ອົງການກາແດງລາວ

CROIX ROUGE LAO

#ບໍລິສັດ ອີທີແອລ ປະກອບສ່ວນຊ່ວຍເຫຼືອໃນວຽກງານຕ້ານພະຍາດໂຄວິດ-19

#ບໍລິສັດ ອີທີແອລ ປະກອບສ່ວນຊ່ວຍເຫຼືອໃນວຽກງານຕ້ານພະຍາດໂຄວິດ-19 ໃຫ້ແກ່ອົງການກາແດງລາວ.
ໃນວັນທີ 07 ກັນຍາ 2021 ທີ່ອົງການກາແດງລາວ ໄດ້ມີພິທີມອບຮັບເຄື່ອງ ຊ່ວຍເຫລືອໃນວຽກງານຕ້ານພະຍາດໂຄວິດ-19 ຈາກບໍລິສັດ ອີທີແອລ ຈຳກັດ, ກ່າວມອບໂດຍ ທ່ານ ໄຊຊະຫງ່າ ບຸນນະຜົນ ຜູ້ຊ່ວຍຜູ້ອຳນວຍການໃຫຍ່ ຫົວໜ້າພະແນກພັດທະນາທຸລະກິດອົງກອນ ບໍລິສັດ ອີທີແອລ ຈຳກັດ, ກ່າວຮັບໂດຍ ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ; ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມ, ເຄື່ອງທີ່ນຳມາມອບໃນຄັ້ງນີ້ປະກອບມີ: ເຫຼົ້າຂ້າເຊື້ອ 12 ຕຸກ, ຜ້າປິດປາກ-ດັງ 100 ກ່ອງ, ເຈວລ້າງມື 12 ກ່ອງ, ລວມມູນຄ່າ 2,500,000 ກີບ.
ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ໄດ້ກ່າວສະແດງຄວາມຂອບໃຈຕໍ່ຄະນະ ກໍ່ຄື ບໍລິສັດ ອີທີແອລ ຈຳກັດ ທີ່ໄດ້ນຳເອົາເຄື່ອງຊ່ວຍເຫລືອໃນວຽກງານຕ້ານພະຍາດໂຄວິດ-19 ມາມອບໃຫ້ໃນຄັ້ງນີ້, ເຊິ່ງເຄື່ອງຈຳນວນດັ່ງກ່າວ ແມ່ນຈະໄດ້ນຳໄປມອບໃຫ້ພະນັກງານແພດໝໍ, ອາສາສະໝັກ ແລະ ແຮງງານລາວທີ່ເດີນທາງກັບມາຈາກປະເທດເພື່ອນບ້ານ ຢູ່ສູນຈຳກັດບໍລິເວນ, ເຊິ່ງຍັງມີຄວາມຕ້ອງການເຄື່ອງຈຳນວນດັ່ງກ່າວນີ້ເປັນຈຳນວນຫຼາຍ ເພາະວ່າໃນປັດຈຸບັນ ອີງຕາມສະພາບຄວາມເປັນຈິງແມ່ນມີແຮງງານລາວ ທີ່ເດີນທາງເຂົ້າມາຈາກປະເທດເພື່ອນບ້ານ ແລະ ເຂົ້າຈຳກັດບໍລິເວນຢູ່ພາຍໃນທົ່ວປະເທດເປັນຈຳນວນຫຼວງຫຼາຍ ເຊິ່ງເຮັດໃຫ້ມີຄວາມຈຳເປັນໃນການຕ້ອງການເຄື່ອງຊ່ວຍເຫຼືອຕ້ານພະຍາດໂຄວິດ-19 ນີ້ ເພື່ອໃຫ້ມີຄວາມປອດໄພທັງແຮງງານ ແລະ ພະນັກງານທີ່ປະຈຳຢູ່ພາກສະໜາມอาจเป็นรูปภาพของ 3 คน และผู้คนกำลังยืนอาจเป็นรูปภาพของ 5 คน และผู้คนกำลังยืนอาจเป็นรูปภาพของ 5 คน และผู้คนกำลังยืน