ອົງການກາແດງລາວ

CROIX ROUGE LAO

# ທ່ານ ດຣ. ນາງ ບຸບຜາ ອອ່ນມະນີ ໄດ້ມອບລົດອະບູລັງ ໃຫ້ແກ່ອົງການກາແດງລາວ.

# ທ່ານ ດຣ. ນາງ ບຸບຜາ ອອ່ນມະນີ ໄດ້ມອບລົດອະບູລັງ ໃຫ້ແກ່ອົງການກາແດງລາວ.
ໃນຕອນບ່າຍຂອງວັນທີວັນທີ 13 ສິງຫາ 2021 ທີ່ອົງການກາແດງລາວ ໄດ້ມີພິທີ
ມອບຮັບລົດອະບູລັງ ນຳສົ່ງຄົນເຈັບໃຫ້ອົງການກາແດງລາວ ໂດຍການເຂົ້າຮ່ວມຂອງທ່ານ ຮສ.ດຣ ພູທອນ ເມືອງປາກ ປະທານອົງການກາແດງລາວ, ມີທ່ານ ປອ. ແກ້ວອຸດອນ ບຸດສິງຂອນ ຮອງເຈົ້າແຂວງ ແຂວງ ຄຳມ່ວນ, ມີທ່ານ ດຣ. ນາງ ບຸບຜາ ອອ່ນມະນີ ພະນັກງານບຳນານ ກະຊວງສາທາລະນະສຸກ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.
ໃນພິທີທ່ານ ພອນໄຊ ສີວິໄລ ຫົວໜ້າພະແນກສຸຂະພາບສຸກເສີນ ອົງການກາແດງລາວໄດ້ລາຍງານສະພາບສະພາບການຈັດຕັ້ງປະຕິບັດໜ່ວຍກູ້ຊີບອົງການກາແດງລາວ ໄດ້ສ້າງຕັ້ງຂຶ້ນ ແຕ່ປີ 2018 ເປັນຕົ້ນມາ, ຖືວ່າເປັນໜ່ວຍງານທີ່ໃຫ້ການຊ່ວຍເຫຼືອປະຖົມພະຍາບານເບື້ອງຕົ້ນ, ນຳສົ່ງຄົນທີ່ເກີດອຸປະຕິເຫດ ແລະ ເຫດການສຸກເສີນຕ່າງໆ, ໃນເບື້ອງຕົ້ນກໍ່ແມ່ນພົບຄວາມຫຍຸ້ງຍາກ ເພາະວ່າອາສາສະໝັກທີ່ມາປະກອບສ່ວນໃນວຽກງານກູ້ຊີບກູ້ໄພແມ່ນມີຈຳນວນໜ້ອຍ, ບວກກັບພານະ ແລະ ອຸປະກອນຮັບໃຊ້ແມ່ນບໍ່ພຽງພໍ ຈົນມາເຖິງປັດຈຸບັນກໍ່ໄດ້ມີຫລາຍພາກສ່ວນ ບໍລິສັດຫ້າງຮ້ານ,ນິຕິບຸກຄົນ,ອົງການຈັດຕັ້ງທາງພາກລັດ ແລະ ເອກະຊົນ, ກໍ່ໄດ້ປະກອບສ່ວນເຂົ້າມາຊ່ວຍເຫຼືອ ແຕ່ກໍ່ຍັງບໍ່ທັນພຽງພໍກັບຄວາມຕ້ອງການ, ໃນໄລຍະຜ່ານມານັບປີ 2014-2020 ໜ່ວຍກູ້ຊີບອົງການກາແດງລາວ ໄດ້ໃຫ້ການຊ່ວຍເຫຼືອຄົນເຈັບທີ່ປະສົບອຸປະຕິເຫດໄດ້ 5.503 ຄັ້ງ, ນຳສົ່ງຄົນເຈັບ 2.863 ຄົນ, ຊ່ວຍເຫດການໄຟໄໝ້ 27 ຄັ້ງ, ບໍລິການຊ່ວຍໃນຂະບວນການກິລາແລະອື່ນໆ 69 ຄັ້ງ ແລະ ຂະຫຍາຍອາສາສະຫມັກຫນ່ວຍກູ້ໄພ 1625 ອົງການກາແດງລາວ ລົງໄປສູ່ບັນດາແຂວງຕ່າງໆເຊັ່ນ: ແຂວງ ບໍ່ແກ້ວ, ໄຊຍະບູລີ, ຫຼວງພະບາງ, ວຽງຈັນ ແລະ ແຂວງ ຄຳມ່ວນ.
