ອົງການກາແດງລາວ

CROIX ROUGE LAO

ປະທານອົງການກາແດງລາວຕ້ອນຮັບເອກອັກຄະລັດຖະທູດ

ໃນຕອນບ່າຍ ຂອງວັນທີ 23 ມີນາ 2022, ທີ່ອົງການກາແດງແຫ່ງຊາດລາວ ທ່ານ ຮສ.ດຮ. ພູທອນ ເມືອງປາກ ປະທານອົງການກາແດງແຫ່ງຊາດລາວ ຕ້ອນຮັບທ່ານ ອິມ ມູຮົງ (IM MOOHONG) ເອກອັກຄະລັດຖະທູດ ແຫ່ງ ສ.ເກົາຫລີປະຈຳ ສປປ ລາວ ເຂົ້າພົບປະຢ້ຽມຢາມອົງການກາແດງແຫ່ງຊາດລາວເພື່ອປຶກສາຫາລືໃນການພັດທະນາວຽກງານກາແດງ.
ໃນໂອກາດນີ້, ທ່ານ. ຮສ. ດຣ. ພູທອນ ເມືອງປາກ ປະທານອົງການກາແຫ່ງຊາດກໍ່ສະແດງຄວາມຕ້ອນຮັບອັນອົບອຸ່ນຕໍ່ການຢ້ຽມຢາມໃນຄັ້ງນີ້ ແລະ ຕີລາຄາສູງ ຕໍ່ສາຍພົວພັນສອງຊາດທີມີມາແຕ່ຍາວນານໃນໄລຍະຜ່ານມາ ສ.ເກົາຫລີ ໄດ້ໃຫ້ການຊ່ວຍອົງການກາແດງແຫ່ງຊາດລາວ ໃນຫລາຍດ້ານເປັນຕົ້ນ ການພົວພັນຊາວຫນຸ່ມອາສາສະຫມັກ,ການສະຫນອງເຄື່ອງບັນເທົາທຸກ ແລະ ອື່ນເຊີ່ງມັນເປັນຫມາກຜົນທີ່ດີໃນສອງກາແດງລະຫວ່າງກາແດງແຫ່ງຊາດລາວ ແລະສະພາກາແດງ ສ.ເກົາຫລີ ເຊີ່ງເປັນເພີ້ມທະວີຮັດແຫນ້ນສາຍພົວພັນທີມີອັນຍາວນານ.
ຈາກນັ້ນ, ທ່ານ ອິມ ມູຮົງ (IM MOOHONG) ເອກອັກຄະລັດຖະທູດ ແຫ່ງ ສ.ເກົາຫລີ ກໍ່ໄດ້ສະແດງຄວາມຂອບໃຈທີ່ໃຫ້ການຕ້ອນຮັບຢ່າງອົບອຸ່ນ ແລະ ຊົມເຊີຍຕໍ່ທ່ານປະທານອົງການກາແດງແຫ່ງຊາດໄດ້ໃຫ້ການຊ່ວຍເຫລືອປະຊາຊົນຜູ້ທຸກຍາກຂາດເຂີນ, ໂດຍແມ່ນການເອົາໃຈໃສ່ການແຜ່ລະບາດພະຍາດໂຄວິດ19ໃນການຕ້ານແລະສະກັດກັ້ນ,ການສະຫນອງອາຫານໃຫ້ຜູ້ຕິດເຊື້ອແລະອື່ນໆ..ສ.ເກົາຫຼີ ຈະສືບຕໍ່ໃຫ້ການຊ່ວຍເຫລືອໃນວຽກງານຕ່າງຕາມຄວາມເຫມາະສົມແລະເພື່ອພັດທະນາອົງການກາແດງແຫ່ງຊາດລາວໃຫ້ຄວາມເຂັ້ມແຂງຮອບດ້ານ.