ອົງການກາແດງລາວ

CROIX ROUGE LAO

ປະທານອົງການກາແດງລາວຢ້ຽມຢາມໂຮງໝໍພາກສະໜາມ.

ໃນວັນທີ 20 ຕຸລາ 2021ນີ້ ທ່ານ ຮສ.ດຣ ພູທອນ ເມືອງປາກ ປະທານອົງການກາແດງລາວ ພ້ອມດ້ວຍຄະນະໄດ້ລົງຢຽ້ຢາມໂຮງໝໍພາກສະໜາມທີ່ສູນຈຳກັດບໍລິເວນຫຼັກ27ເພື່ອໃຫ້ກຳໃຈແພດຫມໍແລະອາສາສະຫມັກອົງການກາແດງທີ່ກຳລັງປະຕິບັດຫນ້າໃນພາກສະຫນາມ.
ໃນໂອກາດນີ້ໄດ້ພົບທ່ານ ພົນຈັດຕະວາ ຄຳແດງ ພູມມະໄລ ຄະນະສະເພາະກິດ ກະຊວງປ້ອງກັນປະເທດ, ຫົວໜ້າກົມເສນາຮັກ ກະຊວງປ້ອງກັນປະເທດ ເພື່ອປຶກສາຫາລືການຊ່ວຍເຫຼືອອາຫານໃຫ້ແກ່ປະຊາຊົນທີ່ເຂົ້າມາປີ່ນປົວຫລືມາຈຳກັດບໍລິເວນຢູ່ສູນດັ່ງກ່າວ,ເປັນຕົ້ນແມ່ນແຮງງານເຄື່ອນຍ້າຍ,ປະຊາຊົນ ແລະ ນັກສຶກສາທີ່ຕິດເຊື້ອເຊິ່ງບໍມີເງື່ອນໄຂ ເພື່ອສະໜອງອາຫານ, ນ້ຳດື່ມ ແລະ ເຄື່ອງສຸຂະອະນາໄມ ແລະ ອື່ນໆ ເຊິ່ງທາງອົງການກາແດງລາວໄດ້ຮັບທຶນປະກອບສ່ວນຈາກສັງຄົມມານຳໃຊ້ຈັດຊື້ໃຫ້ຜູ້ທີ່ນອນປິ່ນປົວຢູ່ໂຮງໝໍພາກສະໜາມໄດ້ສະດວກ,
ໂອກາດດັ່ງກ່າວທ່ານປະທານອົງການກາແດງລາວຍັງໄດ້ໂອ້ລົມ ອ້າຍນ້ອງອາສາສະໝັກທີ່ໄດ້ປະຈຳຢູ່ໃນສູນຈົ່ງປະກອບສ່ວນເອົາໃຈໃສ່ໃນການຊ່ວຍເຫຼືອແຈກຈ່າຍອາຫານໃຫ້ເປັນປົກກະຕິ, ກວດກາ
ໃຫ້ຄົບ,ສະອາດ, ປະຕິບັດໄລຍະຫ່າງ,ໂຄສະນາມາດຕະການປ້ອງກັນເປັນຕົ້ນແມ່ນການຮັກສາໄລຍະຫ່າງ 2ແມັດ, ວິທີການໃສ່ຜ້າອັດປາກຢ່າງຖືກວິທີ,ການຮັກສາສຸຂະພາບ, ການຫັດກາຍບໍລິຫານຮ່າງກາຍ, ແລະ ເອົາໃຈໃສ່ໃນການປະສານງານກັບຄະນະຄຸ້ມຄອງສູນຢູ່ປະຈຳ .
ອົງການກາແດງລາວຈະໄດ້ເລີ່ມໃຫ້ການສືບຕໍ່ຊ່ວຍເຫຼືອແກ່ໂຮງໝໍພາກສະໜາມໃນດ້ານອາຫານ
ດັ່ງນັ້ນປະທານອົງການກາແດງຈຶ່ງຮຽກຮ້ອງມາຍັງພໍ່ແມ່ປະຊາຊົນ,ນັກທຸລະກິດຊາວຄ້າຂາຍທາງພາຍໃນແລະຕ່າງປະເທດຈົ່ງປະກອບສ່ວນວັດຖຸປັດໃຈເຂົ້າໃນໂຄງການລະດົມທຶນ ຜ່ານ ທະນາຄານການຄ້າຕ່າງປະເທດລາວ APP BCEL ONE ,OneHeart ໃນໂຄງການ PREVENT ANDCONTROL THE COVID-19, ທະນາຄານພັດທະນາລາວ 0302000010004137 ຫຼື ສອບຖາມລາຍລະອຽດໄດ້ທີ່ອົງການກາແດງລາວ 021253014, 020 9958 9893, 020 5689 8079
อาจเป็นรูปภาพของ หนึ่งคนขึ้นไป, ผู้คนกำลังยืน และ กลางแจ้งอาจเป็นรูปภาพของ 3 คน, ผู้คนกำลังยืน และ กลางแจ้งอาจเป็นรูปภาพของ 4 คน, ผู้คนกำลังยืน และ กลางแจ้ง