ອົງການກາແດງລາວ

CROIX ROUGE LAO

ບໍລິຄຳໄຊ ກຽມພ້ອມຮັບມືກັບໄພພິບັດ.

ໃນລະຫວ່າງວັນທີ 24 – 27 ສິງຫາ 2021 ອົງການກາແດງລາວໄດ້ຈັດຝຶກອົມຮົມກ່ຽວກັບ ການຄຸ້ມຄອງຄວາມສ່ຽງໄພພິບັດ ແລະ ການປະເມີນຄວາມເສຍຫາຍ ແລະ ຄວາມຕ້ອງການໃຫ້ພະນັກງານກາແດງແຂວງ ພ້ອມດ້ວຍ ພາກສ່ວນທີ່ກ່ຽວຂ້ອງ, ການຝຶກອົບຮົມໃນຄັ້ງນີ້ ກໍ່ເພື່ອແນໃສ່ສ້າງຄວາມເຂັ້ມແຂງ ໃນການຮັບມືກັບໄພພິບັດ ໄດ້ຢ່າງປອດໄພ, ມີປະສິດທິພາບ, ທັນເຫດການ; ຮຽນຮູ້ວຽກງານກາແດງ, ການຄຸ້ມຄອງໄພພິບັດ , ຄວາມສ່ຽງທີ່ເກີດຈາກໄພພິບັດ, ການປະເມີນ ແລະ ຄວາມຕ້ອງການພາຍຫຼັງເກີດໄພພິບັດ, ຄວາມຮູ້ພື້ນຖານໃນການປ້ອງກັນອັກຄີໄພ, ການແລກປ່ຽນຂໍ້ມູນຂ່າວສານ ເພື່ອຮ່ວມມືກັບພາກສ່ວນຕ່າງໆ ເພື່ອໃຫ້ມີການກຳນົດແຜນການ, ມາດຕະການ ເພື່ອສະກັດກັ້ນ ແລະ ຫຼຸດຜ່ອນຄວາມສ່ຽງຈາກໄພພິບັດ, ນອກນັ້ນ, ນັກສຳມະນາກອນຍັງໄດ້ຈຳລອງເຫດການໃນການຝຶກຊ້ອມຮັບມືກັບເຫດການອັກຄີໄພໄຟໄໝ້ ແລະ ເຫດການສຸກເສີນ.ໂດຍເປັນກຽດເຂົ້າຮ່ວມໂດຍທ່ານ ຮສ. ດຣ. ພູທອນ ເມືອງປາກ ປະທານອົງການກາແດງລາວ, ທ່ານ ນາງ ວັນເພັງ ໄຊສົງຄາມ ຫົວໜ້າອົງການກາແດງແຂວງ ບໍລິຄຳໄຊ ພ້ອມດ້ວຍພະນັກງານວິຊາການພະແນກການອອ້ມຂ້າງທີ່ກ່ຽວຂ້ອງເຂົ້າຮ່ວມ 25 ທ່ານ, ຍິງ 4 ທ່ານ.
ທ່ານ ຮສ.ດຣ ພູທອນ ເມືອງປາກ ປະທານອົງການກາແດງລາວ ທ່ານໄດ້ເນັ້ນໃຫ້ເຫັນຄວາມສຳຄັນຂອງວຽກງານໄພພິບັດ, ໃນໄລຍະຜ່ານມາແຂວງ ບໍລິຄຳໄຊ ກໍ່ແມ່ນແຂວງໜຶ່ງທີ່ພົບກັບບັນຫາໄພພິບັດເກີດຂຶ້ນເປັນຕົ້ນແມ່ນ ນ້ຳຖ້ວມ, ນ້ຳຊຸຖັ່ງ ເລື້ອຍໆ,ເຊິ່ງເປັນສິ່ງທີ່ທ້າທາຍ ແລະ ມີຄວາມສຽ່ງ ຕໍ່ຊິວິດການເປັນຢູ່ຂອງປະຊາຊົນ, ເພື່ອບໍ່ໃຫ້ເກີດຜົນກະທົບທີ່ຮ້າຍແຮງ ຕໍ່ຊີວິດ, ສຸຂະພາບ, ຊັບສິນຂອງລັດ ແລະ ຂອງປະຊາຊົນກໍ່ຄືຊາວແຂວງ ບໍລິຄຳໄຊ, ຈະຕ້ອງໄດ້ຮ່ວມແຮງຮ່ວມໃຈກັນ ໃນການແກ້ໄຂບັນຫາ ເພື່ອສ້າງຄວາມເຂັ້ມແຂງໃນວຽກງານດັ່ງກ່າວນີ້ ໃຫ້ມີປະສິດທິພາບ ພ້ອມດຽວກັນນັ້ນ, ທ່ານຍັງໄດ້ເນັ້ນໃຫ້ນັກສຳມະນາກອນ ຈົ່ງໄດ້ເປັນກະບອກສຽງໃນການປຸກລະດົມຂົນຂວາຍການບໍລິຈາກເລືອດ, ການສ້າງອາສາສະໝັກກາແດງ ເພື່ອສ້າງຕັ້ງຫນ່ວຍກູ້ໄພອົງການກາແດງລາວ 1625 ສາຂາແຂວງບໍລິຄຳໄຊ ເພື່ອໃຫ້ການຊ່ວຍເຫຼືອປະຊາຊົນ ເພາະວ່າແຂວງບໍລິຄຳໄຊ ເປັນແຂວງໜຶ່ງ ທີ່ເປັນເສັ້ນທາງຜ່ານ ຂຶ້ນເໜືອລົງໃຕ້ເປັນຈຸດໃຈກາງໃນການຂົນສົ່ງສິນຄ້າລະຫວ່າງແຂວງ ແລະ ຕ່າງປະເທດ, ມີຄວາມສ່ຽງທີ່ຈະເກີດອຸປະຕິເຫດ ສະນັ້ນ, ຈຳເປັນຈະຕ້ອງໄດ້ມີໜ່ວຍງານອາສາສະໝັກກູ້ໄພ ເພື່ອໃຫ້ການຊ່ວຍເຫຼືອປະຊາຊົນ.
อาจเป็นรูปภาพของ 4 คน, ผู้คนกำลังนั่ง, ผู้คนกำลังยืน และสถานที่ในร่ม
อาจเป็นรูปภาพของ 1 คน, กำลังยืน และกำลังนั่ง
อาจเป็นรูปภาพของ หนึ่งคนขึ้นไป, ผู้คนกำลังยืน, ผู้คนกำลังนั่ง และสถานที่ในร่ม
อาจเป็นรูปภาพของ 6 คน และผู้คนกำลังนั่ง
อาจเป็นรูปภาพของ 2 คน, ผู้คนกำลังยืน และสถานที่ในร่ม
อาจเป็นรูปภาพของ 4 คน และผู้คนกำลังยืน
อาจเป็นรูปภาพของ กำลังยืน และสถานที่ในร่ม