ອົງການກາແດງລາວ

CROIX ROUGE LAO

ບໍລິສັດ ອໍາມະຕະ ຊີຕີ້ລາວ ຈໍາກັດຜູ້ດຽວ ມອບເຄື່ອງອຸປະກອນການແພດ ນຳໃຊ້ເຂົ້າໃນການສະກັດກັ້ນ ແລະ ຕ້ານໄພພະຍາດ ໂຄວິດ – 19

ໃນຕອນບ່າຍຂອງວັນທີ14 ມີນາ 2022 ນີ້ທີ່ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ (ຫຂສພ), ກະຊວງແຜນການ ແລະ ການລົງທຶນ ໄດ້ຈັດພິທີມອບ-ຮັບເຄື່ອງຊ່ວຍເຫຼືອ ອຸປະກອນການແພດ ຈາກ ບໍລິສັດ ອໍາມະຕະ ຊີຕີ້ລາວ ຈໍາກັດຜູ້ດຽວ, ຜູ້ພັດທະນາໂຄງການເມືອງທັນສະໄໝ ແລະ ເປັນມິດຕໍ່ສິ່ງແວດລ້ອມ (AMATA SMART & ECO CITY) ຢູ່ເຂດນາເຕີຍ, ແຂວງຫຼວງນໍ້າທາ ໃຫ້ແກ່ ອົງການກາແດງລາວ ໂດຍການເຂົ້າຮ່ວມຂອງທ່ານ ນາງ ຄໍາຈັນ ວົງແສນບູນ, ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ຮສ ດຣ ພູທອນ ເມືອງປາກ, ປະທານອົງການກາແດງແຫ່ງຊາດລາວ, ທ່ານ ສອນປະເສີດ ດາລາວົງ, ຫົວໜ້າ ຫຂສພ, ພ້ອມດ້ວຍພະນັກງານທີ່ກ່ຽວຂ້ອງ.
ການມອບເຄື່ອງຄັ້ງນີ້ເພື່ອແນ່ໃສ່ການສະກັດກັ້ນ ແລະ ຕ້ານໄພຂອງພະຍາດ COVID – 19 ລວມມູນຄ່າປະມານ 80,000,000 ກີບ ເຊິ່ງປະກອບມີ: ຊຸດປ້ອງກັນ (PPE) ຈຳນວນ 520 PCS; ຖົງຫໍສົບ ຈໍານວນ 360 PCS.
ໂດຍການກ່າວມອບຂອງ ທ່ານ ວະລົງ ຕັງປະພຶດກຸນ, ກຳມະການຜູ້ຈັດການ ບໍລິສັດ ອຳມະຕະຊີຕີ້ລາວ ຈໍາກັດ ຜູ້ດຽວ ແລະ ກ່າວຮັບໂດຍ ທ່ານ ຮສ ດຣ ພູທອນ ເມືອງປາກ, ປະທານອົງການກາແດງແຫ່ງຊາດລາວ