ອົງການກາແດງລາວ

CROIX ROUGE LAO

ບໍລິສັດຢາສູບຫົງຖາໂຊກດີລາວ-ຈີນ ມອບລົດ 2 ຄັນ

ບໍລິສັດຢາສູບຫົງຖາໂຊກດີລາວ-ຈີນ ມອບລົດ 2 ຄັນ, ມູນຄ່າ 55 ພັນກວ່າໂດລາໃຫ້ແກ່ ອົງການກາແດງ ແລະ ຫນ່ວຍກູ້ສະຫວັນ.
ບໍລິສັດຢາສູບຫົງຖາໂຊກ ດີລາວ-ຈີນຈຳກັດມອບລົດ ກູ້ໄພ 1 ຄັນ, ມູນຄ່າ23.200 ໂດລາ ແລະລົດຮັບ​ໃຊ​້ໃນການ ປຸກລະດົມຈັດຫາເລືອດປອດ ໄພ 1 ຄັນ, ມູນຄ່າ 32 . 000 ໂດ ລາໃຫ້ແຂວງສະຫວັນນະເຂດ ເພື່ອນຳໃຊ້ເຂົ້າໃນວຽກງານ ຊ່ວຍ ເຫຼືອສັງຄົມຂອງແຂວງ. ເຊິ່ງພິທີມອບ-ຮັບໄດ້ຈັດຂຶ້ນ ໃນຕອນເຊົ້າວັນທີ 13 ກັນຍາ 2019 ທີ່ຫ້ອງວ່າການປົກ ຄອງແຂວງ
ໂດຍໃຫ້ກຽດຮັບ ລົດມີ ທ່ານ ຄຳພູນ ຕຸໄພທູນ ຮອງເຈົ້າແຂວງສະຫວັນນະ ເຂດ ແລະມອບໂດຍທ່ານມາ ຊູ້ຜູ້ອຳນວຍການໃຫຍ່ຂອງບໍລິ ສັດຢາສູບຫົງຖາໂຊກດີລາວ-ຈີນຈຳກັດ, ມີຫ້ອງວ່າການ ປົກຄອງແຂວງ, ອົງການກາ ແດງແຂວງ, ໜ່ວຍກູ້ໄພສະ ຫວັນນະເຂດ ແລະພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີ ພະຍານນຳ.

ລົດທັງ 2 ຄັນດັ່ງກ່າວນີ້ ແມ່ນເປັນລົດທີ່ມີລະບົບທັນ ສະໄໝ ແລະໄດ້ອອກແບບມາ ສະເພາະ ໂດຍຄັນທີ 1 ທາງ ແຂວງແມ່ນຈະມອບໃຫ້ໜ່ວຍກູ້ໄພສະຫວັນນະເຂດ ສ່ວນຄັນທີ 2 ແມ່ນມອບໃຫ້ອົງການກາ ແດງແຂວງ ເພື່ອນຳໃຊ້ເຂົ້າໃນການເຄື່ອນໄຫວວຽກງານວິຊາສະເພາະຂອງໃຜລາວ ໂດຍສະເພາະກໍ່ແມ່ນການຊ່ວຍເຫຼືອສັງຄົມພາຍໃນແຂວງສະຫວັນນະ ເຂດໃຫ້ມີປະສິດທິພາບປະສິດທິຜົນດີຂຶ້ນກວ່າເກົ່າ.
ໂອກາດນີ້, ທ່ານ ຄຳພູນ ຕຸໄພທູນ ກໍ່ໄດ້ຕາງໜ້າແຂວງ ກ່າວສະແດງຄວາມຂອບໃຈ ແລະຍ້ອງຍໍຊົມເຊີຍຕໍ່ການ ປະ ກອບສ່ວນຊ່ວຍເຫຼືອຂອງທາງ ບໍລິສັດໃນຄັ້ງນີ້ ພ້ອມນີ້, ທາງ ແຂວງສະຫວັນນະເຂດຍັງ ໄດ້ມອບໃບຍ້ອງຍໍໃຫ້ບໍລິສັດ ຢາສູບຫົງຖາໂຊກດີລາວ-ຈີນທີ່ໄດ້ປະກອບສ່ວນຊ່ວຍ ເຫຼືອໃນຄັ້ງນີ້.