ອົງການກາແດງລາວ

CROIX ROUGE LAO

ປະທານອົງການກາແດງລາວເຄື່ອນໄຫວເຮັດວຽກຢູ່ ສີ່ ແຂວງພາກໃຕ້.

ໃນວັນທີ 28/06/2020 ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ ພ້ອມດ້ວຍຄະນະ , ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສະຫວັນນະເຂດ ແລະໄດ້ໃຫ້ກຽດຕ້ອນຮັບຂອງທ່ານ ສີສະຫວັນ ລັດຕະນະວົງ ຫົວຫນ້າຫ້ອງການກາແດງແຂວງສະຫວັນນະເຂດ ພ້ອມດ້ວຍພະນັກງານທີ່ກ່ຽວຂ້ອງແລະໃນນີ້ໄດ້ ຮັບຟັງລາຍງານການເຄື່ອນໄຫວວຽກງານໃນວຽກງານກາແດງໃນໄລຍະ06ເດືອນ ຕົ້ນປີ ແລະ ແຜນການ 06 ທ້າຍປີ 2020 ເປັນຕົ້ນແມ່ນວຽກງານຊ່ວຍເຫລືອບັນເທົ່າ ວຽກງານໂຄສະນາ ແລະ ຊອກຫາແຫລ່ງທຶນ, ວຽກງານເລືອດ ແລະ ວຽກອື່ນໆ.


ໃນຕອນບ່າຍທ່ານກໍ່ໄດ້ເຂົ້າພົບທ່ານ ສັນຕິພາບ ພົມວິຫານ ເຈົ້າແຂວງ ແຂວງສະຫວັນນະເຂດ ແລະໄດ້ລາຍງານວຽກສຳຄັນຕົ້ນຕໍເຊັ່ນ: ວຽກງານບໍລິຈາກເລືອດ;ການໂຄສະນາເຜີຍແຜ່ກ່ຽວກັບພະຍາດໂຄວິດ-19ໃນຊຸມຊົນທີ່ສ່ຽງ, ວຽກກູ້ໄພສຸກເສີນ;ການຊີດຢາພົ່ນຂ້າເຊື້ອໃນເຂດ ແລະ ການລະດົມທືນ,ການເຫລືອຈາກສັງຄົມ ແລະທ່ານເຈົ້າແຂວງກໍ່ໄດ້ໃຫ້ຄວາມສຳຄັນຕໍ່ວຽກງານກາແດງ ໂດຍສະເພາະກໍ່ແມ່ນວຽກງານການປຸກລະດົມຂົນຂວາຍບໍລິຈາກເລືອດ ແລະ ຈະນຳເອົາຂໍສະເຫນີຕ່າງໆ ໄປຄົ້ນຄ້ວາໄດ້ສືບຕໍ່ ລົງເຮັດວຽກຢູ່ທີ່ ແຂວງສາລະວັນ;ເຊກອງ;ອັດຕະປື ແລະ ຈຳປາສັກ ອີກດ້ວຍ.