ໃນວັນທີ 23-27 ມີນາ 2019 ໄດ້ຈັດຂື້ນທີ່ ເມືອງແປກ, ແຂວງຊຽງຂວາງ ໂດຍການເປັນກຽດເຂົ້າຮ່ວມ ທ່ານນາງ ໄອ່ຄຳ ສໍອິນໄຊ ຮອງຫົວຫນ້າກອງໂຄສະນາ ແລະ ຂົນຂວາຍການກຸສົນ, ອົງການກາແດງລາວສູນກາງ, ມີຜູ້ເຂົ້າຮ່ວມທັງໝົດ 22 ທ່ານ, ເຊື່ງຈາກຊາວໜຸ່ມແຂວງ , ຄູ ອາຈານ ແລະ ນ້ອງນັກຮຽນ ຈາກ 3 ໂຮງຮຽນ(ມສ ໂພນສະຫວັນ ມສ ໂພນທອງ, ແລະ ມສ ສີບຸນເຮືອງ.
ຈຸດປະສົງການຝຶກອົບຮົມແມ່ນ ເພື່ອ​ການໃຫ້ຄວາມຮູ້ດ້ານ ຫຼຸດ​ຜ່ອນ​ຄວາມ​ສ່ຽງ​ໄພ​ພິ​ບັດ ແລະ ຄວາມ​ປອດ​ໄພ​ໃນ​ໂຮງ​ຮຽ​ນ​ໃຫ້​ແກ່​ນັກ​ຮຽນ​ຄູ-ອ​າ​ຈານ ແລະ ເພື່ອ​ເປັນ​​ການ​ປ່ຽນ​ແປງ​ທັດ​ສະ​ນະ ການ​ປະ​ຕິ​ບັດ, ພຶດ​ຕິ​ກຳ​ຂອງ​ນັກ​ຮຽນ, ຄູ-ອາ​ຈານ ແລະ ພໍ່​ແມ່​ນັກ​ຮຽນ ກ່ຽວ​ກັບ​ຄວາມ​ປອດ​ໄພ​ໃນ​ໂຮງ​ຮຽນ ເພື່ອໃຫ້ເຂົາເຈົ້າກາຍເປັນແບບຢ່າງໃນການນຳພາຫມູ່ເພື່ອນມີທັດສະນະຄຸນສົມທີ່ດີຕາມ5ຫລັກມູນການສຶກສາແລະການຫຼຸດ​ຜ່ອນ​ຄວາມສ່ຽງຕໍ່​ໄພ​ພິ​ບັດ ແລະຮັບ​​ຮູ້ ​ວິ​ທີ​ນຳພາຫມູ່ເພຶ່ອນດ້ວຍຫລັກການ ເພື່ອ​ນສອນ​ເພື່ອນ ເພື່ອເຄືອນໄຫວເຄື່ອນວຽກງານນອກຫຼັກສູດ ຂອງຊາວ​ໜຸ່​ມ​ໃນ​ໂຮງ​ຮຽນ.