ອົງການກາແດງລາວ

CROIX ROUGE LAO

ທ່ານຄຳຮຸ່ງ ເຮືອງວົງສີ ປະທານອົງການກາແດງລາວ ຢ້ຽມຢາມ

ປະທານອົງການກາແດງລາວຢ້ຽມຢາມ ແລະ ມອບເຄື່ອງຊ່ວຍ ກາແດງແຂວງສາລະວັນ. The president of Lao Red Cross have been visited and delivered the donation to the Salavan Provincial Red Cross. ໃນຕອນເຊົ້າວັນທີ 30/06/2020 ທ່ານຄຳຮຸ່ງ ເຮືອງວົງສີ ປະທານອົງການກາແດງລາວ ຢ້ຽມຢາມແລະເຮັດວຽກແຂວງສາລະວັນ ແລະ ໄດ້ຕ້ອນຮັບຈາກນາງ ດຣ ກົງສິດ ອຸ່ນຈິດ ຫົວຫນ້າກາແດງກາແດງແຂວງສາລະວັນ ແລະພະນັກງານແລະໄດ້ຮັບພັງການລາຍງານການຈັດຕັ້ງປະຕິບັດວຽກງານຫົກເດືອນຕົ້ນປີ ແລະແຜນການຫົກເດືອນທ້າຍປີທີ່ໄດ້ຈັດຕັ້ງປະຕິບັດປະສົບຜົນສຳເລັດຫລາຍດ້ານແລະ ໃນໂອກາດນີ້ທ່ານປະທານອົງການກາແດງລາວ ໄດ້ກ່າວສະແດງຄວາມຍ້ອງຍໍຊົມເຊີຍແກ່ພະນັກງານທຸກທ່ານທີ່ໄດ້ສູ້ຊົນບຸກບືນໃນການປະຕິບັດຫນ້າທີ່ຂອງຕົນໄດ້ສຳເລັດຫລາຍດ້ານແລະ ທ່ານຍັງໄດ້ໃຫ້ທິດຊີ້ນໍາ ນຳພາ ເອົາໃຈໃສ່ສືບຕໍ່ຜັນຂະຫຍາຍ 09 ຫນ້າວຽກຕົ້ນຕໍຂອງອົງການກາແດງລາວ ກໍ່ຄືກາແດງສາລະວັນ ໂດຍສະເພາະກໍ່ແມ່ນວຽກງານປຸກລະດົມຂົນຂວາຍບໍລິຈາກເລືອດ;ວຽກງານລະດົມທຶນຈາກສັງຄົມ ແລະ ວຽກງານສ້າງອາສາສະຫມັກ; ໃນໂອກາດນີ້ທ່ານກໍ່ຍັງໄດ້ນຳເອົາເຄື່ອງຊ່ວຍເຫລືອປະເພດເຄື່ອງໃຊ້ຄົວເຮືອນ;ເຄື່ອງນອນ ແລະ ເຄື່ອງອຸປະໂພກ-ບໍລິໂພກ ມອບໃຫ້ແກ່ອົງການກາແດງແຂວງສາລະວັນ ເພື່ອແຮໄວ້ຊ່ວຍເຫລືອຜູ້ປະສົບຜົນກະທົບຈາກໄພພິບັດ ລວມມູນຄ່າ 30,960,000 ກີບ.ຈາກນັ້ນໃນຕອນບ່າຍ ແມ່ນໄດ້ເຂົ້າຢ້ຽມຢາມ ແລະ ເຮັດວຽກຢູ່ສູນເລືອດກາແດງແຂວງເຊກອງ ນຳອີກດ້ວຍ.