ອົງການກາແດງລາວ

CROIX ROUGE LAO

ບໍລິສັດ ພອນສິຣິກຮຸບ ຈຳກັດ ປະກອບສ່ວນທຶນຮອນ ແລະ ອຸປະກອນໃນວຽກງານຕ້ານພະຍາດໂຄວິດ-19 ອົງການກາແດງລາວ.

ໃນວັນທີ 15 ພະຈິກ 2021 ທີ່ອົງການກາແດງລາວ ໄດ້ມີພິທີມອບຮັບເງິນ ແລະ ອຸປະກອນເພື່ອນຳໃຊ້ເຂົ້າໃນວຽກງານຕ້ານ ແລະ ສະກັດກັ້ນເຊື້ອພະຍາດໂຄວິດ-19 ຂອງອົງການກາແດງລາວ ຈາກບໍລິສັດ ພອນສິຣິກຮຸບ ຈຳກັດ ເຊິ່ງໃຫ້ກຽດກ່າວມອບໂດຍ ທ່ານ ແກ້ວ ຈັນທະວົງດ໌ ປະທານບໍລິຫານ ບໍລິສັດ ພອນສິຣິກຮຸບ ຈຳກັດ ແລະ ກ່າວຮັບໂດຍ ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ; ພ້ອມດ້ວຍ ພະນັກງານທີ່ກ່ຽວຂ້ອງ ເຂົ້າຮ່ວມເປັນສັກຂີພະຍານ, ເຄື່ອງທີ່ນຳມາຊ່ວຍເຫຼືອໃນຄັ້ງນີ້ປະກອບມີ: ຜ້າອັດປາກ-ດັງ ຈຳນວນ 51 ກັບ; ເຈວລ້າງມື 51 ຂວດ, ເຫຼົ້າຂ້າເຊື້ອ 90 ຈຳນວນ 31 ຂວດ, ຊຸດຢາງປ້ອງກັນ 100 ຊຸດ, ຖົງມືຂ້າເຊື້ອ 31 ກັບ, ເຄື່ອງວັດແທກອຸນຫະພູມ ຈຳນວນ 5 ຊຸດ, ໝີ່ 31 ແກັດ, ໄຂ່ໄກ່ 31 ແພັກ ແລະ ເງິນສົດຈຳນວນ 3.100.000 ກີບ; ລວມມູນຄ່າການຊ່ວຍເຫຼືອໃນຄັ້ງນີ້: 17.633.000 ກີບ.
ໃນຕອນທ້າຍທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ໄດ້ກ່າວສະແດງຄວາມຂອບໃຈຕໍ່ທາງ ບໍລິສັດ ພອນສິຣິກຮຸບ ຈຳກັດ ທີ່ໄດ້ປະກອບສ່ວນວັດຖຸປັດໃຈຊ່ວຍເຫລືອໃນວຽກງານຕ້ານພະຍາດໂຄວິດ-19, ທ່ານຍັງໄດ້ໃຫ້ຮູ້ຕື່ມອີກວ່າໃນໄລຍະຜ່ານມາອົງການກາແດງລາວໄດ້; ປະກອບສ່ວນໃນວຽກງານ ໂຄສະນາເຜີຍແຜ່ມາດຕະການປ້ອງກັນການຕິດເຊື້ອ, ແຜ່ເຊື້ອ ຢູ່ໃນຊຸມຊົນ ແລະ ສູນຈຳກັດບໍລິເວນ, ໄດ້ນຳພາເຮັດກິດຈະກຳອອກກຳລັງກາຍ ອະນາໄມ, ບຳບັດສຸຂະພາບຈິດ ໃຫ້ແກ່ຜູ້ຈຳກັດບໍລິເວນຢູ່ສູນຈຳກັດບໍລິເວນ, ພົ່ນຢາຂ້າເຊື້ອຢູ່ໃນຊຸມຊົນ – ສູນຈຳກັດບໍລິເວນ, ແຈກຢາຍອາຫານຢູ່ສູນຈຳກັດບໍລິເວນ ແລະ ໂຮງໝໍພາກສະໜາມບາງແຫ່ງ ທີ່ມີການຊ່ວຍເຫຼືອຈາກກາແດງ, ຈັດຕັ້ງໃຫ້ມີລົດກູ້ໄພປະຈຳຢູ່ສູນຈຳກັດບໍລິເວນເພື່ອແກ້ໄຂສຸກເສີນ ແລະ ສົ່ງຄົນເຈັບທີ່ຢູ່ສູນ ຈໍາກັດບໍລິເວນໄປໂຮງໝໍ, ການປະກອບສ່ວນໃນຄັ້ງນີ້ແມ່ນສອດຄ່ອງກັບຄວາມຮຽກຮ້ອງຕ້ອງການຕົວຈິງຂອງສະພາບການໃນປັດຈຸບັນ ເຊິ່ງໄດ້ສະແດງເຖິງຄວາມມີສະຕິຕື່ນຕົວທາງດ້ານການເມືອງ, ຄວາມເສຍສະຫຼະ, ຄວາມເອື້ອເຟື້ອເພື່ອແຜ່, ຄວາມເປັນຫ່ວງເປັນໃຍ, ຄວາມເປັນແບບຢ່າງທີ່ດີ ແລະ ກາຍເປັນກຳລັງແຮງອັນໃຫຍ່ຫຼວງໃຫ້ແກ່ປະເທດຊາດ ແລະ ປະຊາຊົນ ໂດຍສະເພາະພະນັກງານ ແພດໝໍ, ອາສາສະໝັກ ແລະ ເຈົ້າໜ້າທີ່ທຸກຄົນທີ່ພວມປະຕິບັດໜ້າທີ່ຕ້ານການແຜ່ລະບາດຂອງເຊື້ອພະຍາດໂຄວິດ-19 ຢູ່ໃນທົ່ວປະເທດ, ພ້ອມທັງໃຫ້ຄຳໝັ້ນສັນຍາວ່າ ຈະນຳເງິນ ແລະ ເຄື່ອງຊ່ວຍເຫຼືອດັ່ງກ່າວ ໃຫ້ຖືກກັບຈຸດປະສົງ ແລະ ເປົ້າໝາຍໃຫ້ເກີດປະໂຫຍດທີ່ສູງສຸດ.อาจเป็นรูปภาพของ 7 คน, ผู้คนกำลังยืน และ สถานที่ในร่มอาจเป็นรูปภาพของ 4 คนอาจเป็นรูปภาพของ 6 คน, ผู้คนกำลังยืน และ ผู้คนกำลังนั่งอาจเป็นรูปภาพของ 7 คน และ ผู้คนกำลังยืนอาจเป็นรูปภาพของ 7 คน และ ผู้คนกำลังยืน