ອົງການກາແດງລາວ

CROIX ROUGE LAO

ບໍລິສັດມີນີບິກຊີລາວຮ່ວມທຳບຸນບໍລິຈາກເຄື່ອງໃຫ້ອົງການກາແດງລາວ.

ໃນວັນທີ 5 ກຸມພາ 2022ນີ້ ບໍລິສັດມິນິບິກຊີ ລາວຮ່ວມທຳບຸນຕັກບາດຢູ່ ວັດສີສະເກດໄດ້ລະດົມບໍລິຈາກເຄື່ອງໃຫ້ອົງການກາແດງແຫ່ງຊາດລາວ.ເປັນການເຂົ້າຮ່ວມຂອງພະອາຈານໃຫຍ່ ມະຫາເຫວດ ມະເສໄນ ກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ,ມີທ່ານປະທານອົງການກາແດງແຫ່ງຊາດລາວ,ປະທານບໍລິສັດມິນິບິກຊີລາວ,ພ້ອມດ້ວຍພະນັກງານບໍລີສັດມິນິບິກຊີລາວ,ອອກຕົນຍາດໂຍມເຂົ້າເຂົ້າທຳບຸນກຸສົນແລະມອບເຄື່ອງໃຫ້ແກ່ອົງການກາແດງແຫ່ງຊາດລາວ. ພາຍຫລັງຕັກບາດອຸທິດສວນກຸສົນແລ້ວ ກໍໄດ້ຈັດພີທີມອບຮັບເຄື່ອງອຸປະໂພກປະເພດ ນ້ຳດື່ມ,ສະບູ,ເຂົ້າໜົມເຢັນລີ,ນົມດັສ໌ມິວ,ທິດຊູ,ຢາມ໋ອງ,ຜ້າອັດປາກ, ແລະອື່ນໆລວມມູນຄ່າ64ລ້ານກວ່າກີບ ໂດຍການກ່າວມອບຂອງ ພຣະອາຈານໃຫ່ຍ ມາຫະເຫວດ ມະເສໄນ ຮອງປະທານພະພຸດສາດ
ຫນາສຳພັນລາວຄະນະກັມມາທິການເຜີຍແຜ່ສິລະທັມ ແລະ ປະຕິບັດກັມມະຖານ ແລະ ທ່ານ ນາງ ປະພາວະດີ ກູວະສານ ປະທານບໍລິສັດມິນິບິກຊີລາວການປະກອບສ່ວນຊ່ວຍເຫລືອວຽກງານມະນຸດສະທຳໃນຄັ້ງນີ້ແມ່ນທາງບໍລິສັດພ້ອມດ້ວຍພະນັກງານຂອງບໍລິສັດໄດ້ປະກອບສ່ວນເພື່ອຊ່ວຍເຫຼືອປະຊາຊົນຜູ້ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ, ຜູທຸກຍາກຂາດເຂີນ,ປ່ຽວພອຍດ້ອຍໂອກາດ ແລະ ອຶ່ນໆ ແລະມອບເງິນສົດຈຳນວນ 20.500.00ກີບໃຫ້ກັບອົງການກາແດງລາວເພື່ອຊ່ວຍເຫລືອສັງຄົມໂດຍການກ່າວຮັບຂອງທ່ານ ຮສ.ດຣ.ພູທອນ ເມືອງປາກ ປະທານອົງການກາແດງລາວ
ໂອກາດດັ່ງກ່າວ ທ່ານປະທານອົງການກາແດງລາວກໍໄດ້ກ່າວສະແດງຄວາມຂອບໃຈຢ່າງສູງມາຍັງພຣະອາຈານໃຫ່ຍ ມະຫາເຫວດ ມະເສໄນ ຮອງປະທານສູນກາງອພສ ລາວ ວັດສີສະເກດ ແລະ ທ່ານນາງປະພາວະດີ ກູວະສານປະທານບໍລິສັດ ມິນິບິກຊີທີ່ໄດ້ປະກອບສ່ວນວັດຖຸປັດໃຈດັ່ງກ່າວໃຫ້ກັບອົງການກາແດງລາວ ແລະພ້ອມທີ່ຈະນຳເອົາເຄື່ອງຈຳນວນດັ່ງກ່າວນຳໃຊ້ເຂົ້າໃນວຽກງານມະນຸດສະທຳໃຫ້ເຖິງມືປະຊາຊົນຜູ້ປ່ຽວພອຍດ້ອຍໂອກາດ ຕາມເປົ້າໝາຍຢ່າງໄວນີ້ ພ້ອມທັງມອບໃບສົມມະນາຄຸນເພື່ອຈາລຶກຄະນງາມຄວາມດີທີ່ໄດ້ປະກອບສ່ວນເຂົ້າໃນວຽກງານມະນະສະທຳນີ້ ແລະຮຽກຮ້ອງມາຍັງອົງການຈັດຕັ້ງພັກ-ລັດ,ນັກທຸລະກິດຊາວຄ້າຂາຍ ແລະປະຊາຊົນຈົ່ງຊ່ວຍໃນການສະໜັບສະໜູນ ຫຼື ສອບຖາມໄດ້ທີເບີຕາມໂມງລັດຖະການ ໂທ 02125304.