ອົງການກາແດງລາວ

CROIX ROUGE LAO

ບໍລິສັດເອັນທີພີການຄ້ານ້ຳມັນເຊື້ອໄຟມະຫາຊົນໃຫ້ການຊ່ວຍເຫລືອນ້ຳມັນແລະອຸປະກອນການແພດປ້ອງກັນໂຄວິດໃຫ້ກັບໜ່ວຍກູ້ໄພອົງການກາແດງລາວ

ໃນວັນທີ 13 ມັງກອນ 2022 ນີ້ ບໍລິສັດເອັນທີພີການຄ້ານ້ຳມັນເຊື້ອໄຟມະຫາຊົນ (NTP)ໄດ້ຈັດພິທີສະເຫຼີມສະຫຼອງຄົບຮອບ05ປີໃນການສ້າງຕັ້ງແລະໃຫ້ການບໍລິການສັງຄົມແລະ ມີບໍລິການຮູບແບບໃຫມ່ເຂົ້າເຖິງສະຖານທີ່”ຜູ້ຊົມໃຊ້ຂອງລູກຄ້າຢ່າງທັນໃຈວ່ອງໄວທັນການ ໃນພິທີໂດຍເປັນການເຂົ້າຮ່ວມຂອງພະນະທ່ານ ນາງ ປານີ ຢາທໍ່ຕູ້ ຮອງປະທານປະເທດ,ທ່ານ ຈິນດາສັກ ຍົດໝັ້ນຄົງ ຜູ້ອຳນວຍການ ບໍລີສັດເອັນທີພີ ການຄ້ານ້ຳມັນເຊື້ອໄຟ ມະຫາຫາຊົນ, ທ່ານ ພູທອນ ເມືອງປາກ ປະທານອົງການກາແດງລາວ, ອາສາສະຫມັກຈາກໜ່ວຍກູ້ໄພ 1625 ອົງການກາແດງລາວ ແລະ ພະນັກງານບໍລິສັດ ເອັນທີພີ ການຄ້ານ້ຳມັນເຊື້ອໄຟ ມະຫາຊົນເຂົ້າຮ່ວມ. ພາຍຫລັງຕັກບາດຮັບສິນແລ້ວ. ກໍໄດ້ຈັດພິທີມອບນ້ຳມັນ ແລະ ເຄື່ອງປ້ອງກັນໂຄວິດໃຫ້ກັບໜ່ວຍກູ້ໄພ1625ອົງການກາແດງລາວ ລວມມູນຄ່າທັງໝົດ15ລ້ານກີບ ໂດຍໃຫ້ກຽດຕາງໜ້າມອບຂອງພະນະທ່ານ ນາງ ປານີ ຢາທໍ່ຕູ້ ຮອງປະທານປະເທດ ແລະ ໃຫ້ກຽດຮັບຂອງທ່ານ ພູທອນ ເມືອງປາກ ປະທານອົງການກາແດງລາວ ແລະ ໄດ້ມອບໃບສົມມະນາຄຸນໃຫ້ທາງບໍລິສັດເອັນທີພີ ເພື່ອສະແດງຄວາມຂອບໃຈ, ຮູ້ບຸນຄຸນແລະ ຈາລຶກຄຸນງາມຄວາມດີທີ່ໄດ້ປະກອບສ່ວນວັດຖຸຈຳນວນດັ່ງກ່າວເຂົ້າໃນວຽກງານກູ້ຊີບ-ກູ້ໄພ ໃຫ້ໄດ້ຮັບໃຊ້ສັງຄົມ ໂດຍມີພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ ນອກນັ້ນ ທາງບໍລິສັດຍັງຈະສືບຕໍ່ໃຫ້ການສະໜັບສະໜູນນ້ຳມັນໃນແຕ່ລະເດືອນໃຫ້ກັບໜ່ວຍກູ້ໄພ1625 ໃນແຕ່ລະເດືອນຕາມເງື່ອນໄຂຄວາມເປັນຈິງ.