ອົງການກາແດງລາວ

CROIX ROUGE LAO

ປະຊາຊົນ18ຄອບຄົວເມືອງຊານໄຊທີ່ລົມພະຍຸພັດເຮືອນໄດ້ຊ່ວຍເຫຼືອ

ອົງການກາແດງ ແຂວງອັດຕະປື ໄດ້ນໍາເອົາເຄື່ອງຊ່ວຍເຫຼືອບັນເທົາທຸກ ໄປມອບໃຫ້ປະຊາຊົນຈໍານວນ 18​ ຄອບຄົວຢູ່ບ້ານສຸກສະຫວ່າງ ເມືອງຊານໄຊ​ ແຂວງອັດຕະປື​ ທີ່ໄດ້ຮັບຜົນກະທົບຈາກເຫດການລົມພະຍຸພັດເຮືອນ,​ເມື່ອເດືອນມີນາທີ່ຜ່ານມາ,​ເຊິ່ງເຮັດໃຫ້ເຮືອນຈໍານວນ 18​ ຫຼັງຄາ,​ໄດ້ຮັບຄວາມເສຍຫາຍຫຼາຍສົມຄວນ,​ເຄື່ອງທີ່ນຳໄປມອບປະກອບມີ: ຜ້າຫົ່ມ, ສາດ,​ມຸ້ງ ແລະ ເຄື່ອງນຸ່ງຫົ່ມ ລວມມູນຄ່າເກືອບ 6 ລ້ານ​ກີບ.​
ພິທີມອບ-ຮັບເຄື່ອງຊ່ວຍເຫຼືອດັ່ງກ່າວໄດ້ຈັດຂື້ນເມື່ອວັນທີ 9​ ເມສາ​ 2022​ ທີ່ຫ້ອງການບ້ານສຸກສະຫວ່າງ,​ໂດຍການກ່າວມອບຂອງ ທ່ານ ບໍລິສຸດ ພົມມະໂຄດ ຫົວໜ້າ ອົງການກາແດງປະຈໍາແຂວງອັດຕະປື ແລະ​ ຕາງໜ້າກ່າວຮັບໂດຍອຳນາດປົກຄອງບ້ານດັ່ງກ່າວ,ໂດຍຊ້ອງໜ້າພາກສ່ວນທີ່ກ່ຽວຂ້ອງເຂົ້າຮ່ວມ.​
ທ່ານ​ ບໍລິສຸດ​ ພົມມະໂຄດ ຫົວໜ້າອົງການກາແດງປະຈໍາແຂວງອັດຕະປື ໄດ້ກ່າວມີຄໍາເຫັນວ່າ: ບໍວ່າຍາມໃດພັດ-ລັດ,​ກໍ່ຄືອໍານາດການປົກຄອງແຂວງ ແລະ​ ອົງການກາແດງປະຈໍາແຂວງອັດຕະປື ໄດ້ມີຄວາມເປັນຫວ່ງເປັນໃຍ ແລະ​ ຖືສໍາຄັນຕໍ່ຊີວິດການເປັນຢູ່ຂອງພໍ່ແມ່ປະຊາຊົນ ໂດຍສະເພາະປະຊາຊົນທີ່ໄດ້ຮັບຜົນກະທົບຈາກໄພທໍາມະຊາດ, ເຊິ່ງຜ່ານມາພັກ ແລະ​ ລັດ​ ໄດ້ເປັນເຈົ້າການໃນການປຸກລະດົມຂົນຂວາຍທົ່ວສັງຄົມທັງພາຍໃນ​ ແລະ​ ຕ່າງປະເທດເພື່ອຊອກຫາທືນຮອນໃນການຈັດຊື້ເຄື່ອງຊ່ວຍເພື່ອມາບັນເທົາທຸກໃຫ້ປະຊາຊົນທີ່ປະສົບເຄາະຮ້າຍຈາກໄພພິບັດຕ່າງໆໄດ້ມີຊີວິດການເປັນຢູ່ທີ່ດີຂື້ນ.
ຂ່າວ-ພາບ: ອົງການກາແດງແຂວງ​ ອັດຕະປຶ
อาจเป็นรูปภาพของ 11 คน, ผู้คนกำลังยืน และ สถานที่ในร่ม