ອົງການກາແດງລາວ

CROIX ROUGE LAO

ປະທານອົງການກາແດງລາວເຄື່ອນໄຫວຢ້ຽມຢາມແຂວງອຸດົມໄຊ

ເພື່ອໃຫ້ພະນັກງານລັດກອນຮັບຮູ້ກຳໄດ້ ບົດບາດ ຂອງກາແດງ ໃຫ້ກວ້າງຂວາງ, ເຂົ້າໃຈ ແລະ ສັງຄົມປະກອບສ່ວນໃນເຄື່ອນໄຫວໃນວຽກງານມະນຸດສະທຳ
ວັນທີ 18 ກຸມພາ 2019 ນີ້. ອົງການກາແດງລາວນຳໂດຍ ທ່ານ ຄຳຮຸ່ງ ເຮືອງວົງສີປະທານອົງການກາແດງລາວ, ພ້ອມດ້ວຍຄະນະໄດ້ລົງໄປໂຄສະນາເຜີຍແຜ່ພາລະບົດບາດຂອງກາແດງ ຢູ່ແຂວງອຸດົມໄຊ ເຂົ້າພົບທ່ານ ປອ ຄຳພັນ ເຜີຍຍະວົງ ເລຂາພັກແຂວງ ເຈົ້າແຂວງອຸດົມໄຊ ເພື່ອລາຍງານວຽກການເຄື່ອນໄຫວຂອງຂະບວນການກາແດງ ແລະ ຫຼັງຈາກນັ້ນກໍໄດ້ເຂົ້າພົບປະໂອ້ລົມອ້າຍນ້ອງພະນັກກາແດງແຂວງ ແລະ ວັນທີ 19 ກຸມພາ 2019 ເຜີຍແຜ່ວຽກງານຂອງຂະບວນການກາແດງ ແລະ ກົດໝາຍວ່າດ້ວຍວຽກງານກາແດງລາວຢູ່ສະໂມສອນແຂວງ ອຸດົມໄຊ ຫົວຂໍ້ທີ່ນຳມາສະເໜີໃນຄັ້ງນີ້ລວມມີ: ປະຫວັດຄວາມເປັນມາ ການເຄື່ອນໄຫວຂອງຂະບວນການກາແດງສາກົນ,ປະຫວັດ ແລະ ພາລະບົດບາດ, ສິດໜ້າທີ່ ຂອງອົງການກາແດງລາວ,ກົດໝາຍວ່າດ້ວຍວຽກງານກາແດງລາວ, ເຊິ່ງມີຜູ້ເຂົ້າຮ່ວມທັງໝົດ 180 ຄົນ ມີການນຳແຂວງ, ຫົວໜ້າພະແນກ, ຮອງພະແນກ, ທະຫານ, ຕຳຫລວດ, ພ້ອມດ້ວຍພະນັກງານຫຼັກແຫຼ່ງຈຳນວນໜຶ່ງເຂົ້າຮ່ວມ.
ຈຸດປະສົງກໍເພື່ອເປັນການເຊື່ອມຊຶມໃຫ້ກັບພະນັກງານຫຼັກແຫຼ່ງພາຍໃນແຂວງອຸດົມໄຊໃຫ້ໄດ້ຮັບຮູ້ແລະ ເຂົ້າໃຈຢ່າງທົ່ວເຖິງ ແລະ ມີສ່ວນຮ່ວມນຳວຽກງານຂອງກາແດງ.