ອົງການກາແດງລາວ

CROIX ROUGE LAO

ປະທານກາແດງລາວເຄື່ອນໄຫວເຮັດວຽກທີ່ແຂວງເຊກອງ

ໃນຕອນເຊົ້າຂອງວັນທີ 12ມີຖຸນາ 2019ນີ້ ໃນໂອກາດທີ່ທ່ານຄຳຮຸ່ງ ເຮືອງວົງສີ ປະທານອົງການກາແດງລາວ ພ້ອມດ້ວຍຄະນະໄດ້ລົງເຄື່ອນໄຫວເຮັດວຽກຢູ່ແຂວງເຊກອງນີ້ ທ່ານໄດ້ເຂົ້າພົບທ່ານ ຄຳເຜີຍ ບຸດດາວຽງ ເຈົ້າແຂວງເຊກອງ ເພື່ອລາຍງານການເຄື່ອນໄຫວ ແລະການລົງເຮັດວຽກໃນຄັ້ງນີ້ ເປັນຕົ້ນແມ່ນ ຜົນງານການເຄື່ອນໄຫວຂອງອົງການກາແດງລາວ ໂດຍສະເພາະກາແດງແຂວງເຊກອງ, ພົບປະອ້າຍນ້ອງພະນັກງານກາແດງແຂວງ ແລະ ເຜີຍແຜ່ກົດໝາຍວ່າດ້ວຍວຽກງານກາແດງລາວ ພ້ອມນັ້ນທ່ານໄດ້ສະເໜີບາງບັນຫາຕໍ່ທ່ານເຈົ້າແຂວງເພື່ອອຳນວຍຄວາມສະດວກ ແລະ ພິຈາລະນາເປັນຕົ້ນແມ່ນວຽກງານຊອກຫາແຫຼ່ງທຶນຂອງກາແດງຢູ່ຂັ້ນແຂວງຍັງເຫັນວ່າບໍທັນພົ້ນເດັ່ນ,ຄວາມຮັບຮູ້ຂອງສັງຄົມກ່ຽວກັບວຽກງານ,ໜ້າທີ່ພາລະບົດບາດຂອງກາແດງຍັງບໍກວ້າງຂວາງ ຈາກນັ້ນທ່ານ ເຈົ້າແຂວງກໍໄດ້ຮັບເອົາການສະເໜີດັ່ງກ່າວພ້ອມທັງໃຫ້ຄຳໝັ້ນສັນຍາວ່າຈະພະຍາຍາມເຮັດທຸກວິທີທາງໃນການຊຸກຍູ້ພັກດັນຊ່ວຍເຫຼືອໃນການຊີ້ນຳນຳພາເພື່ອເຮັດໃຫ້ວຽກງານດັ່ງກ່າວມີຄວາມສົນໃຈຈາກສັງຄົມ ແລະ ໃຫ້ການສະໜັບສະໜູນໃນວຽກງານມະນຸດສະທຳຢູ່ພາຍໃນແຂວງຂອງຕົນ.