ອົງການກາແດງລາວ

CROIX ROUGE LAO

ຄະນະກຳມະການຄຸ້ມຄອງໄພພິບັດແຂວງຜົ້ງສາລີ ຮຽນຮູ້ຫລັກການຄຸ້ມຄອງຄວາມສ່ຽງໄພພິບັດ.

ຄະນະກຳມະການຄຸ້ມຄອງໄພພິບັດແຂວງຜົ້ງສາລີ ຮຽນຮູ້ຫລັກການຄຸ້ມຄອງຄວາມສ່ຽງໄພພິບັດ.
ໃນລະຫວ່າງວັນທີ 20 – 23 ກໍລະກົດ 2021 ອົງການກາແດງລາວໄດ້ຈັດຝຶກອົມຮົມກ່ຽວກັບ ການຄຸ້ມຄອງຄວາມສ່ຽງໄພພິບັດ ໃຫ້ແກ່ ກອງເລຂາຄະນະກຳມະການຄຸ້ມຄອງໄພພິບັດຂຶ້ນ ທີ່ເມືອງ ບຸນເໜືອ ແຂວງ ຜົ້ງສາລີ ໂດຍການເປັນການເຂົ້າຮ່ວມຂອງທ່ານ ຮສ.ດຣ.ພູທອນ ເມືອງປາກ ປະທານອົງການກາແດງລາວ, ທ່ານ ນາງ ບົວໄຂ ແກ້ວວິພາກອນ ຫົວໜ້າອົງການກາແດງແຂວງ ຜົ້ງສາລີ ພ້ອມດ້ວຍພະນັກງານວິຊາການພະແນກການອອ້ມຂ້າງທີ່ກ່ຽວຂ້ອງເຂົ້າຮ່ວມ 27 ທ່ານ ຍິງ 8 ທ່ານ.
ການຝຶກອົບຮົມໃນຄັ້ງນີ້ ກໍ່ເພື່ອເປັນການສ້າງຄວາມເຂັ້ມແຂງ ໃນວຽກງານຮັບມືກັບໄພພິບັດໃຫ້ແກ່ຄະນະກຳມະການຄຸ້ມຄອງໄພພິບັດແຂວງຜົ້ງສາລີ ເພື່ອຮຽນຮູ້ຫຼັກການ, ວິທີໃນການປະຕິບັດໃນການຮັບມືກັບໄພພິບັດ ໄດ້ຢ່າງປອດໄພ ແລະ ມີຄວາມເຂັ້ມແຂງ, ທັນການ; ເຊິ່ງຫົວຂໍ້ທີ່ນຳມາຝຶກອົບຮົມໃນຄັ້ງນີ້ ປະກອບມີ: ຂະບວນການກາແດງ, ກົດໝາຍວ່າດ້ວຍກາແດງລາວ, ການຄຸ້ມຄອງໄພພິບັດ , ຄວາມສ່ຽງໄພພິບັດ, ຄວາມຕ້ານທານຕ່ຳ), ການປົກປ້ອງໃນການໃຊ້ຄວາມຮຸນແຮງໃນເວລາເກີດເຫດສຸກເສີນ, ການປະເມີນຄວາມສ່ຽງ, ຄວາມຕ້ອງການພາຍຫຼັງເກີດໄພພິບັດ, ຄວາມຮູ້ພື້ນຖານໃນການມອດໄຟ, ຝຶກຊ້ອມເຫດການຈຳລອງ ໃນເວລາເກີດໄພພິບັດ, ການວິເຄາະຂໍ້ມູນ ແລະ ການລາຍງານຂໍ້ມູນ, ສຳລັບວຽກງານດັ່ງກ່າວ ແມ່ນ ມີຄວາມສຳຄັນຫຼາຍຕໍ່ແຂວງ ຜົ້ງສາລີ ເພາະວ່າຈຸດພິເສດຂອງແຂວງຜົ້ງສາລີ ເປັນເຂດພູດອຍຈຶ່ງມີປັດໃຈ ໃຫ້ເກີດໄພພິບັດ ເປັນຕົ້ນແມ່ນ ດິນເຈື່ອນ, ນ້ຳຊຸຖັ່ງ ແລະ ອື່ນໆ ເຊິ່ງເປັນສິ່ງທີ່ທ້າທາຍຫລາຍທີ່ຈະຕ້ອງໄດ້ແກ້ໄຂພ້ອມທັງເປັນການຮັບມືກັບເຫດການທີ່ຈະຂຶ້ນ ໃນອະນາຄົດ.
