ອົງການກາແດງລາວ

CROIX ROUGE LAO

ບໍລິສັດພຣູເດັນໂຊລ໌ປະກັນໄພຊີວິດຊ່ວຍເຫລືອໃຫ້ປະກັນໄພໂຄວິດ-19ປະຊາຊົນ10.000ຄົນຟຮີ

ບໍລິສັດ ພຣູເດັນໂຊລ໌ ປະກັນຊີວິດ (ລາວ) ຈຳກັດ ໄດ້ໃຫ້ເງິນຊ່ວຍ ເຫລືອລ້າ ຫລື Covid Care Fund ແກ່ຜູ້ຕິດເຊື້ອໂຄວິດ-19 ຢູ່ ສປປ ລາວ ກໍຄື ພະນັກງານ, ຄອບຄົວ, ອາສາສະໝັກ ອົງການກາແດງລາວ ແລະ ປະຊາຊົນລາວ ບັນດາເຜົ່າ ໃນຂອບເຂດທົ່ວປະເທດ ຈຳນວນ 10.000 ຄົນ ແລະ ໄດ້ມີພິທີເຊັນສັນ ຍາໃຫ້ທຶນຊ່ວຍເຫລືອດັ່ງກ່າວ ໃນວັນທີ 2 ພະຈິກ 2021 ລະຫວ່າງ ທ່ານ ຮສ ດຣ ສິງ ເມໂນລາດ ຮອງປະທານອົງການກາແດງລາວ ແລະ ທ່ານ ວິເຈ ມັດດາວັນ ຜູ້ອຳນວຍການໃຫຍ່ ບໍລິສັດພຣູເດັນໂຊລ໌ ປະກັນໄພຊີວິດລາວ ຈຳກັດ ໂດຍມີ ທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວ ແລະ ພາກສ່ວນກ່ຽວຂ້ອງ ເຂົ້າຮ່ວມ ເປັນສັກຂີພິຍານ.
ການຊ່ວຍເຫລືອດັ່ງກ່າວ, ແມ່ນໄດ້ແຍກອອກເປັນ 2 ໄລຍະ ຄື: ໄລຍະທີ 1 ເລີ່ມແຕ່ ວັນທີ 1 ພະຈິກ ຫາ 31 ທັນວາ 2021 ແລະ ໄລຍະທີ 2 ນັບແຕ່ວັນທີ 1 ມັງກອນ ຫາ 31 ມີນາ 2022, ເຊິ່ງຜູ້ທີ່ຈະໄດ້ຮັບທຶນຊ່ວຍເຫລືອດັ່ງກ່າວ, ຕ້ອງໄດ້ລົງທະບຽນ ແລະ ໄດ້ຮັບການກວດພົບເຊື້ອໂຄວິດ-19 ໃນໄລຍະການຊ່ວຍເຫລືອ, ຈະມີສິດໄດ້ຮັບເງິນຊ່ວຍເຫລືອລ້າ 5 ລ້ານກີບ, ໃນກໍລະນີຜູ້ລົງທະບຽນໄດ້ເສຍຊີວິດຍ້ອນ ໂຄວິດ-19 ໃນໄລຍະເວລາຂອງການຊ່ວຍເຫລືອ ຈະມີສິດໄດ້ຮັບເງິນຊ່ວຍເຫລືອລ້າ 20 ລ້ານກີບ, ຖ້າທ່ານໃດຢາກລົງທະບຽນຂໍທຶນຊ່ວຍເຫລືອດັ່ງກ່າວ, ສາມາດຕິດຕໍ່ພົວພັນໄດ້ທິ່ອົງການກາແດງລາວ ແລະ ອົງການກາແດງຂອງບັນດາແຂວງ ໃນຂອບເຂດທົ່ວປະເທດ.
ການສະເໜີຂໍເງິນຊ່ວຍເຫລືອລ້າ ຕ້ອງປະກອບເອກະສານ ດັ່ງຕໍ່ໄປນີ້: ສໍາເນົາບັດປະຈໍາຕົວຫລື ໜັງສືເດີນທາງ, ປຶ້ມສໍາມະໂນຄົວຂອງຜູ້ລົງທະບຽນ ແລະ ເດັກນ້ອຍທີ່ຢູ່ຮ່ວມກັນ (ຖ້າມີ); ການຢັ້ງຢືນຊື່, ເບີໂທລະສັບມືຖື ແລະ ທີ່ຢູ່ອີເມວ ຕາມການລົງທະ ບຽນ; ໃບຢັ້ງຢືນການແພດ ຫລື ໃບຢັ້ງຢືນກວດວິເຄາະໂຄວິດ-19, ເອກະສານດັ່ງກ່າວ ຕ້ອງໄດ້ຮັບການຢັ້ງຢືນຈາກໂຮງໝໍຂອງລັດຖະບານ ທີ່ຂຶ້ນກັບກະຊວງສາທາລະນະສຸກ; ໃນກໍລະນີຂໍທຶນຊ່ວຍເລືອລ້າຈາກການເສຍຊີວິດ, ຕ້ອງມີໃບຢັ້ງຢືນການເສຍຊີວິດ ຍ້ອນສາເຫດຈາກໂຄວິດ-19 ຈາກໂຮງໝໍ; ຂໍ້ມູນບັນຊີທະນາຄານຂອງຜູ້ລົງທະບຽນ ຫລື ສະມາຊິກໃນຄອບຄົວ ສໍາລັບການຈ່າຍທຶນຊ່ວຍເຫລືອລ້າ, ເຊິ່ງທຶນຊ່ວຍເຫລືອລ້າຈະຈ່າຍຜ່ານບັນຊີຂອງຜູ້ລົງທະບຽນ ຫລື ສະມາຊິກໃນຄອບຄົວ ຫລື ນາຍບ້ານ ພາຍໃນ 10 ວັນ ໃນວັນລັດຖະການ.
ໂອກາດດຽວກັນນີ້, ທ່ານ ວິເຈ ມັດດາວັນ ຜູ້ອຳນວຍການໃຫຍ່ບໍລິສັດ ພຣູເດັນໂຊລ໌ ປະກັນຊີວິດ (ລາວ) ຈຳກັດ ຍັງໄດ້ມອບອຸປະກອນປ້ອງກັນໂຕວິດປະເພດຜ້າອັດປາກ-ອັດດັງແລະ ເຈວລ້າງມືລວມມູນຄ່າ 443 ລ້ານກີບ ໃຫ້ແກ່ອົງການກາແດງລາວ ນຳໃຊ້ເຂົ້າໃນວຽກງານຕ້ານ ແລະ ສະກັດກັ້ນການແຜ່ລະບາດ ຂອງພະຍາດໂຄວິດ-19 ຢູ່ ສປປ ລາວ ກ່າວຮັບໂດຍ ທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວ.อาจเป็นรูปภาพของ หนึ่งคนขึ้นไป และ ผู้คนกำลังยืนอาจเป็นรูปภาพของ หนึ่งคนขึ้นไป และ ผู้คนกำลังยืนอาจเป็นรูปภาพของ หนึ่งคนขึ้นไป และ ผู้คนกำลังยืนอาจเป็นรูปภาพของ หนึ่งคนขึ้นไป และ ผู้คนกำลังยืน