ອົງການກາແດງລາວ

CROIX ROUGE LAO

ຍົກລະດັບໃຫ້ຊາວໜຸ່ມກາແດງເພື່ອພັດທະນາຊຸມຊົນໃນຊຸມຊົນ

ໃນລະຫວ່າງວັນທີ 15-20 ມີນາ 2019 ອົງການກາແດງລາວໄດ້ຈັດການຝຶກອົບຮົມໃຫ້ແກ່ຊາວໜຸ່ມ ໃນ ການ ສົ່ງເສີມຊາວໜຸ່ມເພື່ອຊຸມຊົນ ຂື້ນຢູ່ທີ່ ເມືອງແປກ ແຂວງຊຽງຂວາງ ໂດຍການເປັນປະທານຂອງ ທ່ານນາງ ໄອ່ຄຳ ສໍອິນໄຊ ຮອງຫົວໜ້າກອງໂຄສະນາ ແລະ ຂົນຂວາຍການກຸສົນ, ມີທ່ານ ສີມີໄຊ ພິມມະຈັກ ຫົວໜ້າຫ້ອງການກາແດງແຂວງຊຽງຂວາງ ແລະ ມີຜູ້ເຂົ້າຮ່ວມຝຶກອົບຮົມທີ່ມາຈາກ ວິທະຍາໄລ ວົງຈະເລີນ, ມສ ໂພນທອງ,ມສ ສີບຸນເຮືອງ, ກາແດງແຂວງ ແລະ ຄະນະຊາວໜຸ່ມແຂວງຊຽງຂວາງ ລວມທັງໝົດ 19 ທ່ານ.ຍິງ 13ທ່ານ.
ການຝຶກອົບຮົມໃນຄັ້ງນີ້ເພື່ອແນ່ໃສ່ເຮັດຊາວໜຸ່ມຮູ້ຈັກການ ມີສ່ວນຮ່ວມການພັນການພັດທະນາຊຸມຊົນທັງເພື່ອແນ່ໃສ່ເຮັດໃຫ້ຊາວຫນຸ່ມກາແດງເປັນແບບຢ່າງໃນການພັດທະນາຊຸມຊົນໃຫ້ດີຂື້ນເປັນກ້າວໆ.