ອົງການກາແດງລາວ

CROIX ROUGE LAO

ທີມງານອົງການກາແດງລາວ ແລະ ກາແດງແຂວງສະຫວັນນະເຂດ ເຂົ້າພົບຮອງເຈົ້າເມືອງສອງຄອນ ແຂວງສະຫວັນນະເຂດ

ໃນຕອນເຊົ້າວັນທີ 11ກັນຍາ 2019 ນີ້ ທີມງານອົງການກາແດງລາວ ແລະ ກາແດງແຂວງສະຫວັນນະເຂດ ໄດ້ເຂົ້າພົບ ທ່ານ ພຸດທະວົງ ພົມມະຈັກ ຮອງເລຂາພັກເມືອງ ຮອງເຈົ້າເມືອງສອງຄອນແຂວງສະຫວັນນະເຂດ ເພື່ອລາຍງານໂຕ ແລະ ຮັບຟັງການໃຫ້ຂໍ້ມູນສະພາບນ້ຳຖ້ວມຢູ່ໃນເຂດເມືອງສອງຄອນ ສະນັ້ນ ການນຳເມືອງໄດ້ຕົກລົງເຫັນດີໃຫ້ ທີມງານອົງການກາແດງລາວເຂົ້າປະຕິບັດໜ້າວຽກຢູ່ສອງຈຸດຄື ເຂດບ້ານ ດົງສະຫວ່າງ ປະກອບມີ 425 ຄອບຄົວ ຈຳນວນຄົນ 2,349ຄົນ ຍິງ 1,151 ຄົນ ເຊິ່ງໜ້າທີ່ຫຼັກແມ່ນໃຫ້ຜະລິດກອງນ້ຳໃຫ້ປະຊາຊົນ ແລະ ປະຖົມພະຍາບານຂັ້ນຕົ້ນ ສ່ວນທີມທີ 2ແມ່ນຈະໄດ້ປະຕິບັດຢູ່ບ້ານສອງຄອນ 207ຄອບຄົວ ຈຳນວນພົນ 1,164ຄົນ ຍິງ 589ຄົນ ແລະ ຈະໄດ້ຕິດຕັ້ງເຄື່ອງກອງນ້ຳ ແລະ ປະຖົມພະຍາບານຂັ້ນຕົ້ນ ແລະ ອຶ່ນໆ