ອົງການກາແດງລາວ

CROIX ROUGE LAO

ປະທານອົງກອນການກາເເດງລາວຕ້ອນຮັບຜູ້ອຳນວຍການໃຫຍ່ບໍລິສັດພຣູເດັນໂຊ

ໃນຕອນເຊົ້າຂອງວັນທີ 24 ມີຖຸນາ 2021 ນີ້ ທ່ານ ຮສຈ ດຣ ພູທອນ ເມືອງປາກ ປະທານອົງການກາແດງລາວໄດ້ຕ້ອນຮັບ ທ່ານ ວີເຈ ມັດດາວັນ ຜູ້ອຳນວຍການໃຫຍ່ ບໍລິສັດພຣູເດັນໂຊປະກັນຊີວິດ(ລາວ) ຈຳກັດ ພ້ອມດ້ວຍຄະນະທີ່ໄດ້ເຂົ້າມາພົບປະຢ້ຽມຢາມ.
ໃນໂອກາດນີ້ທ່ານປະທານອົງການກາແດງລາວໄດ້ສະແດງຄວາມຕ້ອນຮັບຢ່າງອົບອຸ່ນຕໍ່ການເຂົ້າຢ້ຽມຢາມໃນຄັ້ງນີ້ ທັງເປັນການເສີມສ້າງສາຍພົວພັນແລະ ການຊ່ວຍຂອງບໍລັດດັ່ງກ່າວທີ່ໄດ້ປະກອບສ່ວນຊ່ວຍເຫຼືອປະຊາຊົນນັບແຕ່ປີ2018 ເປັນຕົ້ນມາຈົນເຖິງປັດຈຸບັນໃນການປະກອບສ່ວນໃນວຽກງານມະນຸດສະທຳແລະໄດ້ແຈ້ງກຽ່ວກັບການຈັດຕັ້ງປະຕິບັດວຽກງານຂອງອົງການກາແດງລາວ ຊາບວາ່ໃນປະຈຸບັນນີ້ອົງການກາແດງລາວກໍໄດ້ປັບປຸງແຜ່ນຍຸດທະສາດເພື່ອໃຫ້ແທດເຫມາະກັບແຜນພັດທະນະຂອງລັດຖະບານ ເພື່ອຮອງຮັບເອົາການພັດທະນາແລະການຊ່ວຍເຫລືອຈາກສາກົນແລະວຽກງານປະຖົມພະຍາບານ, ວຽກງານກູ້ໄພສຸກເສີນ ແລະ ວຽກງານຊ່ວຍເຫຼືອບັນເທົາທຸກ ເປັນວຽກງານທີ່ຈຳເປັນ ເຊິ່ງໄລຍະຜ່ານມາບໍລິສັດດັ່ງກ່າວກໍໄດ້ໃຫ້ການສະໜັບສະໜູນແກ່ອົງການກາແດງລາວເປັນຕົ້ນ ໄດ້ຊ່ວຍເຫຼືອບັນເທົາທຸກແກ່ປະຊາຊົນທີ່ຖືກຜົນກະທົບຈາກໄພນ້ຳຖ້ວມຢູ່ 4 ແຂວງພາກໃຕ້, ສະໜອງປະກັນໄພຊີວິດໃຫ້ແກ່ອາສາສະໝັກກູ້ໄພ, ພະນັກງານສູນເລືອດ ທີ່ເຮັດວຽກຕ້ານການແຜ່ລະບາດພະຍາດໂຄວິດ.
ພ້ອມນັ້ນທັງສອງຝ່າຍຍັງໄດ້ປຶກສາຫາລືກັນໃນການຮ່ວມມືກັນໃນຕໍ່ໜ້າຢ່າງກົງໄປກົງມາ ຈາກນັ້ນບໍລິສັດພຣູເດັນໂຊປະກັນຊີວິດ(ລາວ) ຈຳກັດ ຈະໃຫ້ການຊ່ວຍເຫຼືອບັນເທົາທຸກໃຫ້ແກ່ພໍ່ແມ່ປະຊາຊົນທີ່ປະສົບໄພນ້ຳຖ້ວມຢູ່ແຂວງໄຊຍະບູລີ ດ້ານສະບຽງອາຫານເປັນມູນຄ່າ 30ລ້ານກີບ
ໃນຕອນທ້າຍທ່ານປະທານອົງການກາແດງລາວໄດ້ສະແດງຄວາມຂອບໃຈ ແລະ ຊົມເຊີຍມາຍັງທ່ານ ວີເຈ ມັດດາວັນ ທີ່ໄດ້ໃຫ້ການຊ່ວຍເຫຼືອພ້ອມທັງສະເໜີໃຫ້ບໍລິສັດດັ່ງກ່າວຊ່ວຍໃນການສະໜັບສະໜູນແກ່ວຽກງານຂອງອົງການກາແດງລາວຕໍ່ໄປ.