ອົງການກາແດງລາວ

CROIX ROUGE LAO

ປະທານອົງການກາແດງສຳເລັດການລົງຊຸກຍູ້ ຢ້ຽມຢາມ

ປະທານອົງການກາແດງສຳເລັດການລົງຊຸກຍູ້ ຢ້ຽມຢາມ ແລະ ເຮັດວຽກຢູ່ ແຂວງຈຳປາສັກ The president of Lao Red Cross have been visited Champasack Provincial Red Cross. ໃນຕອນເຊົ້າວັນທີ 02/07/2020 ທ່ານຄຳຮຸ່ງ ເຮືອງວົງສີ ປະທານອົງການກາແດງລາວໄດ້ເຄື່ອນໄຫວຢຽມຢາມແລະເຮັດວຽກຢູ່ແຂວງຈຳປາສັກ,ເຊິ່ງໄດ້ໃຫ້ກຽດຕ້ອນຮັບ ຈາກ ທ່ານ ກອງມະນີ ສຸລະທາທອນ ຫົວຫນ້າຫ້ອງການກາແດງແຂວງຈຳປາກສັກ ພ້ອມດ້ວຍພະນັກງານກ່ຽວຂ້ອງ ການລົງເຮັດວຽກໃນຄັ້ງແມ່ນເພື່ອພົບປະໂອ້ລົມຄະນະຮັບຜິດຊອບວຽກງານກາແດງລາວ;ຊຸກຍູ້ ຊີ້ນຳກ່ຽວວຽກງານກາແດງກໍ່ຄື 09 ຫນ້າວຽກຕົ້ນຕໍຂອງອົງການກາແດງລາວ;ພົບປະໂອ້ລົມການນຳແຂວງເພື່ອສະເຫນີໃຫ້ຮູ້ກ່ຽວກັບການເຄື່ອນໄຫວວຽກງານາກາແດງລາວ ອຳນວຍຄວາມສະດວກ ແລະ ລາຍງານກ່ຽວກັບຜົນສຳເລັດໃນການຈັດຕັ້ງປະຕິບັດວຽກງານໄພພິບັດ ໄລຍະສຸກເສີນ ແລະ ຟື້ນຟູ ທີ່ແຂວງອັດຕະປື;ຮັບຟັງລາຍງານການເຄື່ອນໄຫວວຽກງານ 06ເດືອນ ຕົ້ນປີ ແລະ ແຜນ 06 ເດືອນທ້າຍປີ ໃນນີ້ກໍ່ໄດ້ມີການສະເຫນີແລກປ່ຽນຄວາມຄິດເຫັນເຊິ່ງກັນ ແລະ ກັນ;ໃນຕອນ ໃນຕອນບ່າຍໄດ້ເຂົ້າພົບ ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ເພື່ອພົບປະໂອ້ລົມກ່ຽວກັບການເຄື່ອນໄຫວວຽກງານການກາແດງລາວ ເພື່ອໃຫ້ທາງຄະນະນຳແຂວງອຳນວຍຄວາມສະດວກໃຫ້ວຽກງານອົງການກາແດງລາວກໍ່ກາແດງແຂວງຈຳປາສັກໂດຍສະເພາະແມ່ນວຽກງານການບໍລິຈາກເລືອດ ແລະ ວຽກງານອື່ນ….ນອກຈາກນີ້ກໍ່ຍັງໄດ້ນຳເອົາເຄື່ອງຊ່ວຍເຫລືອບັນເທົາທຸກປະເພດເຄື່ອງໃຊ້ຄົວເຮືອນ;ເຄື່ອງນອນ ແລະ ເຄື່ອງອຸປະໂພກ-ບໍລິໂພກ ມາມອບໃຫ້ກາແດງແຂວງຈຳປາສັກເພື່ອແຮໄວ້ ແລະ ນຳໄປມອບຕໍ່ໃຫ້ປະຊາຊົນທີ່ທຸກຍາກຂາດເຂີນ ແລະ ທີ່ປະສົບໄພພິບັດ ລວມມູນຄ່າ 50,000 ກ່ວາລ້ານກີບ.