ອົງການກາແດງລາວ

CROIX ROUGE LAO

ນັກຮຽນ ປກສ ເລກ4 ແຂວງອຸດົມໄຊ ຮ່ວມໃຈບໍລິຈາກເລືອດ

ໃນຕອນເຊົ້າຂອງ ວັນທີ13/3/2019. ທ່ານ ສັງທອງ ສັນຕິສຸກ ຫົວໜ້າສູນເລືອດພ້ອມດ້ວຍອ້າຍນ້ອງວິຊາການເຄື່ອນໄຫວຮັບບໍລິຈາກເລືອດຢູ່ ຮຮ ປກສ ເລກ4 ເປັນກຽດເຂົ້າຮ່ວມໂດຍ ທ່ານ ພັທ ຄຳເຈີງ ເຟືອງຣານິດ ຮອງອຳນວຍການ ຮຮ , ມີທ່ານ ສົມພອນ ຮອງພະແນກເສນາຮັກ ປກສ ແຂວງ ມີຜູ່ເຂົ້າຮ່ວມທັງໝົດ 234 ສະຫາຍ ຍິງ 41 ສະຫາຍ. ກອນຈະເຂົ້າຮັບການບໍລິຈາກເລືອດ ສະຫາຍ ນິນໄຊ ພົມພູມີ ຍັງໄດ້ເຜີຍແຜ ພາລະບາດວຽກງານກາແດງ, ນະໂຍບາຍຕ່າງໆຂອງສູນເລືອດແຫ່ງຊາດກໍ່ຄືສູນເລືອດແຂວງແລະມາດຖານເງື່ອນໄຂຂອງຜູ້ບໍລິຈາກເລືອດ. ຈາກນັ້ນກໍມີຜູ້ສະມັກໃຈບໍລິຈາກເລືອດແບບສະມັກໃຈທັງໝົດ 10 ສະຫາຍ ຍິງ 3 ສະຫາຍ. ເລືອດທີໄດ້ມານັ້ນສູນເລືອດພວກເຮົາຈະນຳໄປເຊັກກວດຕາມຫຼັກການວິຊາການແລະຈະນຳໄປບໍລິການຊ່ວຍສັງຄົມ. ຈາກນັ້ນສູນເລືອດພວກເຮົາສະແດງຄວາມຂອບອົກຂອບໃຈຕໍ່ຄະນະພັກຄະນະອຳນວຍການ ຮຮ ທີໃຫ້ການຮ່ວມມືເປັນຢາງດີແລະຫວັງວ່າໂອກາດໜ້າຈະໄດ້ຮັບການຮ່ວມມືໃນຕັ້ງຕໍ່ໆໄປ. ຂ່າວໂດຍ ນິນໄຊ ພົມພູມີ