ອົງການກາແດງລາວ

CROIX ROUGE LAO

ປະທານອົງການກາແດງລາວເຄື່ອນໄຫວເຮັດວຽກທີ່ແຂວງຫຼວງພະບາງ

ປະທານອົງການກາແດງລາວເຄື່ອນໄຫວເຮັດວຽກທີ່ແຂວງຫຼວງພະບາງ.
ໃນວັນທີ 27ກໍລະກົດ 2021 ນີ້ປະທານ ຮສ ດຣ ພູທອນ ເມືອງປາກ ພ້ອມດ້ວຍຄະນະໄດ້ເຄື່ອນໄຫວຢ້ຽມຢາມເຮັດວຽກທີ່ແຂວງຫຼວງພະບາງ ໃນໂອກາດດຽວກັນນີ້ທ່ານກໍໄດ້ເຂົ້າພົບປະທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ເພື່ອລາຍງານການຈັດຕັ້ງປະຕິບັດວຽກງານກາແດງໃຫ້ທ່ານຊາບແລະປຶກສາຫາລືຂໍທິດໃນການຊີ້ນຳນຳພາການເຄື່ອນໄຫວໃນຕໍຫນ້າໃນໄລຍະຜ່ານມາການຈັດຕັ້ງປະຕິບັດວຽກງານກາແດງແຂວງຫລາວພະບາງມີຫລາຍວຽກສຳເລັດຕາມຄາດຫມາຍໃນການຊ່ວຍເຫລືອປະຊາຊົນຜູ້ທຸກຍາກເຊັ່ນ: ວຽກງານເລືອດ, ວຽກງານກູ້ໄພສຸກເສີນ, ວຽກງານຊອກຫາແຫຼ່ງທຶນ, ການໂຄສະນາ, ການສ້າງອາສາສະໝັກ ແລະ ວຽກງານອື່ນໆ ,
ຈາກນັ້ນທ່ານຮອງເຈົ້າແຂວງກໍໄດ້ກ່າວສະແດງຄວາມຍິນດີຕ້ອນຮັບຕໍ່ການຢ້ຽມຢາມຄັ້ງນີ້.ໃນໄລຍະຜ່ານມາການນຳຂອງແຂວງກໍ່ໄດ້ເອົາໃຈໃສ່ຕໍ່ວຽກງານກາແດງຢ່າງໄກ້ສິດຕິດແທດໃນການຊີ້ນຳນຳພາ ວຽກງານວຽກງານກາແດງແມ່ນວຽກງານໜຶ່ງທີ່ໄດ້ເອົາໃຈໃສ່ໄກ້ສິດຕິດແທດ ເປັນຕົ້ນໄດ້ປຸກລະດົມສ້າງຂະບວນການບໍລິຈາກເລືອດເພື່ອຊ່ວຍຜູ້ເຈັບເປັນຕາມໂຮງຫມໍ,ສົ່ງທີມກູ້ໄພເຂົ້າໃຫ້ການຊ່ວຍເຫຼືອພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມຢູ່ແຂວງໄຊຍະບູລີ, ສາມາດປະກອບສ່ວນເຂົ້າໃນວຽກງານສະກັດກັ້ນກັບພະຍາດໂຄວິດ-19 ຂັ້ນແຂວງແລະ ປະສານງານກັບຂະແໜງການຕ່າງໆເພື່ອອຳນວຍຄວາມສະດວກໃນການຈັດຕັ້ງປະຕິບັດ ວຽກງານກາແດງໃຫ້ສຳເລັດຕາມແຜນການ ແລະພ້ອມກັນສ້າງຜົນງານໃສ່ວັນສຳຄັນຂອງຊາດ.
ຈາກນັ້ນ ທ່ານປະທານອົງການກາແດງລາວ ພ້ອມດ້ວຍຄະນະ ກໍໄດ້ເຂົ້າພົບປະໂອ້ລົມອ້າຍນ້ອງພະນັກງານການແດງແຂວງຫຼວງພະບາງ ໂດຍໄດ້ຮັບການຕ້ອນຮັບຂອງທ່ານ ດຣ ວຽງສະຫວັນ ສຸກກະເສີມ ຫົວໜ້າອົງການກາແດງແຂວງພ້ອມດ້ວຍຄະນະ ເຊິ່ງທ່ານໄດ້ລາຍງານໃຫ້ຮັບຊາບໂດຍຫຍໍ້ວ່າ ອົງການກາແດງແຂວງຫຼວງພະບາງແມ່ນສາຂາໜຶ່ງເປັນອົງການທາງດ້ານມະນຸດສະທຳໜຶ່ງທີ່ເຄື່ອນໄຫວວຽກງານຕາມ7ຫຼັກການພື້ນຖານ, 9 ວຽກງານຕົ້ນຕໍຂອງອົງການກາແດງລາວ ໃນນັ້ນວຽກງານທີ່ພົ້ນເດັ່ນແມ່ນວຽກງານບໍລິຈາກເລືອດທີ່ເປັນວຽກງານບູລິມາສິດ,ວຽກງານຊ່ວຍເຫຼືອບັນເທົາທຸກສຸກເສີນໃຫ້ແກ່ພໍ່ແມ່ປະຊາຊົນຜູ້ທຸກຍາກຂາດເຂີນປ່ຽວພອຍດ້ອຍໂອກາດ, ວຽກງານກູ້ໄພສຸກເສີນ ເປັນວຽກງານໜຶ່ງທີ່ໄດ້ຈັດຕັ້ງປະຕິບັດມາແຕ່ປີ 2018ເປັນຕົ້ນມາສາມາດອອກເຫດໄດ້ທັງໝົດ1.747 ຄັ້ງ,ນຳສົ່ງຄົນເຈັບເຖິງໂຮງໝໍ 1.099 ຄົນ,ຍິງ 499 