ອົງການກາແດງລາວ

CROIX ROUGE LAO

ປະທານອົງການກາແດງລາວເຄື່ອນໄຫວເຮັດວຽກທີ່ແຂວງສະຫວັນນະເຂດ

ໃນວັນທີ 30ມັງກອນ ຫາ ທີ1ກຸມພາ 2022 ນີ້, ທ່ານ ຮສ.ດຣ ພູທອນ ເມືອງປາກ ປະທານອົງການກາແດງແຫ່ງຊາດລາວພ້ອມດ້ວຍຄະນະໄດ້ເຄື່ອນໄຫວຢຽ້ມຢາມແລະຊຸກຍູ້ວຽກງານກາແດງທີ່ແຂວງສະຫວັນນະເຂດ.
ໃນໂອກາດນີ້ໄດ້ເຂົ້າພົບ ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ
ເພື່ອປຶກສາຫາລືວຽກງານກາແດງແລະລາຍງານການເຄື່ອນໄຫວວຽກງານກາແດງໃຫ້ທ່ານຮອງເຈົ້າແຂວງໄດ້ຮັບຊາບພ້ອມທັງຂໍທິດທາງໃນການໃນການເຄື່ອນໄຫວພັດທະນາໃນຕໍ່ຫນ້າເພື່ອແນ່ໃສ່ເຮັດໃຫ້ວຽກງານກາແດງພັດທະນາເປັນກ້າວໆແລະບັນຫາສຳຄັນແມ່ນຊ່ວຍເຫລືອແລະການຮັບມືກັບການແຜ່ລະບາດຂອງພະຍາດໂຄວິດ-19ໃນແຂວງ,ເປັນຕົ້ນແມ່ນການຊ່ວຍເຫຼືອບັນເທົາທຸກເບື້ອງຕົ້ນ,ການຊອກຫາແຫຼ່ງທຶນ,ໂຄສະນາເຜີຍແຜ່ພາລະບົດບາດກາແດງ,ບັນຫາງົບປະມານແລະບຸກຄະລະກອນ,ວຽກງານເລືອດແລະອື່ນໆ
ຕອນທ້າຍທ່ານຮອງເຈົ້າແຂວງກໍໄດ້ສະແດງຄວາມຊົມເຊີຍຕ້ອນຮັບດ້ວຍຄວາມອົບອຸ່ນຕໍ່ການຢຽ້ມຢາມໃນຄັ້ງນີ້,
ໃນໄລຍະຜ່ານມາທາງການນຳແຂວງກໍໄດ້ເອົາໃຈໃສ່ຊຸກຍູ້ຊີ້ນຳນຳພາຢ່າງໄກ້ສິດຕິດແທດ ເຂົ້າຮ່ວມໃນຂະບວນການຕ່າງໆເຊັ່ນ:ລະດົມຂົນຂວາຍແຫຼ່ງທຶນ, ການລະດົມຂົນຂວາຍການບໍລິຈາກເລືອດ ແລະປະສານງານກັບອົງການປະສານສົມທົບກັບພະແນກການທີກຽ່ວຂ້ອງພາຍໃນແຂວງເພືອອຳນວຍຄວາມສະດວກ,ຊຸກຍູ້ວຽກງານກາແດງໃນການເຂົ້າຮ່ວມແລະປະກອບສ່ວນຂອງສັງຄົມຢ່າງກວ້າງຂວາງ
ຈາກນັ້ນ,ກໍໄດ້ຈັດພິທີມອບເຄື່ອງປະເພດ ເກີບ,ເຄື່ອງນຸ່ງ ຫົ່ມຈຳນວນ300ແກັດ ແລະເຄື່ອງປ້ອງກັນໂຄວິດຈຳນວນ 300 ຖົງ ລວມມູນຄ່າທັງໝົດ 653 ລ້ານກວ່າກີບໂດຍການກ່າວມອບຂອງທ່ານ ຮສ ດຣ ພູທອນ ເມືອງປາກ ປະທານອົງການກາແດງແຫ່ງຊາດລາວແລະກ່າວຮັບໂດຍທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ ເພື່ອໄປຊ່ວຍເຫລືອປະຊາຊົນຜູ້ທຸກຍາກ,ຈາກນັ້ນ,ໄດ້ພົບປະພະນັກງານອົງການກາແດງແຂວງໂດຍການຕ້ອນຮັບຂອງທ່ານ ສີສະຫວັນ ລັດຕະນະວົງ ຫົວໜ້າອົງການກາແດງແຂວງສະຫວັນນະເຂດພ້ອມດ້ວຍພະນັກງານທີ່ກຽ່ວຂ້ອງ.
ໃນຕອນບ່າຍ ກໍໄດ້ເຂົ້າຮ່ວມປະຊຸມປຶກສາຫາລືພັດທະນາວຽກງານເລືອດ ເປັນຕົ້ນແມ່ນອາຄານແລະສະຖານທີຫລັງໃຫມ່ເພື່ອຮອງຮັບການການຂະຫຍາຍຕົວເສດຖະກິດແລະສັງຄົມແຂວງໃນຕໍ່ຫນ້າກັບທ່ານ ປີເຕີ ເຮມອນ(Peter HayMond)ເອກອັກຄະລັດຖະທູດສະຫະລັດອາເມຣິກາ ປະຈຳ ສປປ ລາວ.