ໃນຕອນທ້າຍ, ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ກໍ່ໄດ້ໃຫ້ກຽດໂອ້ລົມນັກສຳມະນາກອນ ທ່ານຍັງໄດ້ເນັ້ນວ່າ: ວຽກງານໄພພິບັດຖືວ່າເປັນວຽກງານໜຶ່ງທີ່ສຳຄັນ ພ້ອມທັງຢູ່ໃນ 9 ໜ້າວຽກຫຼັກຂອງອົງການກາແດງລາວທີ່ຈະຕ້ອງໄດ້ເອົາໃຈໃສ່ ປະສານສົບທົບກັບຄູ່ຮ່ວມງານຕ່າງໆ ເພື່ອແລກປ່ຽນຂໍ້ມູນເຊິ່ງກັນແລະກັນ ເພື່ອເປັນບົດຮຽນອັນດີ ທີ່ຈະນຳໄປແກ້ໄຂ ແລະ ປັບປຸງໃນວຽກງານການຮັບມືກັບໄພພິບັດນີ້ ໃຫ້ມີຄວາມເຂັ້ມແຂງ ຂຶ້ນເລື້ອຍໆ, ທ່ານຍັງໄດ້ຮຽກຮ້ອງໃຫ້ນັກສຳມະນາກອນ ພາຍຫຼັງຈາກສຳເລັດຝຶກອົບຮົມແລ້ວ ຢາກໃຫ້ມີການສ້າງອາສາສະໝັກກາແດງພາຍໃນແຂວງຜົ້ງສາລີ ເພື່ອໃຫ້ເຂົາເຈົ້າປະກອບສ່ວນປຸກລະດົມ ແລະ ມີສ່ວນຮ່ວມໃນວຽກງານມະນຸດສະທຳຂອງອົງການກາແດງລາວໃຫ້ມີຄວາມເຂັ້ມແຂງ, ທ່ານຍັງໄດ້ສະແດງຄວາມຂອບໃຈ ມາຍັງອົງການຈັດຕັ້ງ ແລະ ພະແນກການອອ້ມຂ້າງແຂງ ທີ່ໄດ້ສຸມໃສ່ການຝຶກອົບຮົມໃນຄັ້ງນີ້ຈົນປະສົບຜົນສຳເລັດ ແລະ ຫວັງຢ່າງຍິ່ງວ່າ ບົດຮຽນທີ່ໄດ້ຮັບໃນຄັ້ງນີ້ ຈະໄດ້ນຳໄປໃຊ້ປະຕິບັດໃຫ້ເກີດຜົນປະໂຫຍດທີ່ສຸດ.
อาจเป็นรูปภาพของ 5 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ 2 คน, ผู้คนกำลังนั่ง และผู้คนกำลังยืนอาจเป็นรูปภาพของ 7 คน, ผู้คนกำลังยืน และสถานที่ในร่มอาจเป็นรูปภาพของ 2 คน, ผู้คนกำลังยืน และสถานที่ในร่มอาจเป็นรูปภาพของ 3 คน และผู้คนกำลังยืนอาจเป็นรูปภาพของ 2 คน, ผู้คนกำลังนั่ง และผู้คนกำลังยืนอาจเป็นรูปภาพของ 6 คน, ผู้คนกำลังนั่ง, ผู้คนกำลังยืน และสถานที่ในร่ม