ອົງການກາແດງລາວ

CROIX ROUGE LAO

ນ້ອງນັກສຶກສາໂຮງຮຽນສິນລະປະໄດ້ຮັບສະບຽງອາຫານຈາກອົງການກາແດງລາວ

ໃນວັນທີ 2 ມິຖຸນາ 2021 ອົງການກາແດງລາວໄດ້ນຳເອົາເຄື່ອງຊ່ວຍເຫຼືອປະເພດເຂົ້າສານ, ນ້ຳດື່ມ, ປາກະປ໋ອງ, ໝີ່, ເກືອ, ນ້ຳມັນພືດ, ສະບູອາບ, ແຟັບ, ຢາສີຟັນ, ແປງຖູແຂ້ວ, ຜ້າອັດປາກ-ດັງ ແລະ ຜ້າອະນາໄມເພດຍິງ ໄປມອບໃຫ້ແກ່ ນ້ອງນັກສຶກສາ ໂຮງຮຽນ ວິທະຍາໄລ ສິນລະປະສຶກສາ ບ້ານ ໂພນສະອາດ ເມືອງ ໄຊເສດຖາ ນະຄອນຫລວງວຽງຈັນ ເຊິ່ງມີຜູ້ໄດ້ຮັບຜົນກະທົບຈາກການແຜ່ລະບາດຂອງເຊື້ອພະຍາດໂຄວິດ-19 ທີ່ບໍ່ສາມາດກັບບ້ານໄດ້ ຈຳນວນ 120 ຄົນ, ຍິງ 96 ຄົນລວມມູນຄ່າການຊ່ວຍເຫຼືອທັງໝົດ 15.000.000 ກີບ, ເຊິ່ງໄດ້ການສະຫນັບຫນູນຈາກ ຄະນະກຳມະການກາແດງສາກົນ ແລະ ກາແດງສິງກາໂປ, ໂດຍການເຂົ້າຮ່ວມມອບຂອງທ່ານ ທອງພະຈັນ ສອນນະສິນ ຮອງປະທານອົງການກາແດງລາວ, ທ່ານ ດຣ ກາວິພອນສຸດທິ ຫົວໜ້າກອງຊ່ວຍເຫຼືອບັນເທົາທຸກ ອົງການກາແດງລາວ ແລະ ກ່າວຮັບໂດຍ ທ່ານ ນາງວອນມະນີ ຊິງເລືອງສີ ຜູ້ອໍານວຍການ ໂຮງຮຽນ ວິທະຍາໄລ ສິນລະປະສຶກສາ ພ້ອມດ້ວຍພະນັກງານຄູ-ອາຈານ, ນ້ອງນັກສຶກສາ ຕະຫຼອດຮອດພາກສ່ວນກ່ຽວຂ້ອງເຂົ້າຮ່ວມ.