ອົງການກາແດງລາວ

CROIX ROUGE LAO

ຄອບຄົວຖືກເຄະຮ້າຍຈາກອັກຄີໄພໄດ້ຮັບການຊ່ວຍເຫຼືອ

ໃນວັນທີ 28 ສິງຫາ 2019 ນີ້ ອົງການກາແດງລາວໄດ້ນຳເອົາເຄື່ອງຊ່ວຍເຫຼືອບັນເທົາທຸກປະເພດ ເຄື່ອງນຸ່ງຫົ່ມ,ເຄື່ອງໃຊ້ເຮືອນຄົວ ແລະເຂົ້າສານອາຫານແຫ້ງ ນຳໄປມອບໃຫ້ແມ່ຕູ້ ສອນທອງ ບ້ານປ່າຝາງ ເມືອງຫາດຊາຍຟອງແຂວງນະຄອນຫຼວງວຽງຈັນ ທີ່ໄດ້ຮັບເຄາະຮ້າຍຈາກອຸບັດຕິເຫດໄຟໄໝ້ເຮືອນ,ລວມມູນຄ່າການຊ່ວຍເຫຼືອທັງໝົດ 1,790,000ກີບ ໂດຍເປັນກຽດມອບຂອງທ່ານ ຮສຈ.ດຣ.ສິງ ເມໂນລາດ ຮອງປະທານອົງການກາແດງລາວ ແລະ ຮັບໂດຍແມ່ຕູ້ ສອນທອງ ຊ້ອງໜ້າພະນັກງານກ່ຽວຂ້ອງ ແລະ ອຳນາດການປົກຄອງບ້ານ ຕະຫຼອດຮອດພໍ່ແມ່ປະຊາຊົນບ້ານໃກ້ເຮືອນຄຽງເຂົ້າຮ່ວມ.