ອົງການກາແດງລາວ

CROIX ROUGE LAO

ປະຊາຊົນ 2 ບ້ານ ຂອງເມືອງໄຊບູລີ ແຂວງ ສະຫວັນນະເຂດ ໄດ້ຮັບຟັງບົດບາດຫນ້າທີ່ວຽກງານກາແດງ.

ໃນລະຫວ່າງວັນທີ24 – 26 ພະຈີກ 2021 ອົງການກາແດງແຂວງສະຫວັນນະເຂດ ໄດ້ລົງເຜີຍແຜ່ກົດໝາຍວ່າດ້ວຍວຽກງານກາແດງລາວ ແລະ ໂຄສະນາວຽກສືບທາວຫາຍາດພີ່ນ້ອງໃຫ້ແກ່ປະຊາຊົນພາຍ ໃນ 2 ບ້ານ ຄຶບ້ານ ມະນີລາດ ແລະ ບ້ານແກ້ງກະເບົາໄຕ້ ຂອງເມືອງໄຊບູລີ ແຂວງ ສະຫວັນນະເຂດ, ເຊີ່ງໃຫ້ກຽດເປັນປະທານໂດຍທ່ານ ສຸລິວົງ ສີວໍລະວົງ ຄະນະປະຈຳພັກເມືອງຮອງເຈົ້າເມືອງໆໄຊບູລີ, ມີທ່ານ ນາງ ຈັນສະໝອນ ອິນທິລາດ ຮອງເລຂາພັກເມືອງ ປະທານກວດກາເມືອງ ແລະ ຮອງຫົວໜ້າຫ້ອງການສະຫວັດດີການແລະແຮງງານເມືອງໄຊບູລີ .
ໃນການເຜີຍແຜ່ຄັ້ງນີ້ແມ່ນ ທ່ານ ນາງແສງພອນໄຊ ສີວິໄຊ ຮອງຫົວໜ້າອົງການກາແດງແຂວງສະຫວັນນະເຂດ ໄດ້ກ່າວເຖິງປະຫວັດຄວາມເປັນມາ, ພາລະບົດບາດ, ໜ້າທີ່ຂອງອົງການກາແດງລາວ, 7 ຫຼັກການໃນວຽກງານມະນຸດສະທຳ ແລະ 9 ໜ້າວຽກຂອງອົງການກາແດງລາວ ເພື່ອເຮັດໃຫ້ປະຊາຊົນຢູ່ໃນ 2 ບ້ານ ຂອງ ເມືອງໄຊບູລີ ໄດ້ຮັບຮູ້ ແລະ ເຂົ້າໃຈ ເຊີ່ງມີຜູ້ເຂົ້າຮ່ວມທັງໝົດ 125ຄົນ ຍີງ 62ຄົນ.