ໃນພິທີມອບຮັບລົດໃນຄັ້ງນີ້ ທ່ານ ດຣ. ນາງ ບຸບຜາ ອອ່ນມະນີ ພະນັກງານບຳນານກະຊວງສາທາລະນະສຸກ ໄດ້ກ່າວມອບລົດອະບູລັງ ນຳສົ່ງຄົນເຈັບ ຈຳນວນ 2 ຄັນ ພ້ອມດ້ວຍອຸປະກອນການແພດຈຳນວນໜຶ່ງລວມມູນຄ່າ 32.000 ໂດຮາ ໃຫ້ອົງການກາແດງລາວ ແລະ ກ່າວຮັບໂດຍທ່ານ ຮສ.ດຣ ພູທອນ ເມືອງປາກ ປະທານອົງການກາແດງລາວ, ຫລັງຈາກນັ້ນ, ທ່ານ ປະທານອົງການກາແດງລາວ ໄດ້ມອບລົດຈຳນວນ 1 ຄັນໃຫ້ແກ່ອົງການກາແດງແຂວງ ຄຳມ່ວນ ເພື່ອນຳໄປປະກອບສ່ວນໃນວຽກງານກູ້ຊີບ-ກູ້ໄພພາຍໃນແຂວງ ຄຳມ່ວນ ໃຫ້ກຽດກ່າວຮັບໂດຍ ທ່ານ ປອ. ແກ້ວອຸດອນ ບຸດສິງຂອນ ຮອງເຈົ້າແຂວງ ແຂວງ ຄຳມ່ວນ ເຊິ່ງທ່ານກໍ່ໄດ້ສະແດງຄວາມຮູ້ບຸນຄຸນຕໍ່ຄະນະນຳອົງການກາແດງລາວ ແລະ ຜູ້ທີ່ໄດ້ປະສ່ວນໃນການຊ່ວຍເຫຼືອໃນຄັ້ງນີ້ ເຊິ່ງໃນໄລຍະຜ່ານມາທາງໜ່ວຍກູ້ຊີບ-ກູ້ໄພ 1265 ກາແດງລາວ ສາຂາແຂວງ ຄຳມ່ວນແມ່ນມີລົດນຳສົ່ງຄົນເຈັບພຽງແຕ່ຄັນດຽວ ເຊິ່ງບໍ່ພຽງພໍຕໍ່ການຕອບສະໜອງໃຫ້ການບໍລິການຊ່ວຍເຫຼືອສັງຄົມ,ສ່ວນລົດທີ່ໄດ້ຮັບໃນຄັ້ງນີ້ ພວກຂ້າພະເຈົ້າພ້ອມດ້ວຍທີມງານ ຈະຮັກສາ ແລະ ນຳໃຊ້ໃຫ້ໄດ້ຮັບຜົນ.
ໃນຕອນທ້າຍ, ທ່ານ ຮສ.ດຣ ພູທອນ ເມືອງປາກ ປະທານອົງການກາແດງລາວ ກໍ່ໄດ້ສະແດງຄວາມຂອບອົກຂອບໃຈ ມາຍັງຜູ້ທີ່ໄດ້ປະກອບສ່ວນໃຫ້ການຊ່ວຍເຫຼືອໃນຄັ້ງນີ້, ທ່ານຍັງໄດ້ເນັ້ນຕື່ມວ່າ ວຽກງານກູ້ຊີບ-ກູ້ໄພແມ່ນໜຶ່ງ ໃນ 9 ໜ້າວຽກຈຸດສຸມຂອງອົງການກາແດງລາວ ທີ່ຈະຕ້ອງໄດ້ປະກອບສ່ວນໃນວຽກງານນີ້ໃຫ້ເພີ່ມຂຶ້ນ ,ເພື່ອໃຫ້ມີຄວາມທັນສະໄໝ, ວ່ອງໄວ ແລະ ບໍລິການປະຊາຊົນໃຫ້ທັນເວລາ ໂດຍບໍ່ຮຽກຮ້ອງສິ່ງຕອບແທນ, ໃນອະນົດຄົດທາງອົງການກາແດງລາວຂອງພວກເຮົາແມ່ນຈະໄດ້ຂະຫຍາຍຕາໜ່າງ ໜ່ວຍກູ້ຊີບ-ກູ້ໄພ 1625 ອົງການກາແດງລາວລົງໄປສູ່ບັນດາແຂວງຕ່າງໆທີ່ມີຄວາມພ້ອມ ເພື່ອໃຫ້ການຊ່ວຍເຫຼືອປະຊາຊົນຢ່າງທົ່ວເຖິງ,ໃຫ້ສັງຄົມມີຄວາມຮັບຮູ້-ເຂົ້າໃຈໃນວຽກງານອົງການກາແດງລາວໃຫ້ຫຼາຍຂຶ້ນກວ່າເກົ່າ.
อาจเป็นรูปภาพของ 2 คน, ผู้คนกำลังยืน และกลางแจ้งอาจเป็นรูปภาพของ 2 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ รถตู้ไม่มีคำอธิบายรูปภาพอาจเป็นรูปภาพของ 4 คน และผู้คนกำลังยืนอาจเป็นรูปภาพของ 5 คน, ผู้คนกำลังยืน และสถานที่ในร่มอาจเป็นรูปภาพของ 5 คน, ผู้คนกำลังนั่ง และผู้คนกำลังยืนอาจเป็นรูปภาพของ 2 คน, ผู้คนกำลังยืน และสถานที่ในร่มอาจเป็นรูปภาพของ 1 คน, ดอกไม้ และสถานที่ในร่มอาจเป็นรูปภาพของ 3 คน, ผู้คนกำลังยืน, รถยนต์ และกลางแจ้งอาจเป็นรูปภาพของ 9 คน และผู้คนกำลังยืนอาจเป็นรูปภาพของ หนึ่งคนขึ้นไป, ผู้คนกำลังยืน และกลางแจ้ง