ອົງການກາແດງລາວ

CROIX ROUGE LAO

ປະທານອົງການກາແດງກາແດງລາວຢ້ຽມຢາມປະຊາຊົນ 4 ບ້ານໂຄງການຂອງເມືອງບົວລະພາ

ໃນວັນທີ 28 ມີນາ 2022 ທ່ານ. ຮສ.ດຮ ພູທອນ ເມືອງປາກ ປະທານອົງການກາແດງແຫ່ງຊາດລາວ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ວຽກງານຢ້ຽມຢາມປະຊາຊົນ 4 ບ້ານ ໃນໂຄງການຫຼຸດຜ່ອນຄວາມສ່ຽງໄພພິບັດໃນຊຸມຊົນ ຂອງອົງການກາແດງແຫ່ງຊາດລາວຄື: ບ້ານສະອາງ, ບ້ານຂະຍູ້, ບ້ານຜານົບ ແລະ ບ້ານ ຫຍ່າຫວານ, ເມືອງ ບົວລະພາ; ແຂວງຄຳມ່ວນ, ທັງເປັນການຕິດຕາມຊຸກຍູ້ຢ້ຽມຢາມຖາມຂ່າວຊິວິດການເປັນຢູ່ຂອງປະຊາຊົນໃນການປູກຝັງລ້ຽງສັດ, ທຳການຜະລິດ.
ການລົງຕິດຕາມໃນຄັ້ງນີ້, ທ່ານປະທານອົງການກາແດງລາວໄດ້ ມອບອຸປະກອນເຕືອນໄພ ໃຫ້ບ້ານເປົ້າໝາຍຂອງໂຄງການຈຳນວນ 04 ບ້ານ ຂອງເມືອງບົວລະພາ ແຂວງຄຳມ່ວນ, ໄດ້ແກ່: ບ້ານສະອາງ ໄດ້ມອບເຮືອໄມ້ ຈຳນວນ 1ລຳ, ເສື້ອຊູຊີບຈຳນວນ 20 ຜືນ, ໂທລະໂຄ່ງມືຖື ຈຳນວນ 02 ໜ່ວຍ, ບ້ານຫຍ້າຫວາຍ ແມ່ນໄດ້ມອບ ແອັມ 350 W ຈຳນວນ 01 ເຄື່ອງ, ໄມໂຄໂຟນ 01 ອັນ, ໂທລະໂຄ່ງ 03 ໜ່ວຍ, ໝໍ້ແບ່ງລາຍ 03 ໜ່ວຍ ແລະ ສາຍໂທລະໂຄ່ງ (200 ແມັດ)ຈຳນວນ 1 ກໍ້,ສຳລັບບ້ານ ບ້ານຂະຍູ້ ແມ່ນໄດ້ມອບ ເຮືອໄມ້ ຈຳນວນ 01 ລຳ, ເສື້ອຊູຊີບ 20 ຜືນ, ໂທລະໂຄ່ງມືຖື ຈຳນວນ 02 ຫນ່ວຍ ແລະ ບ້ານຜານົບ ແມ່ນໄດ້ເທພື້ນເບຕົງເສີມເຫຼັກ ທາງຂຶ້ນບ້ານ ເຊິ່ງມີຄວາມຍາວ 40 ແມັດ, ລວງກ້ວາງ 2.80 ແມັດ, ຄວາມຫນາ 10 ຊັງຕີແມັດ, ລວມມູນຄ່າທັງໝົດ: 39,886,000 ກີບ, ມີປະຊາຊົນໄດ້ຮັບຜົນປະໂຫຍດຫລາຍກວ່າ 2000 ກວ່າຄົນ, ໄດ້ຊົມໃຊ້ໄດ້ຮັບຜົນປະໂຫຍດຈາກໂຄງການການນີ້, ເຊິ່ງສະຫນັບສະຫນູນຈາກ ສະມາຄົມ ພັດທະນາບົດບາດຍິງ-ຊາຍ (Gender Development Association) ເຄືອຂ່າຍອົງການຈັດຕັ້ງທາງສັງຄົມສາກົນເພື່ອຫຼຸດຜ່ອນໄພພິບັດ ຂອງປະເທດ ອັງກິດ; ໃຫ້ກຽດກ່າວມອບ ທ່ານ. ຮສ.ດຮ ພູທອນ ເມືອງປາກ ປະທານອົງການກາແດງແຫ່ງຊາດລາວ ແລະ ໃຫ້ກຽດກ່າວຮັບໂດຍຕາງໜ້າອຳນາດການປົກຄອງຂອງ 04 ບ້ານ,ໃນໂອກາດດັ່ງກ່າວນີ້; ທ່ານປະທານອົງການກາແດງລາວ ກໍ່ໄດ້ສະແດງ ຄວາມຍ້ອງຍໍຊົມເຊີຍຜົນສຳເລັດໃນການຈັດຕັ້ງປະຕິບັດໂຄງການ ພ້ອມທັງເນັ້ນໃຫ້ພະນັກງານ ແລະ ອາສາສະໝັກຈົ່ງຕັ້ງໜ້າເອົາໃຈໃສ່ ປະຕິບັດໜ້າທີ່ຕາມການມອບໝາຍ, ອົງການປົກຄອງທ້ອງຖິ່ນແຕ່ລະຂັ້ນຕ້ອງເປັນເຈົ້າການໃນການຕິດຕາມ-ຊຸກຍູ້ ຮັກສາວັດຖຸອຸປະກອນນຳໃຊ້ຢ່າງປະສິດທິພາບ ແລະ ຍືນຍົງ, ພ້ອມທັງເນັ້ນໃຫ້ພະນັກງານ ແລະ ອາສະໝັກຈົ່ງຕັ້ງໜ້າເອົາໃຈໃສ່ປະຕິບັດໜ້າທີ່ຕາມການມອບໝາຍ, ປຸກລະດົມສັງຄົມໃຫ້ປະກອບສ່ວນໃນວຽກງານກາແດງໃຫ້ນັບມື້ນັບເພີ່ມຂຶ້ນ. ແລະ ໃນຕອນບ່າຍຂອງວັນດຽວກັນ ທ່ານປະທານອົງການກາແດງແຫ່ງຊາດ ກໍ່ຍັງໄດ້ນຳເຄື່ອງ ປະເພດ ເກີບ, ກະເປົາ ແລະ ເຄື່ອງນຸ່ງຫົ່ມຈຳນວນໜຶ່ງມາມອບໃຫ້ແກ່ນ້ອງນັກຮຽນ ໂຮງຮຽນມັດທະຍົມສຶກສາສົມບູນ ບ້ານສະອາງ ເມືອງບົວລະພາ ແຂວງ ຄຳມ່ວນ, ໃນມູນຄ່າ 40 ລ້ານກວ່າກີບ ເຊິ່ງໄດ້ຮັບການສະໜັບສະໜູນ ຈາກກາແດງ ສ.ເກົາຫຼີ, ເພື່ອເປັນການປະກອບສ່ວນໃຫ້ແກ່ນ້ອງນັກຮຽນໄດ້ມີອຸປະກອນການຮຽນ ແລະ ເຄື່ອງນຸ່ງຫົ່ມທີ່ຮັບໃຊ້ໃນການສຶກສາຄົ້ນຄວ້າຮ່ຳຮຽນ.
อาจเป็นรูปภาพของ 6 คน, ผู้คนกำลังยืน และ กลางแจ้ง