ອົງການກາແດງລາວ

CROIX ROUGE LAO

ປະທານອົງການກາເເດງລາວເຄື່ອນໄຫວຢ້ຽມຢາມ ແລະ ເຮັດວຽກທີ່ເເຂວງບໍ່ແກ້ວ

ໃນວັນທີ 2 ກໍລະກົດ 2021 ນີ້ ທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວ ພ້ອມດ້ວຍຄະນະໄດ້ເຄື່ອນໄຫວຢຽ້ມຢາມເຮັດວຽກທີ່ແຂວງບໍ່ແກ້ວ ແລະ ໄດ້ເຂົ້າພົບທ່ານ ປອ ບົວຄົງ ນາມມະວົງ ເຈົ້າແຂວງບໍ່ແກ້ວ.
ໃນໂອກາດນີ້ ທ່ານປະທານອົງການກາແດງລາວໄດ້ໂອລົມລາຍງານການລົງມາເຄື່ອນໄຫວ ແລະ ເຮັດວຽກໃຫ້ຊາບວ່າ :ການເຄື່ອນໄຫວວຽກງານຂອງອົງການກາແດງແມ່ນມີຄວາມສຳຄັນຫລາຍທີ່ເຮັດຫນ້າທີ່ຊ່ວຍເຫລືອປະຊາຊົນຜູ້ທຸກຍາກ ເວົ້າລວມ,ເວົ້າສະເພາະກາແດງແຂວງບໍ່ແກ້ວທີ່ໄດ້ຈັດຕັ້ງເຄື່ອນໄຫວວຽກງານຢ່າງຫ້າວຫັນ ແລະ ເປັນຂະບວນການພາຍໃຕ້ 9 ວຽກງານຕົ້ນຕໍ,ສິ່ງສຳຄັນແມ່ນວຽກງານເລືອດທີ່ໄດ້ເອົາໃຈໃສ່ສູ້ຊົນໃຫ້ໄດ້ຄາດຫມາຍແຕ່ການຊົມໃຊ້ເລືອດຕົວຈິງແມ່ນເພີ່ມຂຶ້ນ,ວຽກງານກູ້ໄພ ແມ່ນວຽກງານໜຶ່ງເຊິ່ງໄດ້ເລີ່ມຈັດຕັ້ງປະຕິບັດມາໄດ້ປີກວ່າ ເຫັນວ່າມີຄວາມສຳຄັນໃນການຮັບໃຊ້ສັງຄົມ ຈາກນັ້ນທ່ານປະທານອົງການກາແດງລາວຍັງໄດ້ສະເໜີໃຫ້ການນຳຂອງແຂວງຈົ່ງໃຫ້ການສະໜັບສະໜູນຮ່ວມມືຢ່າງຈິງຈັງ, ຊ່ວຍເປັນກະບອກສຽງໃນການປຸກລະດົມຂົນຂວາຍຂະແໜງການຕ່າງໆອ້ອມຂ້າງແຂວງ ໃນການປຸກລະດົມຂົນຂວາຍບໍລິຈາກເລືອດ, ການລະດົມທຶນຮອນ ແລະ ຂອດການປະສານງານກັບຂະແໜງການທີ່ກ່ຽວຂ້ອງ ແລະ ວຽກອື່ນໆທີ່ເຫັນວ່າຍັງໄດ້ເອົາໃຈໃສ່ ໂອກາດດັ່ງກ່າວ ທ່ານເຈົ້າແຂວງກໍໄດ້ກ່າວສະແດງຄວາມຍິນດີຕ້ອນຮັບ ແລະ ຕີລາຄາສູງການມາຮັບໜ້າທີ່ໃໝ່ຂອງປະທານອົງການກາແດງລາວແລະ ມາເຄື່ອນໄຫວເຮັດວຽກຢູ່ແຂວງບໍ່ແກ້ວໃນຄັ້ງນີ້ ແລະ ຈະໃຫ້ການສະຫນັບສະຫນູນແລະຄົ້ນຄວ້າ ປະສານສົມທົບຖືເປັນໜ້າວຽກສຳຄັນເພາະວ່າເປັນໜ້າທີ່ພື້ນຖານໃນການພັດທະນາຊິວິດການເປັນຢູ່ຂອງປະຊາຊົນໃນການຫຼຸດຜ່ອນຄວາມທຸກຍາກຂອງທິດທາງລັດຖະບານແລະຈະຊຸກຍູ້ອົງການກາແດງແຂວງຢ່າງໄກ້ສິດຕິດແທດ ຈາກນັ້ນກໍໄດ້ມີພິທີມອບຮັບເຄື່ອງຊ່ວຍເຫຼືອບັນເທົາທຸກ ເພື່ອໄປມອບຕໍ່ໃຫ້ກັບພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມຢູ່ພາຍໃນແຂວງຂອງຕົນ ເຄື່ອງທີ່ນຳມາມອບໃນຄັ້ງນີ້ປະກອບມີ ເຂົ້າສານ,ນ້ຳດື່ມ,ໝີ່,ປາກະປ໋ອງ,ຢາທີ່ຈຳເປັນອຸປະກອນກູ້ໄພສຸກເສີນປະກອບມີ ບັ້ງມອດໄຟ,ເສື້ອຊູຊີບ,ກົງເບັງ,ເຊືອກກຄ້ໄພ,ເກີບໂບກ,ເສື້ອກັນຝົນ,ໄຟສາບ,ຕູ້ລຳໂພງ,ແລະະ ອຸປະກອນປະຖົມພະຍາບານ ລວມມູນຄ່າທັງໝົດ 21.090.000 ກີບ ໂດຍໄດ້ຮັບການສະໜັບສະໜູນຈາກ ກາແດງສິງກະໂປ ແລະ ສະຫະພັນກາແດງ ແລະ ຊີກວົງເດືອນແດງສາກົນ.
อาจเป็นรูปภาพของ 3 คน, ผู้คนกำลังยืน และสถานที่ในร่มอาจเป็นรูปภาพของ 4 คน และผู้คนกำลังยืนอาจเป็นรูปภาพของ 3 คน และผู้คนกำลังยืน