ອົງການກາແດງລາວ

CROIX ROUGE LAO

ປະທານອົງການກາເເດງລາວເນັ້ນໜັກໃຫ້ອົງການກາເເດງເເຂວງຫຼວງນໍ້າທາເອົາໃຈໃສ່ບາງທີ່ສໍາຄັນ

ໃນວັນທີ 5ກໍລະກົດ 2021 ນີ້ ທ່ານ ຮສ ດຣ ພູທອນ ເມືອງປາກປະທານອົງການກາແດງລາວ ພ້ອມດ້ວຍຄະນະໄດ້ເຂົ້າພົບປະໂອ້ລົມອ້າຍນ້ອງພະນັກງານກາແດງແຂວງຫຼວງນ້ຳທາ ເຊິ່ງໄດ້ຮັບການຕ້ອນຮັບຂອງທ່ານ ດຣ ສົມສຸກ ສົມສະຫວາດ ຫົວໜ້າອົງການກາແດງແຂວງຫຼວງນ້ຳທາ ຈາກນັ້ນທ່ານ ຫົວໜ້າອົງການກາແດງແຂວງໄດ້ລາຍງານສະພາບການຈັດຕັ້ງປະຕິບັດວຽກງານຂອງກາແດງແຂວງໃນໄລຍະຜ່ານມາ ເຊິ່ງມີບາງວຽກງານທີ່ພົ້ນເດັ່ນ ເປັນຕົ້ນແມ່ນວຽກງານຊ່ວຍເຫຼືອບັນເທົາທຸກໃຫ້ກັບພໍ່ແມ່ປະຊາຊົນບັນດາເຜົ່າທີ່ໄດ້ຮັບຜົນກະທົບຈາກໄພພິບັດຕ່າງໆ ແລະ ໄດ້ລະດົມທຶນໂຄງການ One Heart ສ້າງເຮືອນໃຫ້ກັບຄອບຄົວທຸກຍາກຂາດເຂີນປ່ຽວພອຍ ໄດ້ 05 ຫຼັງ ຢູ່ເມືອງວຽງພູ, ວຽກງານສົ່ງເສີມສຸຂະພາບຊຸມຊົນ ເຊິ່ງໄດ້ສ້າງນ້ຳລິນ, ວິດຖ່າຍໃຫ້ກັບບັນດາບ້ານເປົ້າໝາຍ,ວຽກງານເລືອດໄດ້ເອົາໃຈໃສ່ປຸກລະດົມຂົນຂວາຍການບໍລິຈາກເລືອດຈາກຂະແໜງການຕ່າງໆພາຍໃນແຂວງສຳລັບ 6 ເດືອນຕົ້ນປີ 2021 ນີ້ ສາມາດບັນລຸຄາດໝາຍສູ້ຊົນ 686 ຖົງ ເທົ່າກັບ 40,35%ຂອງຄາດໝາຍສູ້ຊົນສູນເລືອດແຫ່ງຊາດວາງໃຫ້ 1700 ຖົງ,
ໃນຕໍ່ໜ້າອົງການກາແດງແຂວງມີແຜນສູ້ຊົນການສ້າງສູນກູ້ໄພເພື່ອຮັບໃຊ້ວຽກງານກູ້ຊີບກູ້ໄພໃຫ້ກັບພໍ່ແມ່ປະຊາຊົນພາຍໃນແຂວງຫຼວງນ້ຳທາ, ສືບຕໍ່ປຸກລະດົມຂົນຂວາຍຮັບບໍລິຈາກເລືອດໃຫ້ໄດ້ຕາມຄາດໝາຍສູ້ຊົນ, ປຸກລະດົມຂົນຂວາຍແຫຼ່ງທຶນເພື່ອໄວ້ຮອງຮັບການຊ່ວຍເຫຼືອຜູ້ໄດ້ຮັບເຄາະຮ້າຍຕ່າງໆ. ອອກໂຄສະນາພາລະບົດບາດ, ສິດ,ໜ້າທີ່ຂອງອົງການກາແດງອອກສູ່ສັງຄົມໃຫ້ຫຼາຍຂຶ້ນ.
ຕອນທ້າຍທ່ານປະທານອົງການກາແດງລາວໄດ້ສະແດງຄວາມຍ້ອງຍໍຊົມເຊີຍໝາກຜົນທີ່ສາມາດຍາດມາໄດ້ ແລະ ເນັນໜັກໃຫ້ພະນັກງານກາແດງແຂວງຈົ່ງເອົາໃຈໃສ່
1. ປະສານງານກັບຂະແໜງການຕ່າງໆໃຫ້ກ້ວາງຂວາງ
2. ຮູ້ສ້າງແບບແຜນວິທີເຮັດວຽກໃຫ້ເປັນມືອາຊີບ
3. ຕ້ອງມີຄວາມຮັບຜິດຊອບສູງຕໍ່ໜ້າທີ່ຄວາມຮັບຜິດຊອບຂອງຕົນ
4. ພະນັກງານທຸກຄົນຕ້ອງຮູ້,ເຂົ້າໃຈທີ່ຕັ້ງພາລະບົດບາດ, ສິດໜ້າທີ່ຂອງຕົນໃຫ້ດີ
5. ເປັນຕົວແບບໃຫ້ກັບສັງຄົມ ແລະ ສ້າງຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ.
ຈາກນັ້ນທ່ານປະທານອົງການກາແດງລາວໄດ້ມອບເຄື່ອງຊ່ວຍເຫຼືອບັນເທົາທຸກປະເພດ ເຂົ້າສານອາຫານແຫ້ງ, ຢາປົວພະຍາດ, ເຄື່ອງໃຊ້ຄົວເຮືອນ ແລະ ອຸປະກອນດັບເພີງ ແລະ ກູ້ໄພສຸກເສີນ ລວມມູນຄ່າທັງໝົດ21ລ້ານກວ່າກີບ ເຊິ່ງໄດ້ຮັບການສະໜັບສະໜູນຈາກກາແດງສິງກະໂປ ແລະ ສະຫະພັນກາແດງ ແລະຊີກວົງເດືອນແດງສາກົນ(IFRC).อาจเป็นรูปภาพของ 6 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ 1 คน, กำลังนั่ง, กำลังยืน และสถานที่ในร่มอาจเป็นรูปภาพของ 2 คน, ผู้คนกำลังยืน และผู้คนกำลังนั่งอาจเป็นรูปภาพของ 5 คน, ผู้คนกำลังยืน และผู้คนกำลังนั่งอาจเป็นรูปภาพของ 3 คน และผู้คนกำลังยืนอาจเป็นรูปภาพของ 4 คน, ผู้คนกำลังนั่ง และผู้คนกำลังยืนอาจเป็นรูปภาพของ 5 คน, ผู้คนกำลังยืน และผู้คนกำลังนั่งอาจเป็นรูปภาพของ 1 คน และกำลังยืน