ອົງການກາແດງລາວ

CROIX ROUGE LAO

ປະຊາຊົນ ບ້ານ ຫາດຊອນ ທີ່ປະສົບໄພນຳ້ຖ້ວມໄດ້ຮັບການຊ່ວຍເຫລືອສະບຽງອາຫານ

ໃນວັນທີ 13 ກັນຍາ 2019 ອົງການກາແດງລາວ ໄດ້ນຳເອົາເຄື່ອງໄປຊ່ວຍປະຊາຊົນບ້ານ ຫາດຊອນ ເມືອງ ຍົມມະລາດ ແຂວງ ຄຳມ່ວນ ຈຳນວນ 126 ຄອບຄົວ 637 ຄົນ, ຍິງ 314 ຄົນ ທີ່ໄດ້ຮັບຜົນກະທົບຈາກຖ້ວມຈາກພະຍຸດີເຟດຊັນແລະພະຍຸໂພດູນເຊີ່ງໄດ້ສ້າງຄວາມເສຍຢ່າງຫລາຍທາງດ້ານຊັບສິນແລະຜົນລະປູກຢ່າງຫລວງຫລາຍ. ເຄື່ອງທີ່ນຳມາຊ່ວຍເຫຼືອໃນຄັ້ງນີ້ປະກອບມີ: ນໍ້າດື່ມ, ຢາປົວພະຍາດ, ເຄື່ອງອຸປະໂພກ – ບໍລິໂພກແລະ ເຄື່ອງນຸ່ງຫົ່ມປະສົມ ລວມມູນຄ່າ 44,500,000ກີບ ເຊິ່ງໄດ້ຮັບການສະຫນັບຫນູນຈາກບໍລິສັດ ຟູເດັນໂຊ ປະກັນຊີວິດ ປະຈຳ ສ ປປ ລາວ ,ຮ້ານຂາຍຄຳພູວົງ ແລະ ສັງຄົມ,ກ່າວມອບໂດຍທ່ານ ທອງພະຈັນ ສອນນະສິນ ຮອງປະທານອົງການກາແດງລາວ ພ້ອມດ້ວມຄະນະ ແລະກາແດງແຂວງຄຳມ່ວນມອບໃຫ້ທ່ານ ສີທາ ຖານະດວງວິກຸນ ນາຍບ້ານ ບ້ານ ຫາດຊອນ ໂດຍຊ້ອງໜ້າພໍ່ແມ່ປະຊາຊົນ ແລະ ອຳນາດການປົກຄອງແຕ່ລະຂັ້ນ.