ອົງການກາແດງລາວ

CROIX ROUGE LAO

ບໍລິສັດໄຟຟ້ານ້ຳເທີນ1ຈຳກັດແລະບໍລິສັດທິບພະຍະປະກັນໄພປະກອບສ່ວນອຸປະກອນປ້ອງກັນໂຄວິດໃຫ້ກັບອົງການກາແດງລາວ.

ໃນວັນທີ 28 ທັນວາ 2021 ນີ້ ບໍລິສັດນ້ຳເທີນ1 ຈຳກັດ ໄດ້ນຳເອົາອຸປະກອນປ້ອງກັນໂຄວິດມາມອບໃຫ້ກັບອົງການກາແດງລາວ ປະກອບມີ: ເຈວລ້າງມື 40 ກ໋ອງ, ສະເປເຫຼົ້າຂ້າເຊື້ອ 80 ກ໋ອງ ແລະ ຜ້າອັດປາກ 100 ກັບ ລວມມູນຄ່າ 7.680.000 ກີບ ມອບໂດຍທ່ານ ບຸນຍັງ ເພັງສຸວັນ ທີ່ປຶກສາຝ່າຍພົວພັນລັດຖະບານບໍລິສັດໄຟຟ້ານ້ຳເທີນ1ຈຳກັດ ແລະ ບໍລິສັດທິບພະຍະປະກັນໄພມອບ ເຈວລ້າງມືຈຳນວນ 2 ແກັດ ແລະ ສະເປເຫຼົ້າ 56 ກ໋ອງ ລວມມູນຄ່າ 2.800.000 ກີບ ມອບໂດຍທ່ານ ທະນົງພົນ ລາດອຸບົນ ຜູ້ອຳນວຍການຕະຫຼາດ ແລະ ກ່າວຮັບໂດຍທ່ານ ຮສ.ດຣ ພູທອນ ເມືອງປາກ ປະທານອົງການກາແດງລາວ ໂອກາດດັ່ງກ່າວທ່ານ ປະທານອົງການກາແດງລາວໄດ້ສະແດງຄວາມຂອບໃຈ ແລະ ຮູ້ບຸນຄຸນຢ່າງສູງມາຍັງບໍລິສັດໄຟຟ້ານ້ຳເທີນ1 ຈຳກັດ ແລະ ບໍລິສັດທິບພະຍະປະກັນໄພ ທີ່ໄດ້ນຳເອົາວັດຖຸອຸປະກອນທີ່ຈຳເປັນຈຳນວນດັ່ງກ່າວນຳມາມອບໃຫ້ອົງການກາແດງລາວນຳໃຊ້ເຂົ້າໃນວຽກງານສະກັດກັ້ນ ແລະ ປ້ອງກັນພະຍາດໂຄວິດ ເຊິ່ງຕະຫຼອດໄລຍະຜ່ານມາອົງການກາແດງລາວກໍໄດ້ຮັບການປະກອບສ່ວນຈາກສັງຄົມຢ່າງຫຼວງຫຼາຍ ແຕ່ເຫັນວ່າຍັງບໍພຽງພໍກັບການຊົມໃຊ້ຕົວຈິງ ຍ້ອນປັດຈຸບັນເຫັນວ່າພະຍາດໂຄວິດ-19ຍັງມີທ່າອ່ຽງເພີ່ມຂຶ້ນເລື້ອຍໆ ສະນັ້ນຈຶ່ງຮຽກຮ້ອງມາຍັງສັງຄົມຈົ່ງຊ່ວຍປະກອບສ່ວນສະໜັບສະໜູນວັດຖຸອຸປະກອນທີ່ຈຳເປັນໃຫ້ອົງການກາແດງລາວເພື່ອນຳໃຊ້ເຂົ້າໃນວຽກງານປ້ອງກັນແລະສະກັດກັ້ນການແຜ່ລະບາດຂອງພະຍາດໂຄວິດ-19 ທີ່ອົງການກາແດງລາວໄດ້ຈັດຕັ້ງປະຕິບັດຢູ່ໃນຂອບເຂດທົ່ວປະເທດ ເປັນຕົ້ນແມ່ນ ການພົ່ນຢາຂ້າເຊື້ອ, ການໂຄສະນາ,ການແຈກຢາຍອາຫານຢູ່ສູນຈຳກັດບໍລິເວນ ແລະ ອື່ນໆ.