ອົງການກາແດງລາວ

CROIX ROUGE LAO

ບໍລິສັດ ສຸວັນນີ ໂຮມເຊັນເຕີມະຫາຊົນປະກອບສ່ວນເຄື່ອງຊ່ວຍໃຫ້ກັບວຽກງານມະນຸດສະທຳ

ໃນວັນທີ 22 ກຸມພາ 2022ນີ້, ບໍລິສັດ ສຸວັນນີ ໂຮມເຊັນເຕີມະຫາຊົນ ໄດ້ນຳເອົາເຄື່ອງບໍລິໂພກປະເພດ ນ້ຳດື່ມ 50ແພັກ, ໝີ່ 52 ແກັດ ແລະ ປາກະປ໋ອງ 51ແພັກ ລວມມູນຄ່າ 6,000,000ກີບ; ມາມອບໃຫ້ອົງການກາແດງແຫ່ງຊາດລາວ ເພື່ອນຳໄປມອບຕໍ່ໃຫ້ແກ່ພໍ່ແມ່ປະຊາຊົນຜູ້ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ19 ໂດຍການກ່າວມອບຂອງທ່ານ ອິນທິລາດ ທຳມະວົງ ຜູ້ຈັດການຝ່າຍບຸກຄົນ ບໍລິສັດ ສຸວັນນີ ໂຮມເຊັນເຕີມະຫາຊົນ ແລະ ກ່າວຮັບໂດຍ ທ່ານ ຮສ.ດຣ. ສິງ ເມໂນລາດ ຮອງປະທານອົງການກາແດງແຫ່ງຊາດລາວ.
ໂອກາດດັ່ງກ່າວ; ທ່ານຮອງປະທານອົງການກາແດງແຫ່ງຊາດໄດ້ກ່າວສະແດງຄວາມຂອບໃຈ ແລະ ຊົມເຊີຍມາຍັງບໍລິສັດສຸວັນນີ້ທີ່ໄດ້ເສຍສະຫຼະວັດຖຸປັດໄຈ, ວັດຖຸສິ່ງຂອງມາມອບໃຫ້ອົງການກາແດງແຫ່ງຊາດລາວ ໃນນາມຂົວຕໍ່ໃຫ້ເຖິງມືປະຊາຊົນຜູ້ໄດ້ຮັບຜົນກະທົບ ເຊິ່ງທາງອົງການກາແດງແຫ່ງຊາດລາວຈະໄດ້ຈັດບູລິມາສິດ, ກຸ່ມເປົ້າໝາຍຕາມເງື່ອນໄຂ ແລະ ຈຸດປະສົງທີ່ທາງບໍລິສັດມາມອບໃຫ້ເພື່ອແຈກຈ່າຍເຄື່ອງທີ່ຈຳເປັນໃຫ້ເຖິງມືພໍ່ແມ່ປະຊາຊົນຜູ້ທີ່ມີຄວາມເດືອດຮ້ອນ ໃນສະພາບການແຜ່ລະບາດຂອງພະຍາດໂຄວິດ-19ນີ້.