ຄົນ,ຮັບສົ່ງຄົນເສຍຊີວິດ 237 ກໍລະນີ ແລະໄດ້ຮັບການສະໜັບສະໜູນຈາກສັງຄົມອ້ອມຂ້າງເປັນຢ່າງດີ, ວຽກງານໂຄສະນາຊອກຫາແຫຼ່ງທຶນປະກອບມີ ເຮືອນຮົມຢາ, ນ້ຳດື່ມ,ເຮືອນພັກ,ຫີບບໍລິຈາກຕາມສະຖານທີ່ຕ່າງໆ,ການສ້າງອາສາສະໝັກກາແດງແມ່ນໄດ້ຝຶກອົບຮົມໃຫ້ກັບອາສາສະໝັກທີ່ໄດ້ຄັດເລືອກມາຮ່ວມເພື່ອເຮັດໃຫ້ເຂົາເຈົ້າຮັບຮູ້ທີ່ຕັ້ງ,ພາລະບົດບາດ,ສິດໜ້າທີ່ ສາມາດເປັນຕົວແທນໃຫ້ພະນັກງານກາແດງໃນການເຄື່ອນໄຫວວຽກງານ
ໃນຕໍ່ໜ້າອົງການກາແດງແຂວງຈະໄດ້ສູ້ຊົນວຽກງານໂຄສະນາເພື່ອໃຫ້ສັງຄົມໄດ້ຮັບຮູ້,ເຂົ້າໃຈຢ່າງກ້ວາງຂວາງ, ເພີ່ມທະວີການປຸກລະດົມຮັບບໍລິຈາກເລືອດໃຫ້ຫຼາຍຂຶ້ນ, ການປະສານງານກັບບັນດາພະແນກການອ້ອມຂ້າງໃຫ້ຫຼາຍຂຶ້ນ, ເພີ່ມລົດກູ້ໄພເພື່ອຮອງຮັບການຊ່ວຍເຫຼືອໃຫ້ທັນການ
ຈາກນັ້ນທ່ານປະທານອົງການກາແດງຍັງໄດ້ສະແດງຄວາມຊົມເຊີຍມາຍັງການນຳພ້ອມດ້ວຍຄະນະຂອງອົງການການກາແດງແຂວງທີ່ໄດ້ພ້ອມກັນເອົາໃຈໃສ່ສູ້ຊົນໄດ້ຮັບຜົນສຳເລັດຫຼາຍດ້ານ ແລະໄດ້ເນັ້ນໜັກໃຫ້ເອົາໃຈໃສ່ໃນການປະສານງານກັບບັນດາຂະແໜງການອ້ອມຂ້າງແຂວງເພື່ອໃຫ້ວຽກງານຂອງຕົນມີປະສິດທິພາບ,ປະສິດທິຜົນສາມາດບັນລຸຄາດໝາຍທີ່ວາງໄວ້, ເພີ່ມທະວີເອົາໃຈໃສ່ໃນການເຕົ້າໂຮມຄວາມສາມັກຄີອ້າຍນ້ອງພະນັກງານໃຫ້ກາຍເປັນພະນັກງານ ມີຄວາມດີ, ເກັ່ງ ແລະ ມີຄວາມຮັບຜິດຊອບ, ເພີ່ມທະວີການປະດິດຄິດສ້າງສິ່ງທີ່ຫັນເປັນແຫຼ່ງທຶນແບບຍືນຍົງໃຫ້ກັບກາແດງ, ການພົວພັນຮ່ວມມືສາກົນຕ້ອງໄດ້ເອົາໃຈໃສ່ເພື່ອງເລັ່ງໃສ່ການຊ່ວຍເຫຼືອຈາກກາແດງເພື່ອນມິດແລະ ປະເທດທີ່ມີຊາຍແດນຕິດຈອດແນໃສ່ບັນດາໂຄງການຕ່າງໆໃຫ້ມີຄວາມເຂັ້ມແຂງ ແລະສາມາດສຳເລັດ.
ຈາກນັ້ນປະທານອົງການກາແດງລາວຍັງໄດ້ເຂົ້າຢ້ຽມຊົມສະຖານທີ່ໂຮງງານຜະລິດນ້ຳດື່ມ,ເຮືອນຮົມຢາ, ສູນເລືອດ ແລະຮ່ວມສະເຫຼີມສະຫຼອງການເປີດສູນກູ້ໄພ1625 ແຂວງຫຼວງພະບາງຄົບຮອບ3ປີ.
อาจเป็นรูปภาพของ 4 คน, ผู้คนกำลังยืน และสถานที่ในร่มอาจเป็นรูปภาพของ 3 คน, ผู้คนกำลังยืน และสถานที่ในร่มอาจเป็นรูปภาพของ 5 คน, ผู้คนกำลังยืน, ผู้คนกำลังนั่ง และสถานที่ในร่มอาจเป็นรูปภาพของ 3 คน, ผู้คนกำลังยืน และสถานที่ในร่มอาจเป็นรูปภาพของ กำลังยืน, สถานที่ในร่ม และแหล่งน้ำอาจเป็นรูปภาพของ 3 คน และผู้คนกำลังยืนอาจเป็นรูปภาพของ 2 คน และสถานที่ในร่มอาจเป็นรูปภาพของ 1 คน และกำลังยืนอาจเป็นรูปภาพของ 2 คน และสถานที่ในร่มอาจเป็นรูปภาพของ 7 คน และผู้คนกำลังยืนอาจเป็นรูปภาพของ หนึ่งคนขึ้นไป, ผู้คนกำลังยืน, ผู้คนกำลังนั่ง และสถานที่ในร่ม