ອົງການກາແດງລາວ

CROIX ROUGE LAO

ປະທານອົງການກາແດງລາວພ້ອມດ້ວຍທ່ານຮອງປະທານາທິບໍດີສະວິດເຊີແລນເຂົ້າຢ້ຽມຢາມສູນຈຳກັດບໍລິເວນຫຼັກ27.

ປະທານອົງການກາແດງລາວພ້ອມດ້ວຍທ່ານຮອງປະທານາທິບໍດີສະວິດເຊີແລນເຂົ້າຢ້ຽມຢາມສູນຈຳກັດບໍລິເວນຫຼັກ27.
ໃນຕອນບ່າຍຂອງວັນທີ 3 ສິງຫາ 2021 ທ່ານ ຮສ.ດຣ. ພູທອນ ເມືອງປາກ ປະທານອົງການກາແດງລາວ ພ້ອມດ້ວຍ ທ່ານ ອິກຢາຊີໂອ ກາຊີສ ຮອງປະທານສະພາລັດຖະບານກາງປະເທດສະວິດເຊີແລນ ທີ່ທ່ານໄດ້ເດີນທາງມາຢ້ຽມຢາມ ສປປ ລາວ ພ້ອມທັງ ໄດ້ໄປຢ້ຽມຢາມສູນຈຳກັດບໍລິເວນຫຼັກ 27 ນະຄອນຫຼວງວຽງຈັນ ເພື່ອໃຫ້ກຳລັງໃນແພດໝໍ, ທີມງານອາສະໝັກທີ່ໄດ້ປະກອບສ່ວນໃນການປະຕິບັດໜ້າທີ່ ໃນການປ້ອງກັນສະກັດກັ້ນການແຜ່ລະບາດພະຍາດໂຄວິດຢູ່ຫລັກ27ສູນດັ່ງດ່າວ, ນອກຈາກນັ້ນ, ທ່ານກໍ່ຍັງໄດ້ມອບການຊ່ວຍເຫຼືອຄັ້ງໃໝ່ ທາງດ້ານສະບຽງອາຫານທີ່ຈຳເປັນ ໃຫ້ແກ່ແຮງງານ ທີເດີນທາງກັບມາຈາກປະເທດເພື່ອນບ້ານ ຢູ່ໃນສູນຈຳກັດບໍລິເວນໃນທົ່ວປະເທດ ຂອງ ສປປ ລາວ, ນອກຈາກນັ້ນ; ທ່ານກໍ່ຍັງໄດ້ມອບຊຸດເຄື່ອງສຸຂະອານະໄມ ຈຳນວນ 1000 ຊຸດ ເພື່ອຮັບປະກັນ ເລື້ອງສຸຂະອານະໄມ ໃນໄລຍະທີ່ຈຳກັດບໍລິເວນ, ການຊ່ວຍເຫຼືອໃນຄັ້ງນີ້ ລວມມູນຄ່າ 500.000 ສະວິດຝຣັ່ງ ໂດຍຜ່ານອົງການອາຫານໂລກ ເພື່ອເປັນສ່ວນໜຶ່ງໃນການປະກອບສ່ວນຊ່ວຍເຫຼືອວຽກງານການຄຸ້ມຄອງຢູ່ໃນສູນຈຳກັດບໍລິເວນ ພາຍໃຕ້ການຊີ້ນຳຂອງຄະນະສະເພາະກິດເພື່ອຕ້ານພະຍາດໂຄວິດ-19 ຂອງ ສປປລາວ, ການສະໜອງດ້ານສະບຽງອາຫານແມ່ນມີການຮ່ວມມືກັນກັບອົງການອາຫານໂລກ, ອົງການກາແດງສະວິດ, ອົງການກາແດງລາວ ແລະ ອົງການສຸພະນິມິດສາກົນ ເຊິ່ງໄດ້ແຈກຢາຍໃຫ້ສູນຈຳກັດບໍລິເວນ ພາຍໃນ 7 ແຂວງ ລວມມີ ນະຄອນຫຼວງວຽງຈັນ, ບໍ່ແກ້ວ, ໄຊຍະບູລີ, ຈຳປາສັກ, ສະຫວັນນະເຂດ, ສາລະວັນ ແລະ ແຂວງວຽງຈັນ.
ທ່ານ ອິກຢາຊີໂອ ກາຊີສ ຮອງປະທານສະພາລັດຖະບານກາງປະເທດສະວິດເຊີແລນ ໄດ້ກ່າວວ່າ ການຕໍ່ສູ້ກັບການແຜ່ລະບາດຂອງພະຍາດໂຄວິດ19 ຈຳເປັນຈະຕ້ອງໄດ້ສືບຕໍ່, ດັ່ງທີ່ພວກເຮົາໄດ້ເຫັນນຳກັນວ່າມີຫຼາຍໆປະເທດທີ່ສືບຕໍ່ປະເຊີນໜ້າກັບການແຜ່ລະບາດໃນຮອບໃໝ່ ແລະ ສາຍພັນໃໝ່ຂອງພະຍາດຊະນິດນີ້, ສິ່ງທີ່ສຳຄັນທີ່ສຸດ ພວກເຮົາຕ້ອງໝັ້ນໃຈວ່າ ສູນຈຳກັດບໍລິເວນ ແມ່ນມີຄວາມພ້ອມ ໃນການຮັບເອົນແຮງງານທີ່ກັບຄືນຈາກປະເທດເພື່ອນບ້ານ, ການດູແລເບິ່ງແຍງພວກເຂົາເຈົ້າແມ່ນຕ້ອງໃຫ້ຢູ່ໃນສະພາບການດຳລົງຊີວິດທີ່ດີ ແລະ ພ້ອມທັງຮັບປະກັນການກວດຫາເຊື້ອພະຍາດ ກ່ອນທີ່ທຸກຄົນຈະກັບຄືນສູ່ບ້ານເກີດເມືອງນອນຂອງຕົນ ແມ່ນມີຄວາມສຳຄັນ ທີ່ຈະປົກປ້ອງປະຊາຊົນລາວທັງຊາດໃຫ້ຫ່າງໄກຈາກເຊື້ອພະຍາດດັ່ງກ່າວນີ້, ການສະໜອງອາຫານໃນແຕ່ລະມື້ ແມ່ນຈະຊ່ວຍຫຼຸດຄ່າໃຊ້ຈ່າຍໃຫ້ແກ່ຄອບຄົວ ຂອງບັນດາແຮງງານທີ່ກັບຄືນຈາກປະເທດເພື່ອນບ້ານ ສ່ວນຫຼາຍພວກເຂົາເຈົ້າມີແຫຼ່ງລາຍຮັບພຽງທາງດຽວ, ຖ້າບໍ່ມີການຊ່ວຍເຫຼືອດັ່ງກ່າວ ຄອບຄົວຂອງພວກເຂົາເຈົ້າກໍ່ຕ້ອງໄດ້ຮັບຜິດຊອບໃນການສະໜອງອາຫານໃຫ້ແກ່ພວກເຂົາໃນໄລຍະເວລາທີ່ຢູ່ສູນຈຳກັດບໍລິເວນ, ການຊ່ວຍເຫຼືອໃນຄັ້ງນີ້ ບໍ່ພຽງແຕ່ຈະເປັນການປັບປຸງຄຸນນະພາບຊີວິດການເປັນຢູ່ຂອງຜູ້ທີ່ດຳລົງຊີວິດຢູ່ໃນສູນແຫ່ງນີ້ ແຕ່ຍັງຊ່ວຍຫຼຸດຜ່ອນຄວາມສ່ຽງ ໃນການແຜ່ລະບາດຂອງພະຍາດໂຄວິດ-19 ເນື່ອງຈາກອາຫານທີ່ຖືກຈັດກຽມໃຫ້ເປັນຢ່າງດີ ມີຄວາມປອດໄພ ແລະ ຖືກສຸຂະອານະໄມ, ນັບແຕ່ເດືອນມິຖຸນາ 2020 ເປັນຕົ້ນມາ ແມ່ນໄດ້ສຳເລັດການມອບອາຫານ ໄດ້ຫຼາຍກວ່າ 1.1 ລ້ານຄາບ ແລະ ມີຜູ້ໄດ້ຮັບຜົນປະໂຫຍດຫຼາຍກວ່າ 42.000 ຄົນ.
#ພາບແລະຂ່າວໂດຍ:ສຸກສະຫວັນ ຈັນທະວົງ.
อาจเป็นรูปภาพของ 10 คน และผู้คนกำลังยืนอาจเป็นรูปภาพของ 1 คน, กำลังยืน และสถานที่ในร่มอาจเป็นรูปภาพของ 2 คน, ผู้คนกำลังนั่ง, ผู้คนกำลังยืน และสถานที่ในร่มอาจเป็นรูปภาพของ หนึ่งคนขึ้นไป, ผู้คนกำลังยืน และสถานที่ในร่มอาจเป็นรูปภาพของ 2 คน, ผู้คนกำลังยืน และกลางแจ้งอาจเป็นรูปภาพของ 3 คน, ผู้คนกำลังยืน, ชุดสูท และกลางแจ้งอาจเป็นรูปภาพของ 4 คน และผู้คนกำลังยืนอาจเป็นรูปภาพของ 5 คน และผู้คนกำลังยืนอาจเป็นรูปภาพของ หนึ่งคนขึ้นไป, ผู้คนกำลังยืน และกลางแจ้งอาจเป็นรูปภาพของ 3 คน และผู้คนกำลังยืนอาจเป็นรูปภาพของ 3 คน และผู้คนกำลังยืนอาจเป็นรูปภาพของ 5 คน, ผู้คนกำลังยืน และสถานที่ในร่ม