ອົງການກາແດງລາວ

CROIX ROUGE LAO

ຍົກລະດັບວຽກງານຂ່າວສານໃຫ້ພະນັກງານກາແດງ18ແຂວງ

ຍົກລະດັບວຽກງານຂ່າວສານໃຫ້ພະນັກງານກາແດງ18ແຂວງ. ໃນວັນທີ 29-30 ພະຈິກ 2018 ອົງການກາແດງລາວໄດ້ຈັດຊຸດອົບຮົມວຽກງານຂ່າວສານ ແລະ ວິທີການຖ່າຍຮູບຂຶ້ນທີ່ ສູນອົບຮົມ ສູນກາງແນວລາວສ້າງຊາດ ນະຄອນຫຼວງວຽງຈັນ ໂດຍມີຜູ້ເຂົ້າຮ່ວມຈາກກາແດງແຂວງ ແລະ ກາແດງນະຄອນຫຼວງ, ກາແດງລາວ ທັງໝົດ32ທ່ານ.
ຈຸດປະສົງຂອງການຈັດຊຸດອົບຮົມໃນຄັ້ງນີ້ກໍເພື່ອທົບທວນຄືນການຂຽນຂ່າວໃຫ້ກັບບັນດານັກຂ່າວກາແດງ ໂດຍໄດ້ແລກປ່ຽນບົດຮຽນເຊິ່ງກັນແລະ ກັນ ແລະ ໄດ້ເຊີນນັກວິທະຍາກອນຈາກຂ່າວສານປະເທດລາວມາຂຶ້ນບັນລະຍາຍ ການຝຶກອົບຮົມຄັ້ງແມ່ນໄດ້ຮຽນຮູ້ວິທີການຂຽນຂ່າວ ແລະ ເທັກນິກການຖ່າຍຮູບ ເພື່ອຮັບໃຊ້ເຂົ້າໃນວຽກງານທາງພາກທິດສະດີ ແລະ ພາກປະຕິບັດຕົວຈິງ ໃຫ້ກັບນັກສຳມະນາກອນ. ຊຸດອົບຮົມດັ່ງກ່າວໂດຍການເຂົ້າຮ່ວມເປັນປະທານຂອງທ່ານ ທອງພະຈັນ ສອນນະສິນ ຮອງປະທານອົງການກາແດງລາວ, ທ່ານນາງໄອ່ຄຳ ສໍອິນໄຊ ຮອງຫົວໜ້າກອງໂຄສະນາ ແລະ ຂົນຂວາຍການກຸສົນ ອົງການກາແດງລາວ ຊຸດອົບຮົມໃນຄັ້ງນີ້ແມ່ນໄດ້ດຳເນີນໄປເປັນເວລາສອງວັນ ໂດຍໄດ້ຮັບການສະໜັບສະໜູນຈາກ ຄະນະກຳມະການກາແດງສາກົນ (icrc)