ອົງການກາແດງລາວ

CROIX ROUGE LAO

ປະຊາຊົນ21ຄອບຄົວຂອງເມືອງນານໄດ້ຮັບເຄື່ອງຊ່ວຍເຫຼືອ

ໃນວັນທີ່13 ມັງກອນ 2022 ອົງການກາແດງລາວແຂວງຫຼວງພະບາງ ນໍາໂດຍທ່ານ ວຽງສະຫັວນ ກະເສີມສຸກ ຫົວໜ້າອົງການກາແດງລາວແຂວງຫຼວງພະບາງ ແລະ ທ່ານ ສິດສຸພອນ ຕາງໜ້າຫ້ອງການແຮງງານແລະສະຫັວດດີການສັງຄົມເມືອງນານ ໄດ້ລົງມອບເຄື່ອງຊ່ວຍເຫຼືອບັນເທົາທຸກໃຫ້ແກ່ພໍ່ແມ່ປະຊາຊົນບ້ານ ໂພນໄຊ , ບ້ານແສງສະຫວ່າງ ເມືອງນານ ຈໍານວນ 21 ຄອບຄົວ ຈໍານວນພົນ 104​ ຄົນ,​ຍິງ​ 51 ຄົນ ແລະ ນອກຈາກນັ້ນຍັງໄດ້ມອບເຄື່ອງຊ່ວຍເຫຼືອນ້ອງນັກຮຽນຈາກໂຮງຮຽນປະຖົມໂພນໄຊ , ໂຮງຮຽນປະຖົມແສງສະຫວ່າງ ເມືອງ ນານ ຈໍານວນ 58 ຄົນ ເຄື່ອງທີ່ນໍາໄປມອບໃນຄັ້ງນີ້ປະກອບມີ ເສື້ອກັນໜາວ, ເກີບ, ຢາສີແຂ້ວ, ສະບູ, ແລະ ອື່ນໆລວມມູນຄ່າ​ທັງໝົດ​ 16,665,000 ກີບ