຈັນ ໂດຍທີ່ກາແດງຈິນໃຫ້ການຊ່ວຍເຫລືອເຊີ່ງໃຫ້ກຽດຕ້ອນຮັບຂອງທ່ານ ພອນເທີດ ສຸຫວັດດີ ຄະນະປະຈຳພັກເມືອງ ຮອງເຈົ້າເມືອງ ໝື່ນ ຕະຫຼອດຮອດພະນັກງານອ້ອມຂ້າງ ແລະ ປະຊາຊົນ. ໂຄງການຊ່ວຍເຫລືອປະຊາຊົນ 5 ບ້ານຂອງ ເມືອງ ຫມື່ນ ທີ່ທາງສະພາກາແດງຈີນ ໄດ້ໃຫ້ການຊ່ວຍເຫລືອ ເຊີ່ງປະກອບມີ: ການສ້າງອາສາສະຫມັກ,ການສະຫນອງເຄື່ອງມືຕີພ້າ,ແລະ ສັດລ້ຽງ ໃຫ້ຄອບຄົວທີ່ທຸກຍາກ 13 ຄອບຄົວ, ການ ສະຫນອງນໍ້າສະອາດ, ອຸປະກອນເຕືອນໄພ ແລະ ຖົງຢາປະຖົມພະຍາບານ.