ອົງການກາແດງລາວ

CROIX ROUGE LAO

#ປະທານອົງການກາແດງລາວຕ້ອນຮັບທ່ານທູດອົດສະຕາລີ.

ໃນວັນທີ 3 ສິງຫາ 2021 ນີ້ ທ່ານ ຮສ ດຣ ພູທອນ ເມືອງປາກ ປະທານອົງການກາແດງລາວໄດ້ຕ້ອນຮັບທ່ານ ໂພລ ແຄລີ ທູດອົດສະຕາລີ ປະຈຳ ສປປລາວ ໂອກາດດັ່ງກ່າວທ່ານໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ໄດ້ແຈ້ງໃຫ້ຮູ້ກ່ຽວກັບການຈັດຕັ້ງການເຄື່ອນໄຫວວຽກງານກາແດງໃນສປປລາວທີ່ເຮັດຫນ້າທີ່ຊ່ວຍເຫລືອປະຊາຊົນຜູ້ທຸກຍາກແລະການຮ່ວມມືກັບລັດຖະບານອົດສະຕາຣີຢ່າງແຫນ້ນແຟ້ນໃນໄລຍະຜ່ານມາສະພາກາແດງອົດສະຕາຣີໄດ້ໃຫ້ການຊ່ວຍເຫລືອດ້ານວຽກງານສຸຂະພາບໂຄງການໂລກເອສທີ່ປະສົບຜົນສຳເລັດຢ່າງສູງມີຜູ້ໄດ້ຮັບຜົນປະໂຫຍດຢ່າງຫລວງຫລາຍ. ຈາກນັ້ນທ່ານ ທູດ ໂພລ ແຄລີ ກໍໄດ້ສະແດງຄວາມຂອບໃຈຢ່າງສູງມາຍັງທ່ານປະທານອົງການກາແດງລາວທີ່ໄດ້ຕ້ອນຮັບຢ່າງອົບອຸ່ນ ແລະ ປິຕິຍິນດີຊົມເຊີຍຕໍ່ການມາຮັບໜ້າທີ່ໃໝ່ເປັນປະທານອົງການກາແດງລາວ ແລະສະແດງຄວາມຂອບໃຈທີ່ໄດ້ແຈ້ງສະພາບການຈັດຕັ້ງປະຕິບັດວຽກງານໃນໄລຍະຜ່ານມາໃຫ້ຮັບຊາບໃນນັ້ນມີບາງວຽກງານທີ່ໜ້າສົນໃຈ ແລະ ມີແຜນການຈະຮ່ວມມືກັບອົງການກາແດງລາວໃນອະນາຄົດ ເຊິ່ງລາຍລະອຽດນັ້ນທາງສະຖານທູດຈະໄດ້ຮ່ວມມືກັບອົງການກາແດງລາວເພີ່ມຂຶ້ນຕື່ມເພື່ອແນໃສ່ການຮ່ວມມືໃຫ້ແໜ້ນແຟ້ນຫັດແໜ້ນຄວາມສາມັກຄີສອງຊາດລາວ-ອົດສະຕາຣີ ກໍຄື ກາແດງລາວ-ກາແດງອົດສະຕາຣີໃນອະນາຄົດຈາກນັ້ນທ່ານປະທານອົງການກາແດງລາວຍັງໄດ້ສະເໜີການຮ່ວມມືລະຫວ່າງສອງຝ່າຍເພື່ອໄດ້ຮັບການສະໜັບສະໜູນຈາກສະຖານທູດຕໍ່ວຽກງານຕ່າງໆຂອງອົງການກາແດງລາວເປັນຕົ້ນແມ່ນແຜນພັດທະນາຊັບພະຍາກອນມະນຸດ,ການສ້າງຂີດຄວາມສາມາດ ແລະອື່ນໆ ຈາກນັ້ນ,ທ່ານທູດອົດສະຕາລີຍັງໄດ້ຢືນຢັນທີ່ຈະໃຫ້ການສະໜັບສະໜູນຮ່ວມມືກັບອົງການກາແດງລາວເພື່ອພ້ອມກັນເລັ່ງໃສ່ການຊ່ວຍເຫຼືອໃຫ້ທ່ວງທັນ ແລະ ເປັນຄູ່ຮ່ວມງານທາງດ້ານວຽກງານມະນຸດສະທຳທີ່ແຂງແກ່ນ.
อาจเป็นรูปภาพของ 3 คน, ผู้คนกำลังยืน และสถานที่ในร่มอาจเป็นรูปภาพของ 1 คน และสถานที่ในร่มอาจเป็นรูปภาพของ หนึ่งคนขึ้นไป และผู้คนกำลังยืน